|
موضوعي صعب ساعدوني الله يوفقكم (تمت الخطبه المستجدات بالرد 16)
السلام عليكم
<< موضوعي خطير جدا صراحه هوا علا قسمين المهم يا اخوان انا اعرف بنت ليا 5 سنين وقبل ثلاث ايام جو لها خطاب واهلها غاصبينها لان كل ما جا لها خطاب رفضة ف حاولت بكل الطرق اني اجمع مهر وكذا وازبط وضعي واتقدم ف لقيت طريقه وهي كالتالي: اني استلف المبلغ الين اخذ عقد النكاح واقدم على سلفة مساعدة الشباب على الزواج وارد المبلغ للراجل الي استلفت منو واقسط الجمعيه << القسط 750 تقريبا لا يفوتكم ياشباب ف شاورة ابوي في الموضوع << ابوي ماعنده فلوس الفتره ذي عشان بيبني عماره وكذا << وشقتي موجوده الحمد لله المهم فقالي استنى الربوع اتشاور مع اعمامك ونشوف وقلت له انا متكفل بكل شي بس انت وافق وانا عمري 21 وباقيلي سنتين واتخرج من الجامعه إن شاء الله واعمامي من الناس الي يحسسوك انك طفل ماتعرف تسوي شي يعني ما تعرف تتحمل مسؤليه وحاولة اغير النظره بس علا قولة المثل دق الباب تسمع هوا مع اني مع ابوي متحمل مسؤليات لليل وكبير في عين ابو لاكن اعمامي ولا شي. هاذا القسم الاول القسم الثاني قلت لو ان الله ما كتب نصيب بسيب بنت الناس لاني وقفت نصيبها وضغطها مع اهلها كثير ويشهد الله ان البنت بنت ناس واصيلة بس انا الي طالع في حياتها غلط المهم المطلوب << بعد اذنكم طبعا 1_ انا غلطان في شي؟ 2_ هل في طرق احسن؟ 3_ بنت الناس تقلي حتا لو ما انكتب شي ماراح اسيبك! << مصيبه ايش اسوي انا ما ابي اسيبها بس حرام اعلقها معاي 4_ اي نصائح اي شي؟ 5_ اتمنى كل واحد يحط نفسه مكاني ويعتبرني اخوه الصغير وانا طالب شوركم ونصائحكم ومعليش الموضوع ملخبط عشان انا تفكيري متلخبط وشايل هم الله يعلم بيه ف لو في شي موباين قولولي اوضح لكم وشكرا مقدما |
بجاوبك على اخر نقطه ذكرتها
اتمنى كل واحد يحط نفسه مكاني ويعتبرني اخوه الصغير وانا طالب شوركم ونصائحكم فكر بلمحه بسيطه عن الي يترتب مابعد الزواج,, من مصاريف وغيره,,, تشوف انك قادر توفرها وانت تدرس..؟ القرار هو لك ولا عليك من اعمامك ولاغيرهم , والي يقولك صغير ومانت قد المسئولية,, والله قدها وقدود والصغير صغير بعقله بس بيني وبينك تقدر توفر المصاريف لكم الاثنين ل3 سنين قدام عبال ماتتخرج ان شاء الله وتلقى وظيفه ترا الحب مو كل شي , بكره النهار بوجهك ووجها وتطفش حب, وتبدء دوامه الضغوطات النفسيه عليك من المصاريف وانت ادرى بنفسك وشوف الي تبيه موفق يارب |
أستخير قبل اي شي ولا تستعجل بشي
ومدامك مضبط وضعك خلاص قول لابوك انا ماكلمتك الا وانا قادر بس أبوك يدري انك تحبها ولا كيف وانت متأكد ان البنت جايها خطاب وفهمها انك انت تدرس وراح تسوي اللي تقدر عليه ولازم هي أعذرك وتقدرك اذا هي تدرس حلو بس اذا صارت جالسه بالبيت مشكله بصراحه بس انت خلها تكلم احد من اهلها فاهم وكبير انها موومرتاحه للخطبه ومن هالحكي وكل شخص يبي سعادة بنته او اخته وهالامور مافيها غصب بس انت مقتنع انك تأخذها بهالطريقه وبهالاسلوب انت من ردك انو عادي عندك تكون لغيرك وانا اول مره اشوف رد مثل كذا بصراحه لو تحبها جد راح تسوي اللي تقدر عليه ولو تحبك جد راح توقف بوجه الكل عشانك والله يكتب اللي فيه الخير |
h`h jr]اذا تقدر تصرف عليها ماعليك من كلام اعمامك والله ثم والله الحب مو كل شي واقولها وانا متاكده القرار لك مو لاعمامك والله يوفقك
|
حبايبي انتو مافهمتوني انا قصدي اخطبها واملك ولما اتخرج اتزوجها << زوج اختها خطب اختها 3 سنين بعدين اتزوج وإن شاء الله ربي يوفقني لاني جاي بالحلال ونيتي صافيه
اختي مجنونه : والله بتضلميني بكلامك عادي تكون لواحد غيري !!! والله بتتكلمي وانتي ما تدري انا ايش سويت ^_^ علا العموم الله يعطيكم العافيه جميعا شكرا |
اذا على كده الله يوفقك ويساعدك يارب ومبروك مقدما :14::14: هذي الزغروطه اذا انك كنت معزم على هالزواج
|
اختي لمسة حلا
شكرا ع الزغروطه الحلوه ذي وامين الله يوفقني ويوفقك ويوفق كل البشر ويزوجك واحد مافي منو 2 في الدنيا امين يارب العالمين شكرا اختي |
اقتباس:
باقي اتزوج على زوجي حبيبي ..!!!!! تصدق لو تصير يكون فله ههههههه باقي دورك هوه حبني واخذني باقي دورك تخطف حبيبتك يارب تتوفق |
شوف انا ماظلمتك بس دامك تحبها وشاربها سو المستحيل علشانها وهي بعد لازم اسوي هالشي
انت كلم أبوك وفهمه ولا كلم إخوانك وفهمهم خاصه انك مأخذ الموضوع جدي بس انا ماابيك تتساهل بهالشي او انك تجلس تستلم أنا خطيب اختي خطبها وهو بالجامعه وسالما عنه وكل شي يوم صار كل شي تمام قلنا بعد ماتتخرج وتتوظف نملككم وفعلا صار هالشي وتزوجوا الحمدالله بس الولد كان مومستسلم لشي علشان كذا انا حكيت وفهمتك واذا اعمامك بيتدخلون الله يعينك بصراحه بس انتبه تحكي انك تحب البنت وتبيهااو انها تكلمك ماتدري يمكن مايصير نصيب ولازم تستر عليها وفهمها انها لازم تتتحمل مثل ماانت جالس تفكروتخطط هي واضح تبيك تخطبها علشان تضمن علاقتكم |
ماشاءلله عليك نادر يللي زيك في الحياه .,~
حبيت بنت وحاب تخطبها من اهلها وعازم على هالشي .,~ وماقولت لنا انا شاك فيها لانها كلمتني بس بجد الله يووفقك ويعطيك على قد نيتك يآآرب وتتسهل أموووورك جميعها يآآرب .,~ |
| الساعة الآن 12:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©