تكفون ردوا عليا
 

السلام عليكم انا زوجي عمره 24 سنه وباقي يدرس وحالته صعبه اتزوجنا واهله رافضيني بس من حبه مافكر في احد واخذني استاجرنا بيت لوحدنا يمكن 5 شهور ومن بعدها خلاني ببيت اهلي وهو معايه بس مستاجر مع اصحابه ومستحمله عند اهلي ليا 7 شهور وفي هي الفتره جانا ولد لاني حملت على طول اتصدمت فيه كثيرررررر صار يسكر مع اخوه ويضربني واقسم بالله انا اعطيه كل شي من فلوس وهدايا ومن اول ماتزوجنا ماقد اعطاني هديه والله كريمه بس عارفه ظروفه وعذرته وصارت المشاكل بيننا مالها اخر ولين اليوم وانا اساعده على امل يتخرج وارتاح بس احسه يحب الفلوس كل يوم اخذ من اهلي واعطيه وماحد يدري واذا اهلي اعطوني استبخل على نفسي واعطيه اخر مره جابلي هديه وهيه كانت اول مره قبل زواجنا ايام الحب وربي تعبت واهلي طردوه من بيتنا وصارت حالتي حاله ولما اطلب الطلاق يقول احبك ومابضيع حياتي بعدك وش اسوي من ناحية السكار انا كنت مره شديده عليه ودحين مااشوف عليه شي قولولي وش اسوي ....
اصبر لين يتخرج والا انفجر
والله ادري يحبني ويموت فيا وفي ولده واهلي يقولون اصبري عليه لين يتخرج لا تضغطي عليه وانا لما اخاصمه يتصل عليا ويتاسف ويقول انا زوجك ابو ولدك استري عليا وعلى عيوبي لا تكوني انتي والزمن ضدي لين وصلت فيه يقول سحرته وخليته يحبني ومايقدر يطلقني ولما تخاصمنا قال بروح اقرأ على نفسي قلت روح بعدها باسبوع قلت ليش مارحت قال انا مبسوط واحبك ومرتاح بحبك وماراح اخليكي تتزوجي احد بعدي ولا احد راح يشوفك واليوم خرجني عزمني على الغداء وقال اعذريني على القصور بس اعوضك باحسن منها..
من ناحية السكار انا اشوفه بطله لانه مو متعود عليه سواها كم مره بس مع اخوه .. وربي انه كريم بقوووه انا مااقول هذا الكلام الحلو عشان شي بس عشان مااكون ظالمته في كلامي كل اللي قاهرني جلستي عند اهلي ويقول اصبري لين اتوظف وبخليك اسعد انسانه وبسكنك في احسن مكان ومااخلي احد يهرج عليك بكلمه واهلك ماراح تشوفيهم الا وقت الزياره شي شيروا عليا انا والله احبه بس ابغى نصيحتم ... ربي يسعد اللي يرد عليا.. مره خاصمته دق يبكي قال انا في الشارع ولا ابغى اشوف احد غيرك قلت روح عند اخوك العزابي انا ماابغاك قال انا زوجك استري عليا والله احبك واهلك طردوني ودست على كرامتي عشانك ورجعت دخلت لما قلتي تعال تكفين لا تخليني لما وافق يجي جاني وحضني ويبكي في حضني ويقول انا قاعد اضيع لا تخليني احضنيني يا ........ وحضنته ماعدت 5 دقايق الا وهوه نايم ... اقسم بالله احبه جاوبوني تكفووووووووون

اختي ما يفيدك شيء الا الدعاء لرب السماوات ليهديه والصبر عليه
نعم اصبري اختي حتى يتخرج ويتوظف حتما ستتحسن احوالكما لما تستقران
احتويه اختي ولا تتركيه للنفس الامارة بالسوء واجرك عند الله عظيم وان شاء الله ولدكما يتربى في عز ابوه
احتويه بكل ما تحمله الكلمة من معاني
دورك هنا الوقوف الى جانبه ومع الزمن سيرضى والداه عنك وعنه وتستقر نفسه اكثر
والله الموفق

ياعزيزتي انتي من يوم اخذتيه عارفه ظروفه صح ولا لا
وعارفه انه طالب ويحتاج لمصروف من اهله
ومع ذلك وافقتي عليه !

اذا لازم تتحملينه ولازم تكونين انتي قد المسئوليه
ومو كل ماتضايقتي من وجودك عند اهلك حطيتي حرتك فيه لا ( مدري حسيت انك متضايقه من وجودك عند اهلك )
اذا الكلام اللي بالاقواس خطا انا اعتذر

بس لازم تتحملينه وحاولي انك تكونين له كل شي
واضح انه متعلق فيك بقوووه فلاتعاملينه بقسوه بسبب ظروفه
وان شاء الله بكره احلى واحلى بس كثري دعوات واستغفار
والله يوفقك يارب

ياعزيزتي أصبري عليه لحد لما يتخرج ويتوظف، انتي عارفة من قبل ماتتزوجيه أنه طالب ومايقدر يصرف عليك ومع هذا اخترتيه وتزوجتيه فلازم تتحملي نتيجة اختيارك.
وحاولي ماتنجبي أطفال كمان إلا لما تستقر أموركم.