تعقيب : ( أفيدوني ماذا أفعل مع خطيبتي ؟ )
 

السلام عليكم ورحمة الله وبركاته ..

صراحة وبدوون مجامله .. هذا المنتدى من أجمل وأرقى المنتديات التي أتابعها لما فيها من خدمة المسلمين و المسلمات .. جزى الله كل من ساعد في حد وحل المشاكل بين الزوجين ... وبعد ..

جيتكم من بعد فترة طويله بغيابي بسبب ظروف .. لأني مالي غناة عنكم بعد الله سبحانه ..

هذا رابط مشكلتي اللي ذكرتها تقريبا قبل أكثر من 3 أشهر .

http://www.66n.com/forums/showthread.php?t=231627

طبعا بعد المشكله هذي طبقت بعض كلام الأعضاء اللي يقول اثقل عليها شهر ..

طبعا طبقت كلامه .. وطلع له تأثير جميل جدا ..

لدرجة هي من رجعلي وندمت على طلبها الطلاق أشد الندم على قولها وقالت الحمد الله ما خسرتك لأني لو خسرتك كان خسرت حبك وخسرت دنيتي معاك ..

وبعدها صارحتني بكلمه ( أحبببك ) وكانت كل رسايلها حب وحنان وما شابهه .. ودائم تواصلني ..

بس رجعت أنا ع عادتي القديمه أعطيتها وجه زياده ..

وش رايكم هي اللي غلط علي وأنا اللي راضيتها حتى جبتلها هدايا سعرها وصل فوق 6000 ريال ..

كل هذا لأني ما أبي أخسرها ...

لكن قبل يومين حصل لها مشكله وحاولت طبعا أحل لها المشكله .. لأني قلتلها فضفضيلي كل همومك ..

لكن أمس أتصلت عليها أبي أتطمن وش حصل .. إلا وتعطيني كلام جااااااارح كلام يدمي القلب ..

كلام لو يسمعه الحديد ذاب .. ولو تسمعه الجبال انهدمت ..

طبعا قالت لي : فكني من شرك مو ناقصتك .. ياليتني مت قبل ما أعرفك ياليتني ما وافقت عليك ..

الله يلعن يوم رجعتلك فيه بعد المشكله ... أنا ما أبيك .. بدون سبب معين ,,

تقول باقي أنت بتصرفاتك ما غيرتها .. للعلم كل تصرفاتي معاها جميله جدا .. ورفضت تصارحني في ذلك ..

الحين كيف تقول تحبني وهي اللي رجعلي من نفسها .. وهي اللي قالت أحبك و أعشقك بدون ما أطلبه منها ..

وفجأه تبي تفتك مني وطلبت الطلاق بس بشكل غير مباشر ..

بس فكرت قلت احتمال عندها الدوره وغيرت مزاجها ..؟

وفكرت قلت يمكن عشاني أعطيتها وجه زياااده ..؟

بس هي البنت حبتني ومتأكد من حبها لي 100% .. أحيانا تطلبني أتصلبها بس عشان تقولي ( أحبك ).

لكن أنا ما أستغني عنكم حلولي مشكلتي ..

هل أطنشها ..؟ أم ألبي طلبها ..؟ بس صعبه نبقى وقت الملكه طناش ..


أنتظر ردودكم .. والله لا يحرمكم الأجر ...

أما .. 28 مشاهده ومافيه رد ..

شوف اخوي انا ماقريت مشكلتك قبل بس شكلها مقارب لمشكلتك الحين
يمكن البنت الحين مضغوطه فعلشان كذا خلها ولا ترسل لها شي وطنشها ولا ترسل شي
اصبر لين تروق وبعدها اذا اتصلت واتعذرت منك حط لها حد وقل لها خلاص يابنت الناس انا تعبت وانا اعطيك فرص
انا سكت وصبرت وقلت يمكن البنت مضغوطه اذا انا مسوي لك شي قولي لي انا زوجك ولازم يكون بينا تفاهم واحترام تري الطلاق مو سهل ولا تتوقعينه صعب علي بس انا محترمك ومحترم اهلك اللي وثقوا وعطوني بنتهم
وانا تزوجت ادور الاستقرار والراحه ويكون بينا تفاهم
بس دامك انتي فكرتي بالانفصال خلاص انا ماابي اجبرك علي ومدامك ماتبيني خلاص مافيه شي غصب
حسسها انها خسرتك
بس اتوقع خطيبتك تبي منك اشيا ومو قادره تقولها فتعصب عليك وتسوي هالحركات
او اهلها يضغطون علبها انت ماتدري عن حياتها مع اهلها وكيف يعاملونها
بس انت ارسل لها رساله وقول انا راح اكلم أبوك واتفاهم معاه واللي تبينه بيصير وماانتي مجبوره علي
اذا ارسلت لك او ارجعت اتصلت وحست انها بتخسرك
كلمها بس مو مثل قبل واسلوب الثقل هو اللي ينفع معها
والله يعينك عليها بصراحه هي لانها واثقه في حبك تقول كذا بش لو تحس انو كل شي صار جدي راح تتعدل
والله يسخرها لك يارب

أشكر من رد ع موضوعي وأقول الله يكتب لكم الاجر ..

ولا أستغني عن ردود الاعضاء الباقين..

أشكر مرورد وردك .. هذا أولا ..

ثانيا : الاجابه ع سؤالك ...

امممممممممممممممم

صراحة أبي حب و احتراااام .. بس اشوف من واقعي أبي الاحترام أكثر .. لأن الحب بدون احترام مو حب ...

لكن قلي ع الحل .. الله يسعدك ..

أشكرك يا أختي ف الله ع مرورك واهتمامك بموضوعي و الرد الجميل ع ذلك ..

الله لا يحرمني من ردودك الجميله والمشرفه و لا يحرمك أجر الرد بإذن الله ..