عندنا حلق اللحيه عيب .....
 

مساء الخير


احنا اصلنا من منطقه بين شمال المملكه ووسطها حالياً نسكن في الرياض لكن من فتره قريبه انتقلنا للرياض لظروف حدتنا على النقل - في عائلتنا وليس في القبيله كلها فقط عائلتنا جدي وابنائه ابي واخوانه عندهم عيب وعدم مرجله حلق اللحيه جدي الله يرحمه له كلمه قويه علينا ابنائه وابنائهم وابناء ابنائهم لو احد منا جلس مع جدي وعماني ووالدي وهو حالق لحيته جعلوه مهزلة المجلس وينعتونه بعدم الرجوله والتشبه بالنساء حتى ان جدي الله يرحمه لو شاف احد الشباب الصغار وحالق لحيته قاله الحق امك عند الحريم ووالدي واعمامي يهزئونه لكن في النهايه يتسامحون منه ويقولون له بس عشان ما عاد تحلق لحيتك مثل الحريم فإذا دخلت مجلسنا مافيه ولا شخص حليق اللحيه لكنهم لم يستشهدوا بأنها من الدين او حلال او حرام لكن احد اعمامي قاضي وهو الوحيد من يستشهد بالأحاديث ويحث على اتباع السنه في إعفاء اللحيه وغيرها ويشجع الشباب ودايم يردد احنا نفتخر بكم بلحاكم اللي محيرني ليه احنا من بين كل العوائل المجاوره لنا وقبيلتنا نهتم لهذا الأمر

تعليقاتكم ورجاءً بدون اي امتهان او سب

جميل ان يحتفظ الابناء يتراثهم وتقاليدهم
ومالمانع بالحفاظ بلحيتك اخي الكريم
تستطيع ان تخففها .. هذا لم يتجاوز شروط التقاليد ضرب اللحيه بالموس وتحليقها بالكامل انما ابقى على رقم واحد او اثنين .. بطريقه التخفيف
اتمنى اكون اكون تجاوبت معك بالحل البسيط هنا تبقى اللحيه محفوظه وبنفي الوقت لم تكسر تقاليد اجدادك

تصير كثير بمجتمعنا..

تطغى سياسة العرف والعيب على الحلال والحرام..

والعباده مع الوقت ننسى أنها عباده بمضمونها وتصير عاده..

أو شكل أجتماعي نفخر به..

أخوي يعني من وجة نظري :أشوف أن الشخص مايعفي لحيته الا عنده قناعه تامه فيها وأنه يعفيها يبتغي وجه الله فقط لاشيء أخر...

ادري أن جدكم الله يرحمه يبلكم الخير والصلاح,,بس بالمقابل الأشياء هذي بالذات المفروض الواحد يسويها بقنااااااعه تامه..

نفس الشي عندنا الي يحلق يسموونه (مهلوس اللحيه )..
عادة زينه ولها حكمه تجنب الواحد بعد خوف الله انه يقع بالخطأ
وتصير له هيبه ’’لكن فيه عيب ‘إذا واحد يعفي اللحيه ديكور
مجرد عادة وماهو مقتنع فيها ولا هي الي تردعه عن المنكرات .

شي يرفع الضغط الرجل اذا بيخلي ليحته لوجه الله ما هو لاجل العادات والتقاليد ..

أنا ما ادعوك لحلق اللحية لكن اتفق مع مجموعة من اللي يقربون لك واحلقوها ..

ولله غريبين يعني اي واحد يحلق لحيته يطلع حرمه على الاقل تخفيف طيب لو واحد ماعنده شعر بوجهه شلوون؟