|
هل زيت جوز الهند مفيد ؟ وكم الفتره اللي يحتاجها لشعري ؟
السلام عليكم ورحمه الله وبركاته
مساء الانوار للجميع بدخل ف الموضوع ع طول انا شعري خفيف ويتساقط بكثره وخصوصا من قدام صاير خفيف وقليل وانا جالسه أستخدم زيت جوز الهند الاخضر لي شهر مالاحظت ذاك التحسن يعني حسيته عادي من منكم جزاكم الله خير جربته ونفع معها او سمعت احد استفادو منه لاني انا قريت عنه بالنت والبنات يمدحونه كثير وماني شايفه نتيجه لحد الان وكم يحتاج لي ان استخدمه لاني بديت امل منه ومن ريحته:( ساعدوني الله يعطيكم العافيه وكل ماتتمنون يااااااااااااارب ومشكورين مقدما اختكم سوسو |
جوفي غناتي الزيت وايد مفيد بس كل ماطول كل ماكان احسن
وبعدين انتي عزيزتي سيري الصيدليه وخذليج برشوت جوز الهند الازرق وايد اوكيه حتى بالجمعيات بتحصلينه وعندج فاتيكا الاخضر يمكن هذا تقصدينه بعد اوكي ودابر املا يمدحونه بس ريحته قويه وزيت الحيه بس لاسف ماقمت احصله اهني بمحلاتنا وانا بالنسبه لي احب اخلط الزيوت مثل زيت لوز مع زيت زيتون وزيت خروع ... بروحهم هاي خلطه وافضل لو تستخدمين زيت جوز الهند بروحه ودابر املا بروحه حلو لو تنوعين كل اسبوع استخدمي شي واتمنى اكون افدج بشي وبخصوصو الشعر انا بعد عادي شعري مرات يطيح ترى الاكل مهم لاتنسين الاكل المفيد وتحملي من السكريات عامل اساسي يسبب بسقوط الشعر ابتعدي عن السكريات ولاتصبغين شعرج ترى الصبغ يطيح الشعر |
سلام عزيزتي
شوفي هوحلو للشعر الكثيف والخشن لانه يرطب وينعم مع الحرص على طريقه الاستعمال لان استعماله والشعر نظيف يؤدي الى تساقط الشعر وهذا بالتجربه والله كان شعري كثيف ومن الصبغات حسيته نشف واجد عن قبل لكن بعد مالقيت شعري بدا يتساقط وعرفت ان الهنديات يحطونه على الشعر قبل الحمام بساعه او ساعه ونصف تغرق الشعر بالزيت وتسرحه ولا تغطيه لان تغطيته تزيد الامر سوء لان الحراره والزيت على الشعر لها مفع عكسي المهم طالما ان شعرك خفيف وتبي تكثفيه اقولك على خلطتي والشرط الاستمراااااااااااااااااااااااااااااااااااااار المهم خوذي صفار بيضه ومعه ملعقه زيت زيتون وعلى حسب طول شعرك انا شعري لنصف ظهري 3 صفار بيض مع 3 ملاعق زيت وربع ملعقه صغيره خل وتحطي الخلطه على شعر نظيف ومغسول والله العظيم لو تستمري 3 شهور تكون النتيجه روعه المشكله اني بعد ماطولت شعري وزوجي انهبل عليه قصيته والله اني نادمه ومتكاسله اعمل الخلطه من جديدالمهم ان الصفار ريحته مو شينه لان الزفره بس في البياض سبحان الله والخل يعطي لمعه للشعر ويزيل الريحه القليله ]واهم شيء انك ماتكثري زيت الزيتون ولازم انه تكون المقادير متساويه ولانسيني من الدعاء |
حبيبتي ممكن آعرف وين سآكنة غير الخبر والدمآم .. بس تكوني بالسعودية في زيت مره حلللللللو وآنآ عن نفسي تعبت أدورة ولآ حصلته لكن لقيت محل يقولي أنآ أطلبة من الريآض .. بس مو قآعدين يوصلون له هالزيت آول مآتحطينه رآح يطيح شعرج إذآ كآن مو متعود ع الزيوت إسمه : (هير بينول ) مرررررره حلووو وآنآ آنتظر الطلبية وحآلياً أستخدم شركة وآدي النحل بزيت ( جوز الهند + الخروع + اللوز + الجرجير) |
أم رتودي فديتك. وش اسم المحل حبيبتي
انتظرك |
رد : هل زيت جوز الهند مفيد ؟ وكم الفتره اللي يحتاجها لشعري ؟
اذا يتساقط ممكن بسب رضاعة او قلة اكل... هذول اسباب رئيسية عليك بالفيتامينات و المكملات هذه نصيحتي الاولى لاني مجربة و ثانيا لا تلمسي شعرك و هو مبلول ابد خليه لين ينشف و استخدمي مشط من الخشب عيونه يكون بينهم مسافة و لا تشدين شعرك بقوة و ريحيه في الليل.. |
| الساعة الآن 10:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©