منتدى عالم الأسرة والمجتمع - زوجي بيسافر وانا محتاره ..

السلام عليكم ورحمة الله وبركاته ..
كيفكم يارب كويسين ...
الحمدلله دقيت على زوجي وصح انه قعد مصنقر شويه وانا وامشي معاه
قلت له ابغى اشوفك قال وش تبغين فيا مو انا الحرامي والي مااستحي وتشتكيني عند اهلك
تاسفت وقال افكر اشوفك او لا .. طبعا مهدت الطريق وسكت وقلت ابشر اللي تبغاه يصير
قلت اسمع كلام """ مجموعة انسان """ بلاشي عناد زي ماقال
المهم قال اعطيني نص ساعه افكر قلت طيب .. قفلت ورجعت دقيت بعد نص ساعه
قال والله مااقدر قلت لو ساعه اشوفك قال انا ماابغى ساعه انا ابغى اجلس معاكم ::: انا وولدنا :::
المهم قلت ليش طيب قال بعدين اقولك .. << فهمتها انا انه سيارته مع اخوه زي العاده
وقلت طيب وقفلت بعدها ارسلت رساله قلت .. :: كنت مبسوطه اني بشوفك حتى لبست عبودي على بالي بتجينا :::
بعدها بربع ساعه دق وقال
السلام .. قلت هلا ... قال اسمعي .. قلت هلا حبيبي .. قال انا مااقصد اثقل عليك
او اشوف نفسي زي ماقلتي بس كنت ابغاكي تحسي بالغلط اللي سويتيه على حكاية المسن طبعا لانه قلت لا تشوف نفسك عشان انا دقيت ومشتاقه لك ..
قلت لا عادي وانا اسفه ..
قال اسمعي ابغى اسافر الاسبوع الجاي قلت فين قال الشرقيه ..
قلت بروح معاك قال طيب نتفاهم بعدين ..
الموضوع انه انا اكره الشرقيه رحتلها وانا اتوحم بصراحه وكرهتها مرررره
كمان قد قالي بوديك عند اخواك وبروح اتمشى مع العيال وبنام عند اولاد خالتي
عشان لا تغارين من زوجة اخوك وانا رافضه انه يقعد عند العيال بصراحه لاني اعرفهم خربانين وماهي بعيده يقولوله هيا نسافر برا ويفلوها
وانا افكر اني اخذ جواز سفره والبطاقه
قال نروح وبمشيك ونتمشى بس برضو بروح اتمشى مع العيال ومابنام عند اخوك .. بصراحه اصلا هوه صار يتضايق من اخويه شويه لانه قد تكلم عليه
ودحين محتاره اوافق او لا ... وش رايكم انا كل همي العيال هما عيال خالته وفي عمره ومو متزوجين
اخاف يغرهم الشيطان وهو معاهم مع اني اعرف زوجي مايسوي شي حرام من معرفتي له انا عارفه هذا الشي .. بس اخاف يرجع للسكار هناك ووقتها مايدري عن نفسه شيروا عليا تكفوووووووووووووووووون بصراحه انا ماارتاح من زوجة اخويه عشان قد سوت حركه مع زوج اختي ومن بعدها كرهناها صراحه اناا ماعليا فيها انا اعطيها قدام اخويه ف وجههاا