غيرة النساء من النساء
 

االسلام عليكم ورحمة الله وبركاته

بنات ابي تجاربكم مع الغيره
سواء من
صديقه . من الاهل . اخت الزوج . زوجه الحما


بشكل عام اشلون تتحاشين اللي تغار منك
وشلون بكون تصرفك معاها


خصوصا اذا كنتي مجبوره تتعاملين معاها


انا بطبعي اي شخص يصدر منه سلوك غير سوي معاي على طول احط عليه ❌


واتجنبه نهائيا


سلام وابتسامه مجبوره عشان تسلك الامور!!


الموضوع بشكل عاام ياريت تفيدونا بتجاربكم


وهل فعلا المحبه ماتجي الا بعد العدداوه!!

اي احد يغار مني من بني جنسي بصراحه افرح لان هذا يدل على تميزي
انا واجهت غيرة من جميع الاصناف من معلمة من زميلة من حتى صديقه من امراءة كبيرة انا اعتبر قد بناتها من اخ من اخت من زوجة اخ والله الشاهد علي
لكن كل اللي اسويه اتحاشى اذيتهم ولو استطعت اني اتحاشاهم فذلك جيد مااعطيهم وجه ويوصلون في اذيتي صحيح ازعل بس في قرارة نفسي افرح اني حارقه قلوبهم ههههههههه حتى اني اتعمد اثير غيرتهم اكثر عقول صغيرة والله

غيرة الآخرين يصعب تجاوزها، قد تغار الأخت من أختها، الحل هو تجاهل هذا الشي وعدم النظر إليه بحيث لا يؤثر على مشاعرك أو عملك، بعض الناس قد تكون الغيرة من طبعه، حمانا الله وإياكم.

صدقتي ياعصفورة كلامك اسعدني ..كنت اقول ليش حماواتي يغارون مني ويتكلمون علي بالشينه قدام اخوهم وانا لسه داخله جديد بحياتهم اصلا مارحت بيتهم لسه متملكة وما ارتاحوا الين صار اللي براسهم وانا ارتحت منهم ومنه الله يجازيهم كلهم على اللي سووه فيني مع اني كنت اتحاشى كلامهم وما اعطيه اي اهتمام وهذا المفروض انه يصير اذا عطيتي لكلام الناس اذنك راح تعطينهم قيمة .. فمافي احد يستاهل تعطينه قدر الا والدينك

ماغاروا منك إلا أنك مميزة ,,ماعليك منهم نظرة منك على شوية تطنيش
لادقيقين على كل كلمه وتقولين إلا ارد عليها احقريهن ولاكانك تشوفين أحد قدامك.
بذكرلك موقف بس على شان تشوفين وش كثر الحريم غيورات
هذه وحدة من قريباتي الله يهديها غيور بشكل ماتتوقعينه
كانت عندنا ضيفة أول مرة تدخل بيتنا والحرمه جلست تمدح بالبيت والنظافه والقهوة وإلى آخره
هذيك طق فيها عرق ماتدري وش تسوي ,والحرمه تشرب قهوتها إلا تقول لي :على فكرة يافلانه
انتم قهوتكم نيه تجبونها جاهزة ماتحمسونها بالبيت اففف كل صبح اشم ريحتها وبطني تمغصني !!!
حنا أصلاً مانسوي القهوة الصبح وشلون تشم ريحتها وهي بعيدة عنا شوي ,شوفي الغيرة وين وصلت بها
تبي الحرمه ماتشرب القهوة ...احمدي ربي ليومي هذا اني اعطيتها نظرة ولا رديت عليها.
هي تبي أني ارد وتعرف اني ردي عليها بالصميم بس ربك حميد مسكت نفسي .
خلاصة كلامي كثرت حسادك دليل نجاحك..

انا دااايم الاقي كلام من محدة حرمه كبيرة اكبر بناتها بعمري والله يوم تشوفني ياتتحرك فيها عروقها وعلا طول تصكني بالكلام بوجهي قدام الناس وانا والله ماارد عليها بالعكس ن شفتها سلمت عليها بإبتسامه هذي حركتي تفرسها تبيني ارد عليها بالكلام وساعتها يحصل مرادها وتشوه سمعتي بين معارفنا وقرايبنا لانها عارفه من اكون بين حريم جماعتنا الكل يمدحني بكل شيءوانا مو من طبعي اغلط على احد بالذات حرمة كبيرة بس كل ماعرفت انها بتكون في هذه المناسبة ارووح اتكشخ اااخر كشخه واتمظهر قدامها واطنشها ههههههههخخ الى ماعرفت ان الله حق صارت تتجنبني كثير وصرت كل ماقابلتها سلمت عليها ببرود

شكرا عالمشاركات الجميله

اوك
وحده تغااار منك وتركز على تفاصيل تفاصيل ام اللي جابتك

وتتقصى اخبارك طلعتي مع زوجك سافرتي رحتي جيتي

لدرجة تقول لزوجها اشمعنى فلانه يطلعها زوجها. ((تقصدني))

اشمعنى فلان يطلع مرته!! تقصد زوجي

اهي زوجة اخو زوجي لسووووء الحظ

والمشكله غيرتها واضحه للكل

والمشكله الاكبر انها

ماهي صغيره كبييييييره

مع انه والله لا مغروره ولافيني كبر
ولا طبعي مستفز
بالعكس تماما

احترت معاها

اعوذ بالله هذا حسد مو غيرة حصني نفسك اختي والله يكفيك شر شياطين الانس والجن

فعلا قلتيها ي
عصفوره
حسوووده

الله يكفيني شرها بس