تعبت من الصمت
 

السلام عليكم ورحمة الله وبركاته
قبل فتره كانت كل مشكله اتصل علىامي او اختي او احدى صديقاتي افضفض لها كنت ارتاح بس بعد هذي الراحه العذااااااب لاني احب زوجي ومااحب احد يطالعه بنظره مو كويسه اكيد امي او اختي او صديقتي رح يوقفون معي وماكنت استفيد الا الالم اللي يبقى بعد المشكله لاني وزوجي تصالحنا لكن امي تستمر تسالني ماعاد فتح الموضوع واختي تقلي هاه كيفه الحين معاك
فاصبحت اصمممممت ماعدت اقدر ابوح تواجهني المشكلات والمعضلات التي توقف الدمع بعيوني من شدة الالم بس ماعاد اقدر اتكلم ما عاد اقدر افضفض حتى بالمنتديات لاني صرت اخاف من حرف يشهد علي يوم القيامه
قبل فترة صارت لي مشكله مع احدى قريبات زوجي وضلمت فيها والله العظيم ان صار وجهي كله حبوب وتطلع الحبوب وقت اتذكر هذي المشكله حليتها بس باقي المها باقي مو راضي يروح
واليوم عندي مشكله اكبر ومحتاره ولا قدر اتكلم طول الليل اقرا امس اقرا القران عشان اقدر انام ونمت وصحيت وباقي الالم مكانه حاسه لو استمر بنفس الوضع بيجيني مرض امي صاااااارت تموت بصوتي لاني ماعاد اشتكي بس اتصل فيها اضحك وانا قلبي يبكي وتدعي لزوجي ليل ونهار لانه ماعاد نكد علي وانا اقول امين وقلبي يبكي اختي كل ماتتصل فيني تبغى تفضفض اقلها ربي يرضى عليك اسكتي اللي فيني كافيني ماعاد اقدر اسمع لاحد وش اسوي
ابي طريقه ارتاح بها من همومي بدون اجرح احد بدون مااحد يشيبل همي بدون ماحس بالم كل مااحد ذكرني وبدون تانيب الضمير من كلام قلته بحق زوجي بوقت زعل

احسن شي تكتبين كل مافي قلبي بورقة ومزقيها وبذلك اخرجتي مابقلبكـ ولا احد عرف عنها ,,

أعانكـ الله ,

خروج أي خلاف خارج نطاق بيتك سيزيد المشكلة ويعقدها أكثر وقد يترك رواسب في النفس صعب نسيانها..
أشكي همك لله فهو الوحيد القادر على نصرتك وهداية من ظلمك..
واجهي مشكلتك بكل جراءة ودبلوماسية واختيارك للفظ والوقت والمكان ومع الوقت سوف تحسي بأن المشكلة مهما كبرت فهي أمامك صغيرة لأنك بحكمتك قادرة على تجاوز محنتها.
الجائي للكتابة فهي متنفس للنفس وتفتيت للمشكلة.
الرجل منا يحترم المرأة عندما تعرف كيف تصل إليه فالرجال صناديق مفاتيحها التجارب.. وعشرة السنين كفيلة بكشف المخابي وكيفية الوصول لما تريدين وقت ما تريدي.
أختي ليست هنالك مشكلة لا يوجد لها حل.. لكن هنالك عناد وندية وغرور وتراكمات في النفس وغيرها من السلوك السلبية الموجودة في دواخلنا.. وهذه طبيعة في البني آدم والقلة من يتغلب على هذه الطباع.

بسيطه ................

تمرين بسيط لطريقة الشكوى

وقسم بالله مجرب .....وعلاج ناجح ...

امن يجيب المضطر اذا دعاه .............

توضاءي وصلي ركعتين .....وبعد الصلاه ......اسجدي ........وشتكي للذي خلقك ...بالعاميه ؟؟....

اذا كنت تومنين ان الله يسمع ويرى ......فكلميه
واذا كنت تعلمين ان الله على كل شي قدير .......فشكي له .......وقولي كل شي تريدينه وبالهجه التي تريدينها

قولي يارب ....اصلح لي الامر الفلاني ويارب جنبني من زوجي الامر الفلاني ...................

اصدقي مع الله وسترين ..........!!!

يا أختي وكلي أمرك لله وتأكدي مافيه شيء يستاهل نزعل عليه بالدنيا
لا تصيرين حساسة وكل شيء يضايقك طلعيه من راسك وقولي اللهم لا تجعل مصيبتي في ديني

اختي انا مع راي الاعضاء اشتكي لله صلي وادعي وربي هوه الوحيد اللي بيفرج همك اكثري من الاستغفار واذا تضايقتي توظي وصلي وحاولي انك تتغافلي عن بعض الامور احيانا سوي انك ماتسمعي خصوصا الكلام اللي يجرح والله يريح بالك ويسعدك يارب