كيف أتصرف مع طليقتي ؟
 

بسم الله الرحمن الرحيم

ابغي رايكم كيف اتصرف مع طليقتي ... ام اولادي .... لي منها 3 أولاد ... وكل زياره لي اولادي تسويلي مشكله ... واخرتها تكره اولادي فيني .. يوم اخذت اولدي معي للحديقه ومع السواليف .. تقولي بنتي عمرها 5 سنوات صحيح يابابه انتي طشينا في بيت جدتي (ام ولدتها) ... المهم والله اني اولادي اذا باخذهم زياره القاهم يعاملوني معامله مو زينه واول ماخذهم بالسياره والله يوم برجعهم لامهم يزعلون ويقلون مانبي نرجع بنام عندك ....

وشي ثاني وبعض الاحيان تجيها حالات طليقتي ... القاء ولدي 7 سنوات يقولي يابابا ليه ماترجعون لبعض
انت وماماه وش دراه هذا الطفل بهل الكلام مو حرام توعيه بحالتنا وتعقعده وهو صغير ولا بعض الاحيان يتصلون علي يابابا بروح حديقه وماما بتروح معانا:25: والله ابتلشت الحمدلله والشكر بس

طليقتك مالها دخل الاطفال الوضع الطبيعي يعيشون مع أب وأم
وعيالك يعيشون وضع غير طبيعي وهو الاب والام منفصلين
تخيل وانت صغير نفس وضعهم بعدين تكلم

الله يكون في عونهم وعون أمهم

طيب أخوي اذا كلامـ الاطفال صحيح..رجع امهمـ..يمكن هي تبي ترجع بس مو عارفه شلون..؟؟
<==تحس انها طلعت عن الموضوع الرئيسي هههه..

انا ماااتكلم بعنصريه بل واقعيه

طليقتك عليها ضغوط انت عندك ثلاثه اطفال مو طفل مو سهل ابدا تربيهم بدون اب
وخاصه اهي اكيد تتعرض لضغط من أهلها
يااخي الواقع والي نشوفه مايستر العيال الا أبوهم
وش تبي عايشين في بيت جدانهم والام مهما تكونوضعيفه
تبي يقول ماراح اروح معك
عيالك يبونك ويبون امهم وطبيعي جدا ردة فعلهم والاطفال كل يوم بوجهه
اما ولدك 7سنوات يعتبر فاهم

كلام لو كانت امهم طبيعيه لكنها بعيد عنك وحده حقيره ولا يهمها الا نفسها واخر همهما الاطفال والبيت
خلين ساكت ولا اقصلك قصص يشيب راسك منها

...الله يهديها ويصلحها لأولادكـ...

يوووووه ياخوي ماتدري عن الاطفال وش يحسوون والله انا بنتي عمرها خمس سنوات وعندها كلام يبكي الحجر وخاصه انا ابكي منها على طول انا ابوها مايكلمها ولايزورها الى جينا بالمنطقه حقته وانا اروح عشان جداني يعني اطول،وهي تشحددددني ادق على ابوها وعاد انا اخذ شهر واحس بنتي بتنجن ثم ادق عليه وشوف شكلها بس يوم تسمع صوته وتقوله كلمات تبكيني تقول بابا تعال وبابا ليه متنام عندنا وبابا تعال اخذني اجي عندك وهي وجهه بيبكي وهو مدرى عنها وعاد في الاوقات مدري الى تجيني تقول ماما روحي عند بابا وماما بس مره روحي معنا مع بابا وشكله يكسر الخاطر ماتبيني اقول ماقدر والحين كل شوي تقول بكلم واقول بابا بالدوام مايقدر يكلم واعطيها رقم مقفل عشان تقتنع وتجهز اغراضه تقول بابا مع الطريق بينام عندنا بالمجلس وهو عايش حياته انت ماشاء الله تفكر باولادك الله يجمعكم بالحب والسعاده والطااااعه يااااارب وانا ابوها قبل الطلاق كان يحبها والحين مدري عنه لاهي مع زوجته وينتظر عياله الي في المسقبل وشكله نسى بنته الى شكلها يكسر الخاطر وهي مرررره تحبنى وانا وابوها دايم تغني فينا والله يعييييني اذا تزوجت اعذرني على طول كلامي ممكن مايعجبك

للخطايا ثمن والثمن غالي وهو تمرد الولد إذا كبر وحبه للانتقام ممن حرمه العيش مثل بقية زملاءه واصحابه الولد يبي أبو يحاوره ويشكي له همومه ومشاكله في الدراسة والمدرسه لايمكن يشكي لأمه وهي سبب ابتعاده عن ابوه والا البنات حبهم لأبوهم حب مايحس به الا بنت مثلهم تحب تطلب منه لو قلم رصاص وتفرح اذا لبى له الطلب ابوها لأن الأم عاجزة عن التربيه ماتقدر تقوم بدور الأم والأب بنفس الوقت والي صار بينكم سببه ابليس تشوف أخطاء زوجتك انها أخطاء كبيرة ويمكن تكون طبيعية بس انت ماتفهم أن شخصية المرأة تختلف عن الرجل تعوذ من ابليس ورجع امهم بعد الاستخارة لو ماتجلس عندهم الا ساعات أهم شي تشوف أولادك كل يوم مهما كان تحمل بيسالك ربي عنهم يوم القيامه يتعلقون برقبتك . ارجع لأمهم واحتسب الأجر من الله في تربيتهم ليدعو لك بعد موتك .

شف اخوي وضعي كان في تشابه مع وضعك لكن صرت آخذ الأطفال وامشيهم واوديهم الملاهي واشتريلهم العاب و اخليهم يفلونها ثم افهمهم ان لازم يرجعون لامهم اذا يبغون نكرر الفلة مرة ثانية بعد اسبوع والامور ماشية وامهم ما تعاند لان فاهمة ان البنت عمرها 7 سنوات وممكن اخذها منها في اي لحظة الله يعينهم هالاطفال ما لهم ذنب الذنب ذنب من لا يخاف ربه