|
عندي استفسار
السلام عليكم يا دكتور احمد
انا كان عندي استفسار بخصوص الdamm-masage انا مش عارفة اسمه بالعربي بس سؤالي هل هو بيقلل فعلا من احتمال التمزق العشوائي اثناء الولادة و الحاجة لعمل شق العجان علما بأن ده حملي الثالث بإذن الله وفي الحمل الاول في مصر احتاجوا يعملوا شق العجان لكبر رأس ووزن البيبي (٤٠٠٠جم) لكن في حملي الثاني هنا لم احتاج للشق عند الولادة (وزن البيبي ٣٢٥٠ جم) فهل تنصحني بالمساج ده ضمن التحضيرات للولادة ولا مالوش لازمة والف شكر يا دكتورنا الفاضل |
محجوز للإجابة غدا رجاء تذكيري
|
لا مالوش لازمة في ولادتك الثالثة ان شاء الله
|
الف شكر يا دكتور على ردك
طيب بالنسبة لتمرينات الpelvic floor هل هي مهمة قبل الولادة ولا بس بعدها كفاية؟؟ وهل ممكن اقدر اعرف وضع الجنين بدون سونار عشان الدكتورة معادها لسة بعد ٣ اسابيع..انا حاليا في آخر الاسبوع ال ٣٠ ..و أنا خايفة يكون رأسه للأعلى والوقت يفوت ومايلحقش يلف للوضع الطبيعي (في حملي الفائت كان وضعها الرأس لأعلى وكنت بعمل تمارين مع القابلة من الاسبوع ال ٣١ ولمدة اسبوعين تقريبا لغاية ما اتعدلت) وشكرا لمجهودك يا دكتور |
لا مهمة قبل الولادة واسمها تمرينات كيجل يا ريت تعمليها
ماتدوريش على وضعية الجنين سيبيها لطبيبك بالسونار وعلى فكرة احنا مش بنلف الجنين داخل بطن امه |
شكرا جزيلا يا دكتور على ردك
بالنسبة لعملية لف الجنين انا كنت بعمل تمرين الindische brücke مع القابلة والحمد لله ربنا اراد ولفت البيبي وما كنتش اقصد عملية اللف اللي بتتعمل في المستشفي بواسطة الدكتور لاني قرأت ان ممكن تسبب في مشاكل للجنين وبالتالي ولادة قيصرية طيب لغاية اي اسبوع ممكن الجنين يغير وضعه ؟؟ والف شكر لسيادتك مرة تانية |
الجينن ممكن يفضل يغير وضعه لحد الولادة مش مشكلة
بس على فكرة القابلة والتمارين المذكورة مش هي اللي غيرت وضع الجنين هو اللي لف بمزاجه وبيلعب عادي جدا |
شكرا يا دكتور على ردك..جعله الله في ميزان حسناتك
|
| الساعة الآن 08:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©