|
رسائل زوجية متنوعة (9) اريدها ضعيفه معي قويه مع الاخرين
(( يقول الرجل اريدها ضعيفه معي قويه مع الاخرين هذه هي الانثى الحقيقيه في نظر الرجل فهو يستطيع مساعده المراه على الاحتفاظ بهذه الانوثه بان يحترم ضعفها معه ولايستغله وان يمنحها القوه بعطفه وحبه وحنانه واحترامه لها وان يعلمها الضغف الجميل وليس ضعف الانزواء وفقدان الثقه ))
تعليقي : بصراحه الحق ينقال فيه رجال ماتقدر ضعف المراه ويبدا التسلط وعدم الاحترام ونسي ان الانوثه تكمن في ضعفها وفيه نساء برضه فاهمه انه الضعف جانب سلبي في المراه وانها لازم تكون قويه عشان زوجها لايستقوي عليها من البدايه وماعرفت انها كذا سارت ندا له مافرقت عن الرجل بشي شاركوني ارائكم وعقولكم فانتم افضل مني :d |
كانت النصيحة دي اول نصيحة قرأتهـآ وطبقتها بصعوبة شوي >_<
طيب لو صرت ضعيفه معه يمكن يستغلني؟ ..وهاذا شيء ماراح اسسمح له :@ مآفي احسسن من التجربة إذا كنتي ماتعاندينه وتسمعين كلامه وتحتاجينه (حتى لو كنتي من البنات مايحبوا يلجأو لأحد >_<) ووتنآزلي عشانه ولقيتيه صار يحن عليكي ويرحمك اكثر ويقدرك ..هنآآ النصيحة في محلها وكلششش تمـــآآآم وإذا لآ والله بدآ يستغل stooop مــآينفع لآزم تكون شخصيتك اقوى ومـآتسمحي بتجاوزات لأنه عطـآء لا يقابله تقدير الأخلاق الرآقية هي الأسساس في التعامل |
اقتباس:
طيب عندك فكره كيف ممكن الرجل يستغل المراه لمن يشوفها ضعيفه بمعني اخر صور استغلال الرجل لزوجته وكيف المراه تقوي شخصيتها وهي بالاساس ضعيفه يعني هل مثلا بالصراخ والعين الحمراء مثلا نورينا الله يرضى عليكي عشان الواحد يعرف اذا كان تصرفاته فيها استغلال او قد مرررات يكون اسلوب الرجل جدا برئ وطيب ولكن فيه نوع من الاستغلال |
عندك في قسم المتزوجين امثلة لليل
الزوجة اللي تعودت تعتذر دآآيم حتى لو مآ أخطأت ..لقت زوجها استغلهـآ وصار مايتنازل حتى تجي هي وتعتذر له وهآذا غلط من البداية دآم شافت إن الخير مآيثمر فيه لا تكمل اسلوبهـآ الضعف هنا خطأ الصح تثبت على موقفهـآ حتى هو يجي يعتذر .. مآ اعتذر؟.. مو نهاية الدنيا مصيره يعتذر.! ممكن يستغل بالضرب .. الضعف هنـآ مو فصالحهآ لأنها تخليه يتمآدى تمنع تماما التجاوز هاذا ومآتسامحه إلا ليين يكره اللحظة اللي مد يده فيها >> اكره اللي يستقوي على إمرأة طيب كيف تمنعه؟ مو بالصراخ لا ..باستخدآم القوة النـآعمة مثلا لو كنت في الحـآله هـآذي أكبر تطنيش راح يشوفه بسوي كـآمل واجباتي و بعيش حياتي واضحك ..ولاكأنه موجود لآ اراك ولآ اسمعك ولن اتكلم معك .. تحبني على عيني وراسي تمد يدك لآآ إنتا كذا تتعدى على بنت الناس كيف المرأة تقوي شخصيتهـآ ؟ في بنــآت طيبين وقلوبهــم بيضـــآء نقية ياريت كل النـآس زيهم كآنت الدنيا بخير لكن احيـآنا يطيحون في ناس تشوف طيبتهم ضعف وتتسلط عليهم وخاصتن من ازواجهم مع مرور الأيـآم والصدمات تتعلم وتصير أقوى .. وفيه بنــآت يتعلموا من تجارب اللي حولهم قبل مايطيحوا في نفس الغلط مثلآ: تعلمت من اللي حولي إن المرأة إذا صارت تخدم زوجهـآ في كل شيء وتجهز له اغراضه منشفته ملابسه ادوآته تلبسه شرآباته تهتم بأدق أدق تفاصيله في البدآية رآح يقدرهــآآآ كثييييييرررر ويحس إنه مــــلك لكن مع الأيـآم تتحول تدريجيـآ من زوجه إلى خـادمه يتعود على العيشة هاذي فإذا لآقدر الله نسيت شيء يبدأ يخاصمها ليش ماسويتي وليش مآفعلتي وكأنه واجب عليها ! الرجــل الشهم يقدر كل فعل تسويه له زوجته ويشكرها عليه مهمـآ كان حجمه و حتى لو مرت السنين إذا الرجـآل كذا فهذآ يستاهل انها تضحي عشــآنه ومو خسارة فيه التعب ابد وإذا لآ التعـآمل هنا يتغير .. التوسط جميل |
اقتباس:
ماشاء الله عليكي |
آنآ بآلنص
المفروض مآتكون معآه ع طول قويه ولآ ع طول ضعيفه , تشكـل بععض الرجآل مايحب تكوون زوجته ضعيفه وتتجآوب مع اي شي يقوله لها او توآفقه اي رآيي بعضهم يحبون تكوون لك شخصيتك ورآيك وتتنآقش معآه هو صحيييح اللي بيمشي رآي الرجآل بس الزوجه تقدر تقنعه برآيها بكذآ تكبر في عينه يحس انو هي فآهمه نآضجه وخصوصآ اذا اقتنع و طبق وشآف نتآييج تعجبه فَ آنا آنصح انو مآتكون ع طريقه معينه في بعض المواقف يبغالها ضعف والبعض يبغالها قوه |
اخي من قال لك ان المرأه اذا كانت قوية الشخصية اصبحت ندا للرجل ولم تفرق عنه في شئ !!!
ماعلاقة قوة الشخصية بالاسترجال ؟ مشكلة في مجتمعنا يربط ضعف الشخصية بالانوثة وقوتها بالرجولة انا ممكن اكون قوية شخصية وانا في كامل انوثتي ,, انا قوية امام الجميع سواء كان الذي امامي زوج او اخ او اخت او صديقة او ايا كان وهذا لا يتعارض تماما مع كوني انثى .. |
لعل المراد بالرسالة لا يقصد به ذلك الضعف السلبي وهو غياب الدور والشخصية والرأي في الحياة الزوجية إنما المقصود هو أن تحتفظ بأنوثتها وبدورها كزوجة كريمة، وأن تكون قوية مع الأخرين وتعرف دورها وواجبها حينما يتطلب ذلك مع الأخرين فهي تتصرف في الوقت والمكان المناسب بما يجب، هذه المرأة كل الرجال يتمنونها زوجة لهم. أحياناً أرى نساء عنيفات بحديثهن وأسلوبهن وأقول في نفسي كان الله في عون من سيتزوجها، غابت كل معاني الأنوثة ومعاني الحياء التي يجب أن تتوشح به المرأة لتكون شخصيتها مطابق لجنسها لا مزيج من جنس رجولي وأنوثي.
|
| الساعة الآن 05:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©