|
هل هو شعور طبيعي للي بيتملكون ! والا موضوعي اثر على نفسيتي
اليوزر مستعار << الله يجزاها خير ويفرج همها
صبآح الخير للمخطوبين الله يوفقنا وياكم جميعا ويتمم لنا على خير ودي اسالكم اللي مر فيه شي طبيعي قبل كم يوم تحددت الملكة واحس نفسي مستوعبه ومو مستوعبه صار ببيتنا اختلاف في الاراء بين اني اسوي زواج او اسوي شبكة او او فانصدمت مرتين ان اخواني فاهمني اني لازم ابي عرس كبير او اني انتظر رجال ثاني ماديته احسن عشان يسوي لي ذاك العرس وانا مجرد اني ودي اسوي اللي علينا ونقنع اهل الخطيب اننا نسوي زواج بينا والتوفيق اهم شي اخوي كان اسلوبه جارح وقال ان الوالد الله يحفطه يقول لاتستخدم المهر هاليومين ترد لي القرار الاخير بعد اسبوع تبيه او لا المهم انها انحلت بيني وبين ابوي فهمني وفهمته وصار من سوء اسلوب اخوي نقل الحكي بطريقة جارحه صدمتني جاني خوف الحين مراح يتم موضوعي مع اني الحمدالله متوكلة على الله وان الله بيختار لي ان شاءالله مدري هل هي حساسيه مني ؟ اني للان خايفه يمكن صدق الموضوع مايصير او هي عدم راحة ؟ او هو شي طبيعي يخوف اللي قريب بيتملكون ؟ دعواتكم لي ان الله يكتب لي اللي فيه الخير |
عادي طبيعي جدا مافي زواج يصيربدون مشاكل واتوكلي على الله هذي كلها وساوس وتصيرمع الكل نصيبك حيجيكي غصب عن الكل
|
اول شي ماصارت هم بيتزوجو ولا انتي,, اخوانك مالهم حق احد يتدخل بالي تبينه والي ماتبينه عليهم بس يسمعو شورك وان كان مو بمصلحتك يقنعوك بس مايجبروك بشي ولايتحكمو,, والله يصبرك ويفرجها عليك
بس اسمعي الله يرضى عليكي , انتي اجلسي مع اهلك مره ومرتين وحبذا مع اخوانك بالتحديد وتجلسي تقوليلهم كل شي وتفرطيلهم السبحه بالي ببالك من الى والي تبيه وماتبيه,, كذا انتي حترتاحي من ظنونك ومن الي ببالك وبالي خايفه منه تعرفي اللي لك والي عليك ومالوم خوفك والله يوفقك وتتم امورك على خير يارب |
هل هو شعور طبيعي للبنت قبل الملكة يجيها برود وتحس مراح يصير شي
ردودكم تهمني شكرا للي ردو "ورده" |
حرم تركي
انا كان خوفي وهاجسي الاكبر بان التحاليل ما تتم رغم حدوث مشاكل ذيك الفتره صدقت ام عبود مافي زواج من غير مشاكل خفت ماتتم وكان هاجس عندي لدرجه نفسيتي تعبت الشبكه كانت كبيره وعازمين ناس وجهاء ومناصب والكل جاي من ديرتنا فكان شعور قبيح مخلوط ببرود كنت فعلا بارده ويجيني هاجس انو الموضوع ماحيتم والف حمد وشكر لله تمم وسهل الامور اتوكلي على ربك اعتقد شعور طبيعي |
عادي جدا حبيبتي توكلي على الله ولا تخافي بكره تنسي
|
الله يوفقكم يارب
|
اولا الف مبروك
والله يتمم لك ع خير وابعدي هالهاجس عنك هو يمكن الاطباع تختلف شوي من مجتمع لمجتمع بس انتي اختاري شبكه ولا زواج طبعا الشبكه مو لازم تكبرينها البسي أفخم شي عندك واحجزي كل شي تبينه وخليه يجي هو لحاله يلبسك اذا هم اعطوك الشبكه مع المهر انتي تبين شبكه بقاعه وبزفه ولا كيف وبخصوص الزواج كيف طريقته فيه زواج مصغر وزواج كبير الزواج المصغر بس اقاربه المقربين يحضرون بس هو مايبي زواج وع كذا راح يكون كل شي في بيتكم انتي قولي راح ارضي انومااسوي زواج بس الزواج مايجي فيه الا امك وخواتك لان بصراحه صعبه مايبي زواج ويجيب اقاربه معاه ولا تخلين احد يتدخل انتي حاولي تسمعين وجهة نظرة ليه مايبي انتي اذا كلمتيه تفاهمي معاه وماتدرين يمكن خيره لك انك ماتسوين زواج تري عيون بعض الناس ماترحم وانتي استخيري اكثر وادعي ربك اكثر والحي وقولي يارب ان كان فيه خير وفيه سعاده لك الله يقدمه ويتممه لك وان كان فيه شر الله يبعده عنك |
| الساعة الآن 08:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©