|
افيدوني والله مقهووووووور !
السلام عليكم .... كيف حال الاخوان والاخوات ان شاء الله طيبين .... ياجماعة انا باقي شوية واكمل شهرين مملك والله اني الان لما اتكلم بالتلفون اني اقعد ساكت مادري وش اقول ينعقد لساني يوم اتكلم مع زوجتي ويوم اروح لها برضه نقعد ساكتين نطالع في بعض والله طفشت انا من كذا وش الحل انا مو من النوع الصامت لكن يوم اقعد معاها والا اكلمها مافيه كلااااااااااااااااام ابد احيانا نتكلم في اشياء سخيفة ونقعد نعيد الاشياء نفسها :( ..... الشئ الثاني انه انا لما رحت اخر مرة كنت جالس جنبها وماسك يدها بس هي تسحبها ومسكت شعرها وهيا تقول لاتمسك لاتلمسني يعني تقول مااحب بس بضحك يعني شكلها مستحية هل انا غلطان اني سويت كذا هل المفروض مااسوي هذه الاشياء ؟؟؟ والله اني مقهوووووووور بالله قولوا لي اشيروا عليا وش الحل وهل تصرفاتي صحيحة او لا .
|
مشكلتك غريبه :d بالنسبة لما تمسك شعرها ما زعلت بس تستحي وهي في داخلها تحب هذه الحركات :o. بقولك وضعي مع خطيبتي كيف نتكلم الموضوع الأول /مثلا اكلمها عن معارض السيارات وكلمه والثانيه , اقولها يروحي في سياره اعجبتني والله يعمري كان فيه زحمه في المعرض ... هذا كلام حلو ويشبع العاطفة برغم اني اتكلم على السيارت . موضوع ثاني / اقولها حبيبتي انتي مريحتني الله يريحك ولا يحرمني منك ولا من حنانك ... وقت خاص بالكلام الحلو وبس. موضوع ثالث / جد بجد . موضوع رابع/ ليتك جنبي انام بحضنك .... تسكت خطيبتي وتستحي وانا اسكت:o . هذا حالنا من سنه ان شاء الله اكون افدتك |
وعليكم السلام ورحمة الله وبركاته الف مبروك الله يتمم لكم على خير .. بالنسبه لعدم وجود كلام .. شي طبيعي انسآنه تتعرف عليك وتتعرّف عليهآ يمكن بطبعهآ خجوله حآول انت تفتح مجآلات حديث .. كلمهآ عن نفسك اطلبهآ تتكلم عن نفسهآ علمهآ وش تحب ووش تكره اعرف هي وش تحب ووش تكره تعرفوآ على نقطة الالتقآء بينكم .. خلهآ مرحلة تعرّف اعتبرهآ صديقه مو شرط هي تبدأ حسسهآ ان علاقتكم تتخللهآ البسآطه .. خل زيآرآتك خفيفه ومتآبعده .. فآجئهآ بهدآيآ تحبهآ مو شرط انك تمسك يدهآ او شعرهآ ممكن تنفرهآ منك خصوصآ اذا كآنت خجوله او تربيتهآ فيهآ تحفّظ كبير خلك مرح خفيف بزيآرآتك .. ولاتشيا هم هالامور مرحلة الملكه قصيره وتعدّي بسرعه .. خل تفكيرك منصب على تخطيط حيآتكم لما بعد الزوآج بإذن الله .. وربي يحفظكم ويسخركم لبعض |
انت منحرج وهي بعد بس اهي اكثر منك
والله تصدقك انا مو متزوجه بس والله مجرد ان افكر ان يشوفني رجل غريب اتكهرب لاني مو متعودة الاعلى اخواني وبس فكيف يمسك اليد والشعر رااااحت زوجتك بخرايطها هي خجولة وهذه طبيعة الفتاة الطبيعية اكسر حاجز الخجل بينك وبينها وانطلق بالسواليف خلك انت الجريء وهنا بتلاقي تقبل منها شيئاً فشيء والله يوفقكم ويتمم عليكم * |
أخي الكريــــــــــــــــم.. زواج مبارك إن شاء الله .. وربي يكتب لكم السعـــــــــــــــادة ^_^ شعور طبيعي بالبدايــــــــــــــــــة .. ومثل ما قالت العزيزة همومكم تؤلمني .. لابد لكل واحد يعرف اهتمامات وهوايات الثاني .. شوف شو تحب .. وتكلم معاها عنه .. زوجي يتابع أخبار الأنمي ويتكلم عنها معي .. وأنا أتابع أخبار السياسة والتكنولوجيا .. حتى نصل نقطة مشتركة نتواصل بها .. نمسك أي مقال بجريدة أو مجلة ونناقش فيه >> طلعنا محللين وما عندنا خبر .. تحدث معها عن طفولتك .. عملك .. طموحك ..آمالك .. أدخلها معك .. وشاورها بأي أمر .. وحبة حبة راح يروح الخجل إن شاء الله .. وربي يتمم أموركم ^_^ |
وعليكم السلام والرحمه
جداً عادي مايستاهل على قولتك القههر وحالتك حاله أنت الي المفروض تبدأ بالكلام والسوالف ,, معقوله ماعندك شيء !! أقلها قول برنامجك اليومي من قمت وين رحت ووين جيت وش الموقف الي صار اليوم وش استفدت منه تكلم عن شغلك عن أهلك أصحابك ; أيام الدراسة والغربه ' سفرياتكم شوي شوي وتطلع السوالف أصلاً ماراح تخلص السوالف أهم شيء لايكون بس أنت النوع الي يبي حب ومدري ايش لسى لاحقين عليها ولاهو وقتها ولاراح تصدقك ???اللـَّــ??? يوفقكم ويجمع بينكم على خير. |
اولا الف مبروك والله يسعدكم يارب
اللي تمر فيه شعور طبيعي بس انت لازم تشيل الحاجز هي بعد مستحيه منك واذاتميت كذا راح تستحي اكثر حاول مثلا تتخذ مواضيع وتكتبها بورقه واذا كلمتها تسألها الأسئلة هذي وتشوف تفكيرها وكيف هي تنظر للموضوع أتت فهمها ان إحيان سكوتك يخليني اسكت زياده حاول يكون يوم فيه موضوع حدي ويوم رومنسي ويوم اللي تبيه تري البنت مرتبكه وانت تربكها زياد والله يوفقكم يارب |
اقتباس:
|
اقتباس:
|
| الساعة الآن 08:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©