|
هل أنا طبيعية
السلام عليكم ورحمة الله وبركاته
أنا من النوع اللي ما احد يتقدم لي وداءما افكر في هالموضوع يوميا هل كل البنات للي بعمري وما عاد تزوجو مثل حالتي للعلم عمري 26 داخلة على 27 قريب اسأل الله ان يكون تكفيرا للذنوب وهل بيجي يوم انسى فيه الموضوع مع أني اسمع انه يصير اصعب مع تقدم العمر يعني0من ناحية الحالة النفسية وكذا والحمد لله عاى كل حال |
تفاءلي ولو كنتي في عين العاصفه وكل تاخيرفيه خير باذن الله ابشرك بنت عماتي مخطوبه وعمره 30 بعد الصبر الله رزقهم وبنت خالي بعد عمره 30 الله يوفقهن كلهن زواجهم.بلعطله وتذكري ان اللي خلقك مايناسك سبحانه الله فقط عليك بالاستغفار وقيام الليل اسال الله يرزقك من فضله العظيم
|
وعليكم السلام والرحمه
حيآك الله أختي فضيلة ... عادي اختي انتي طبيعيه ولا فيك اي شي,,أنا بمثل عمرك ولا احد يتقدم لي,, اتذكر تقدم لي واحد فقط وكان من المتردية والنطيحة:d طبعآآ رفضناه وما اكذب عليك زعلت بالبداية لكن قلت الله يعوووضني خير,الحمد لله عمري 26 ,وصحيح ان البنااات اللي بمثل عمري بعايلتنا اولادهم بالروضة :d, لكن ارجججع واقول الحمد لله حتى يرضى وله الحمد بعد الرضآ ,, واللي خلقنا هو ادرى بالغيب ,قد يكون التأخير فيه خير .. كل اللي علينا نلزم الاستغفار -الصدقة - الدعآآآء في الثلث الاخير بالليل .. الله يرزقني واياك من وااااسع فضله .. |
وعليكم السلام ورحمة الله بركاته
يالغالية عادي جداً,,بالله عليك شايفه أحد يستاهلك . أصلاً قليل زماننا هذا الشاب الصالح (الكلام مو من فراغ من واقع نعيش وأكبر دليل المنتدى)!! الي مايصلي والي يشرب والي الله اعلم بحاله .. يعني جلستك بيت اهلك معززه وبكرامتك ولا مشاكل ووجع راس وهم . وبالاخير رزقك ماحد بياخذه في القرار المكين وكتب الله رزقك قبل أن يخلق السماوات والأرض بخمسين ألف سنة يعني لاتقلقي ,واحسني الظن بالله مدخر لنا الأفضل .. الله يرزقنا وإياك وجميع بنات المسلمين بالازواج الصالحين الاتقياء الانقياء.. |
اقصد هل أنا طبيعة أني افكر يوميا في هالموضوع
|
كل ماتذكرتي اكثري الاستغفار
|
بما ان الموضوع مشغل بالك ,فشي طبيعي انك تفكري فيه كل دقيقة..
لذلك انتي طبيعية 100% بقول لك نصيحة ما ادري ان كانت صحيحة ولا لا ,,لكن انا اشوف الشي لما يشغل بالي ما يصير ولا يتحقق .. ولمآآ اطنش اشوف اللي اتمنااه يتحقق,ما ادري فيه احد مثلي ولا لا ..:rolleyes: لذلك طنششي طنششي طنششي و عسى الله يرزقنآآآآ من وآآسع فضله .. |
اقتباس:
اتوقع انتي عاطلة عن العمل ومافي شئ يشغلك تحركي وغيري حياتك دوري لك شغله ترى هذي البطالة عامله شغلها ورزقك مو بيدك بيد رب العالمين خليكي منه ولا تفكري فيه لحد مايجيبه ربك .. |
السلام عليكم ,,
اختي الكريمه , في وقتنا الحاضر تأخر سن الزواج بشكل عام لعدة اسباب . وتفكيرك شي طبيعي جدا وفطري , ولكن حاولي تشغلي وقتك باي عمل واكثري من ذكر الله واتبعي اسباب الرزق . ربي يرزقك الزوج الصالح ويسعدك دنيا واخره والمسلمين جميع . |
ابنتي الكريمة :
أسأل الله العلي القدير أن ييسر لك الزوج الصالح عاجلا وكل بنات المسلمين. 1- لترتاحي أنظري لنعمة الله عليك فيما أعطاك وححدي نعمة الزواج من بينها فنقول أولا نعمة العقل ثم الدين ثم الأمن ثم الصحة ثم الرعاية من الوالدين والعائلة الصالحة ثم الفراغ فلم يشغلك بمعاشك وهكذا عددي نعم الله التي عندك لتجدي أن الزواج يأتي متأخر عن نعم كثيرة عندك حرم الله الكثيرين منها ممن هم الآن متزوجون ومن ذلك ما عددته لك من نعم. 2- أوجدك الله لعبادته لا للزواج وطلب منك السعي للآخرتك ودنياك وانتظري نعم الله عليك واستجلبيها بالدعاء والصبر والصلاة. 3- ضعي ورقة عمل لحياتك الآن وأكتبي فيها ما يلي : * مواهبك وقدراتك وإمكاناتك ورغباتك وأعملي على البدء بأعمال توافق هوايتك وتدر عليك المال من المنزل وتشغل وقتك وعقلك عن التفكير بهذه الأمور. * ضعي لطك برنامج تثقيفي للزواج من جميع النواحي (طبيا واجتماعيا وجنسيا وتربية الأطفال وفهم نفسيات المرأة والزوج والأطفال ) لتدخلي حياتك الزوجية بعلم ووعي تجنبك الكثير من المشاكل بدل الجلوس والانتظار بدون أي فعل إيجابي. |
| الساعة الآن 10:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©