|
كيف التعامل مع زوج مطلق وعنده اولاد
السلام عليكم ورحمة الله تعالى وبركاته
خطبني مطلق وعنده 3 اطفال واكبر مني بسنة واحدة فقط المشكل هو كيف اتعامل معه و مع اطفاله. انا لم اوافق بعد , مترددة وخايفة, مع العلم اني لست صغيرة انا اصلي الاستخارة ولم احس باي شيء اصليها تقريبا بكل وقت |
اختي استخيري ثم استشيري اللي مروا في نفس وضعك مثلا وحده تزوجت واحد عنده اولاد
بس انتي مقتنعه انو تاخذين وأخد باولاده وراح تتحملينهم وانتي متأكده انو ماراح يرجعها وحاولي انك ماتحكين عنها ولا تجيبين اسمها او سواليفها علشان. ماتدكرينها فيه إحنا مو عارفيين كيف ننصحك لانا ماجربنا اذا تعرفين أحد مر بوضعك خلاص اساليها واسمعي بنصايحهم |
شوفـي يا خيتـي . حلو انك متفاهمـه مع نفسك وعارفهـ .. حاجتك لهالزواج .. يعنـي انك موب صغيرهـ بحيث تنتظري
ومن هالقبيل إبدأي سوي ابسط شيء ... امسكي إيجابيات هالرجال وسلبياته .. بس تكون بجد .. السلبيات .. يعني مثلا / وجود اولاد ماني شايفهـا سلبيه إلآ اذا كان في تعدي على بيتك وعلى حقوقك .. لاكن لو اولاده مؤدبين ومتربين احسن تربيه مابيضيرك منهم أي شيء . . ولو كان رجال عادل ويخاف الله فيك .. هذآ شيء حلو انتي لازم تسوي دراسـه عن هـ الرجآل زيـــن .. ولو تعرفيهـ تمآم خير وبركــــــــه ونصيحـه من أخ لك .. انتبهي تبيني حاجتك او انك مكسورهـ .. يعني لا تتنازلي عن شيء من حقوقك وأي شيء تبغيه اشرطيهـ من البدايه ... ترآ احيانآ كثيرهـ البنت تجلس في بيتهـا بدون زواج احسن لهآ ألف ألف مرهـ من رجآل يذلهـا وياكلهـا بعدين يرميهـأ تزوجي وربي يوفقك بس لآ تقصري بحق نفسك وتقللي من قيمتك .. وكملي بصلآة الإستخارهـ .. سمعت مرهـ قصه . لرجل من التابعين استخار الله بـ 90 صلاه يعني المسأله مو احساس سريع زي مايظن كثير من النآس ... استمري .. والصلاهـ بكل الاحوال خير لك تراهـا تنور بصيرتك وتعرفك انتي ايش الي تبغيهـ بالضبط .. وانآ لي خآل .. والله قصتــه اقولهـا بكل مكآن ؛؛ خآلي .. اتزوج بنت عمـه وسبحان الله مآجآب منهـا ولا ولد كلهـ بنآت .. وبعد ماصارت بنته بالجامعه أكبر وحده تزوج من ثانيـه .. وجابت له ولد .. ماشاء الله عليه الولد يستاهل الصبر ... وشوفي الرجال الصالح الي يخاف الله .. ما مآل كل الميـــل على زوجتـه الجديده لانهـا اصغر بالعمر ولانها جابت له الولد على طول اشتري بيت كبير لزوجتـه الاولى واكرمهـا .. واكرم الزوجـه الثانيهـ بحدوود .. وكان يعدل بينهم بكل شيء على ما اذكر حتى بطقم الذهب ... يعني فيهـ رجآل كبار بالعمر بس والله انهم ذووق وراحة بال واخلاق ودين .. الله يرزقك بوآحد من هالنوع لأني بجد فخور بـ خآلي .. طريقة التعامل طآل عمرك خآفي الله فيـــــــــــــــــه يخآف الله فيــــــــــــــــــك وقومـي بوآجبآتك بدون زيادهـ او نقصان . وإذآ اكرمت الكريم ملكتــه ... لو هو انسان كريم بيقدر كل شيء تسويهـ لانه مابيشوف منك إلآ كل شيء حلو بإذن الله |
وعليكم السلام ورحمة الله وبركاته
مريت بنفس موقفك وترددك وخوفك ,,صح كانوا يمدحون دينه واخلاقه. أخذت فترة تقريبا شهر افكر وأسال واستخيروقبل كل شي لجاءت إلى الله , للاسف الي حولي ماحد كان يعطيني الرأي الصائب,وسبحان الله ربي كشف لي الي كنت خايفه منه ’’أهم شي لاتستعجلين .. ولاتتنازلين عن أي شي حالك مثل حال أي بنت مو معناته تأخرتي تقدمين تنازل !! وأهم شي النفسيه أسالي عنها لانه بعضهم الله لايبلانا مرضى نفسيين . الله يفرج همك وييسر امرك ... |
ستشعرين انكي مربية لأبناءه اكثر من كونك زوجة له , بكل اسف هذه ضريبة التأخر في الزواج ..
|
اكثري من استخاره الله عزوجل واستشارات اهل العقل والحكمه والرائي السديد
والأهم انك تأخذينه عن اقتناع ورضى به وبي اولاده وتخافين الله عزوجل في اولاده وهم مسؤليه يعني الاهتمام فيهم .. وبعدين تتعاملين معه ماتفتحين موضوع طليقه ابدا لامن بعيد ولا قريب .... والله يكتب لك الخير ويشرح صدرك له |
الله يعينك اختي والله الزواج من مطلق باطفال صعب للغاية وانا جربت
لزم تعرفين من الان ايش المطلوب منك اتجاه اولادة بعض الازواج الله يهدية. يتزواج ويبد بامراقبة زوجته بتعاملها مع الابناء ويكون عنده حساسية زايده. عليهم طيب من الاساس ليش جبت لهم زوجت اب اصلا اذا انت خايف عليهم من ابسط الأمور |
أختي العزيزة مأدري أذا أنتي أتخذتي قرارك أو لا لكن بحكم زواجي من مطلق وله طفل أنصحك ماتوافقين طبعا ممكن أنصحك بالموافقه أذا كانت عندك ظروف تجبرك علي هذا الزواج وأذا كنتي صغيره ويوجد لك في المستقبل خيارات فلا توافقين الرجل في بداية الموضوع يحلي لك كل حاجة ويبعد عنك أي مسؤلية , لكن خلي حلاوة الزواج تروح وبأول مشكلة لك وله بيذكرك بزوجتة وبثاني مشكلة يدور طريقة يرجعها وبثالث مشكلة بيقول لك محاسنها وبيلزم غصب بعياله توتر ماله نهاية فأذا أنتي راضيه عن حياتك والعمر قدامك أنتظري بتجيك فرص أحلي ,, لاتطيحي مثلي أنا .. لانه والله صعب كشف الحقيقه ومرارة الواقع أصعب ,, |
اختي انصحك متابعة من الدقيقة 11 الى 12 يمكن الي خاطبك معه نفس المرض
http://www.youtube.com/watch?v=yRi_gfe6Fz0 اعرف واحد نفس الحاله أسمه محمد ش |
استخيري
وشوفي مزاياه وعيوبه اهم شي لاتوافقين عشان العمر ومادري ايش وافقي عن قناهة وراحه افضل |
| الساعة الآن 11:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©