اكتشفت لدى ابني مادة خضراء لها رائحة التبغ ماهي ؟
 

السلام عليكم ورحمة الله وبركاته
جمعه مباركه على الجميع ان شاء الله
انا بالصدفه حصلت بدولاب ولدي مادة مطحونه خضراء كانها اعشاب مجففه وريحتها تبغ بداخل علبة بلاستيكيه شفافه وجمبها الغليون وولاعه
شميت الريحه ريحة سجاير بس انا خايفه لايكون نوع من انواع الحشيش والعياذ بالله
انا ولدي مؤدب وطيوب وخجول واااجد ولا يدخن على الاقل قدامنا وعمري ماشكيت فيه بس لما شفت هالشي مخبيه بدولابه
بديت اوسوس واحاتي ابي اعرف وشو ذا ولااقدر اقول لاي شخص علشان ما يطيح من عيونهم لانه بنظرهم ملاك
ارجوكم طمنوني يااخوان فانا في حيره من امري لايعلمها الا الله
والله يجزيكم الف خير وان شاء الله في ميزان حسناتكم
واعذروني على رداءة التعبير لاني في حاله يرثى لها

استغفر الله العظيم واتوب اليه
19 مشاهده ولا رد
الله يخليكم حد يطمني وشو هالماده ذي
سواء كان الرد من الخوات او الاخوان بس طمنوني وريحو بالي الله يريح بالكم

ياريت الاخوان يفيدونك
ودائما الخجول والهادي خلفه بلاوي وهذه دراسه علمية

بما انك حصلتيها بدولابه فهي له لاتصارحينه حتى تستشيرين احد فاهم حتى تستطيعي احتواء الموقف وكيفيه مصارحته والجلوس معه بطريقه ماتنعكس عليه سلبيا

الله يحفظه لك ويقر عينك به

الله يجزيك الف خير اختي الصابره
ومشكوره وماقصرتي على تكرمك بالرد

بس انا ابغى اعرف وشو هالماده هل هي تبغ او وشو بالظبط
ياليت الاخوان يردون علي

هذا يا اختي قات او شمه او تنباك او سويكه كل هذي الأشياء تنحط تحت اللسان او اللثه واحياناً يدخنونه تدخين

عموماً الأشياء الأربعه اللي ذكرتها لها نفس المفعول وهي نفس بعض تقريباَ وهي نوع من أنواع المخدرات لكنه خفيف لكن انتبهي لولدك ولازم تعلمين عليه ابوه او احد كبير لان لو استمر راح تتطور حالته ويمكن يستخدم الحشيش انتي ذكرتي انه معاه غليون فـ احتمال يكون (تتن) دخان يعني تأكدي من ريحته اذا كان ريحة تفاح او اي نكهه ثانيه معناته انه تتن واذا ماكان له ريحة نكهه تفاح او فراوله او شوكولاته فهو راح يكون قات او سويكه او تنباك او شمه وهالأشياء خطيره وتذهب العقل في فتره بسيطه

الله يطمن قلبك عليه بس لاتتركينهه وتسكتين