منتدى عالم الأسرة والمجتمع - استفسار ضرورى يا دكتور بالله عليك

منتدى عالم الأسرة والمجتمع (http://www.66n.com/forums/index.php)

- استفسارات الامراض النسائية (http://www.66n.com/forums/forumdisplay.php?f=124)

- - استفسار ضرورى يا دكتور بالله عليك (http://www.66n.com/forums/showthread.php?t=233905)

استفسار ضرورى يا دكتور بالله عليك

[SIZE="5"][SIZE="6"][SIZE="5"]انا عندى 25 سنة متزوجة من سنة و3 شهور الدورة عندى كانت غير منتظمة منذ بدات ولكن منذ عامين لاتاتى الا بالادوية وتاتى خفيفة جدا بعد ان كانت تاتى لمدة اسبوع واجريت تحاليل تانى يوم الدورة ونتائجها fsh 6.74
lh2.9 e238.58 وتحاليل اليوم 21 للدورة البرولاكتين 2.8 البروجستيرون 0.3 ولا يوجد عندى تكيسات نهائى وفى السونار احيانا يكون فى بويضات واحيانا لا واخذت كلوميد منشط البويضه كانت تصل الى 16 و18 مل وكنت اخذ مع الكلوميد حبوب تنظيم الدورة وبعدين زودت جرعة الكلوميد الى 3 حبات يوميا وبدون حبوب التنظيم وفى هذا الشهر وصلت البويضة ل19 مل واخذت حقنة تفجير وانتظرت معاد الدورة ولم تاتى ولم يحدث حمل وارتاحت شهرين لم تاتى فيهم الدورة وانزلتها بالدوفاستون ثم بدات بالحقن المنشطة فوستيمون 75 ولم تاتى معى بنتيجة لان البويضه كان حجمها 12 فقط والشهر اللى بعدة اخذت حقن مريونال 5 حقن تركيز 75 و5 حبات نولفادكس ووصلت البويضة الى 22مل فى اليوم ال13 للدورة واخذت حقن التفجير وانتظرت ولم تاتى الدورة ولم يحدث حمل مع العلم انى لا اعانى اى تكيسات وذلك من خلال السونار

فما هو تشخيص حضرتك لحالتى لانى حتى الان لا يعرف اى طبيب ماهو السبب لعدم نزول الدورة رغم ان التبويض جيد بالمنشطات وهل تعتقد ان الذى يخرج من المبيض هو جريبات او اكياس فارغة وليست بويضات ناضجة بالله عليك ارجو الرد والافادة لان حالتى النفسية سيئة للغاية ولا ادرى ماذا افعل

ارجو الرد يا دكتور بالله عليك انا محتارة اوى ونفسيتى تعبانة وخصوصا ان انا مغتربة فى السعودية وحاسة ان الدكاترة هنا توهونى اوى

ارجو الرد يا دكتور بالله عليك

هو واضح ان التبويض ضعيف عندك ومش بيحصل اصلا في اوقات من غير تنشيط ... انا رأيي تجربي التنشيط شوية كمان وبعدين نفكر نلجأ لأطفال الأنابيب

اما عن التشيخص ففي أغلب الأحيان بيكون السبب غير معلوم

جزاك الله كل خير يا دكتور على ردك واسفة عالاطالة بس حالتى النفسية صعبة اوى اوى وعايزة اعرف هو انا كدة ممكن يكون مخزون المبيض اوشك على الانتهاء وتكون فعلا حالتى سيئة والبويضات بتخرج من المبيض فارغة وعبارة عن حويصلات فاضية فعلا

دكتور احمد معلش انا طولت على حضرتك بس فى حاجة انا عملت سونار وكانت اول مرة تظهر فيه تكيسات وحجم المبيض اليمين كان 3.5*2.1 والشمال كان 3*1.5 يعنى اليمين عليه تكيسات اكتر والمرتين اللى اخدت فيهم منشطات كانت بتبقى البويضة الكويسة فى اليمين هل التكيسات دى نتيجة للمنشطات ولا كانت موجودة اصلا وهيا سبب منع خروج البويضة من الاول بس مكنتش ظاهرة هو ممكن التكيسات متظهرش رغم ان مكنش عندى اعراضها خالص ولا لخبطة هرمونات الخاصة بالتكيس هو الدكتور مرضيش يدينى منشطات الشهر دة وادانى جلوكوفاج ودوفاستون فى اليوم ال16 من الدورة اللى فاتت هو اصلا عمال يقولى متتعبيش نفسك وروحى اعملى طفل انابيب ومكنش عاوز يجرب معايا التنشيط تانى زى ما تكون سهلة اوى وتعبلى اعصابى جدا والظروف حاليا مش سامحة بيها وكمان احنا مغتربين يعنى لازم ننزل مصر عشان نعملها ومش هينفع دلوقتى انا تعبت من كل الدكاترة محدش عارف تشخيص لحالتى وبيمشو معايا شوية وبعدين يقولو منعرفش اي تفسير للى بيحصلك

لا في فرق بين ضعف التبويض وبين مخزون المبيض
ده بيتعمله تحليل معين للدلالة عليه

التكيسات ليها شروط لتشخيصها راجعي الفيديو في توقيعي هايجاوب على أسئلة كتير عندك

هو تحليل مخزون المبيض دة اللى هو amh ولا دة بتاع الكلوميد لاختبار مستوى ال fsh طيب اعمل تحليل مخزون المبيض ولا دة مش مفيد لحالتى وان اللى عندى دة ضعف تبويض طب ايه سبب ان البويضات تخرج فاضية عبارة عن اكياس بس دة ضعف تبويض ولا ليه علاقة بمخزون المبيض
وانا اسفة عالاطالة يادكتور وربنا يجزيك كل خير على اللى حضرتك بتعمله دة حضرتك بتطمن ناس كتير وتريحهم وتدلهم عالصح ويااااااارب اكون انا واحدة منهم

ايوة هو المذكور هو تحليل مخزون المبيض وطلبه بيكون من طبيبك المعالج وانا مجرد بقدم لك استشارة فقط

تشخيص الأكياس الفارغة ده بيكون بعينة من المبيض ماحدش بيقوله كده من نفسه

اسفة على الاطالة يا دكتور بس حضرتك تفسر بايه وصول البويضات لحجم كويس عندى ورغم كدة لا بيحصل حمل ولا بتنزل الدورة وخصوصا انى مش ظاهر عندى تكيسات عالمبايض خالص لا فى التحاليل ولا الاشعة وهل ممكن السمنة فى منطقة البطن تكون هيا السبب فى انها عاملة دهون عالمبيض رغم ان وزنى مش زايد