|
قبل لا تروح الروح ... ساعدوني
السلام عليكم ورحمه الله وبركاته
من يبي يحصل أجر ... تكفون يحصلة فيني لا تخلوني ... نشأت نشأة صالحه .. أقرأ القران من عمري تسع بخشوع ودموع .. احاااول مرات عديده حفظه وأحفظ منه وبعده بسنوات أنساه .. حجيت 3 مرات .. اعتمرت بكثره .. اللي حصل حملت من ست سنوات وتعبت حيل حال اي مرأة مع الوحم ... فتهاونت بالصلاة ... فجأه تركتها .. اريد العودة ولكن هيهات ..زوجي حريص عالصلاه ماشالله في المسجد يعني الجو يساعد صديقاتي محترمات .. ومحافظات عالصلاة انا لا ادري.. احس بالقهر .. عمري 30 سنه .. كم بعيش ... ياويلي ما اصلي ... اصلي فرض واترك الباقي ياناس ساعات اقول ( من يرد الله أن يهدية يشرح صدرة للاسلام .. يعني الشغله مو بيدي .. احسها بيد ربي .. انا احول والدنيا ما تنومن ... بموت بموت ... ابي اصلي تكفون ادعو لي ادعوا لي ادعوا لي حرام انا ام وما اصلي حرام كم بقي لي القهر كل يوم انوي عملي صدقه شلون صدقه وانا ما اصلي اكرهني ودي اتكلم بس زوجي بيجي ... |
لاحول ولاقوة الا بالله اولا اختي ادعي الله عز وجل ان يثبت قلبك على الايمان واعلمي بان الله يحبك ولولا حبه لك ما كنت بهذه الحال والضيق من تركك للصلاة حاولي اولا اجبار نفسك على الصلاه حتى لو كان الفرض لوحده وادعي الله ان يعينك عليها وجربي الصلاة جماعه لو مره في الاسبوع في المسجد لتدركي حلاوتها اعانك الله
|
قومي الان توضأي وصلي وادعي الله الثبات ولا تتبعي خطوات الشيطان فانت اقوي بالاستعانه بالله
قال تعالي "ان كيد الشيطان كان ضعيفا" |
بقول لك شغله انتي لو ماعندك ضمير والله ثم والله مادخلتي وكتبتي وأنبتي نفسك هالصوت اللي بداخلك معناه انتي افضل من غيرك حراااااام تطاوعين الشيطان وانتي عندك ضمير حي وقاعد يانبك معناته ان فيك بذره خير
لاتنسين هذه الدعوه أبــــــــــــــــدآ( اللهم أعينني على ذكرك وشكرك وحسن عبادتــــــــــــك ) أقسم بالله راح يتغير وضعك تمامآلو كررتيها دايم بعد كل صلاه وعند كل ماتشعرين بضيق راح تحسين بجهاد مع أبليسك بعدها تعوذي من الشيطان وقومي جاهدي نفسك يالغاليه إحنا في زمن جهاد النفس زمان كان جهادهم الحرب فاحمدي الله على نعمه الأمن وتحلي بالإيمان واكثري من الاستغفار أسأل الله العظيم وهو مقلب القلوب ان يثبتك على دينه ويامصرف القلوب صرف قلبها على طاعتك إنك سميع مجيب ماأملك لك غير الدعــــــــــــــــــــــــاء |
لحظة لحظة انتي من جدك ماتصلين؟
واضح انك مسلمة ومقتنعة بالصلاة طيب أيش اللي يمنعك انك ماتصلين؟ وبعدين الحمل مو عذر كل المسلمات يحملون ويصلون وأصلا الصلاة مأتبدأ تتعب الحامل إلا بالشهر الاخير بسبب كبر البطن وفي كثير ناس بدناء ويصلون وماخلوا سمنتهم عذر لترك الصلاة، غير عن كذا إن الواحد وهو تعبان يقدر يصلي جالس ولا حتى منسدح ويصلي على حسب استطاعته. وبعدين إكيد انتي عارفه إن الصلاة عمود الدين واللي مايصلي ماله داعي يؤدي العبادات الأخرى، يعني ماينفع تصومين وماتصلين. تعرفين أنا ادرس في جامعة في الولايات المتحدة وإدارة الجامعة مشكورة جهزت غرفة في الجامعة للمسلمين يصلون فيها ووقت صلاة الجمعة يؤدون الصلاة بكل طقوسها أقسم لك بالله يجون مسلمات غير محجبات ويصلون معانا حتى بدون حجاب تدرين ليه؟ لأن كل شيء غير الصلاة يهون لأنها هي الفرق اللي بيننا وبين غير المسلمين ومن تركها فقد كفر. معليش أعذريني بس ماني مستوعبه إن أحد يبغى يصلي بس مايصلي، طيب وش يمنعك ماتصلي؟ كلها خمس مرات في اليوم. |
(( إن الصلاة كانت على المؤمنين كتابا موقوتا ))
علقي هذي الاية بكل حيطان البيت وقومي وضي وصلي وادحري ابليس ترا هو العدو الحقيقي لج..وهو اللي يخليج متكاسله ومتهاونه..ولاتنسين ترددين لاحول ولاقوة إلا بالله الله يساعدج ويهديج |
اختي 30سنه وماتصلين يامقلب القلوب والابصار ثبت قلبي على دينك كرريها اختي الفاضله انا عكسك اصلي ولله الحمد لكن قلبي يملؤه خوف وحزن والسبب هم هم مثل بشار الاسد ويمكن بشار افضل منهم ياليت ابوي حي واقوله كل اللي صار لي من 3 شهور
|
اقتباس:
والله واضح بأنك لا تفقهين كثيراً بالإسلام ولا تفسير الآيات خذي هذه الآية ولتكن دليلاً لك بأن الله لن يغير ما بك حتى تغيرين ما بنفسك الدليل الأول "لا يغير الله ما بقوم حتى يغيروا ما بأنفسهم" الدليل الثاني إنك لا تهدي من أحببت ولكن الله يهدي من يشاء وهو أعلم بالمهتدين يعني أن الله يهدي من يريد الهداية وليس من يريده الله! فهناك الكثير ظن أن تفسير الآية هكذا ولكنها العكس هل تأكدتي الآن أن الموضوع بيدك وليس بيد الله؟ |
الدعاء ثم الدعاء ثم الدعاء .....وإستمري على الدعاء معين ولا تستبطئي الاجابة فبإذن الله سترين العجب العجاب قولي(( اللهم أني عجزت عن اصلاح نفسي فأصلحني....اللهم أني عجزت عن اصلاح نفسي فأصلحني...اللهم لاحول ولا قوة لي الا بك)) وقولي (( اللهم رُدني اليك رداً جميلاً)) .وتحري أوقات الاجابة وحاولى انك تستغفري حتي لو انشغلت كل ما تتفكري استغفري ولو مرة وحدة...وكل ما يأنبك ضميرك قولي في نفسك يارب مليش الا انت اللهم اعفو عني ودائما رددي في الصباح والمساء في أي وقت(( اللهم اني استودعك نفسي وديني وخواتيم أعمالي أمانة عندك)) انا ما اقول جربي لانه معناها يمكن تصيب ويمكن تخيب لا ولكن كوني واثقة ان الله يسمعك ويراك وسيردك اليه عاجلا أم آجلا باذنه ومشيئته...و إدعي وثقي بلاجابة ولو بعد حين .... ل وكوني واثقة وانت تدعين الله ان الله يفرح بتوبتك ولكن ذنوبك قد تأخر الاجابة والله أعلم أولا وأخيراً اللهم أني استودعك قلب ودين ورد وذبل يارب |
اقتباس:
فلامر بيد الله ثم بيدها...فهي عليها الأخد بالاسباب والله ييسر لها طريق الهداية وسُبله بعد جهادها لنفسها ... أي لا تبقي جالسة وتنتظر ان الله يهديها .. تأخد بالاسباب وتتكل على الله في كل امرها ....أعتقد هذا قصدك |
| الساعة الآن 07:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©