|
مشكلتي مع زوجتي هل استمر
السلام عليكم ورحمة الله وبركاته أيها الا خوه اقدر لكم جهودكم في هذا الصرح الشامخ أنا متابع لكم لكن هذ اول تسجيل أخص بشكر اللاخوه البليغ ورجل الرجال وأقول لهم توجيهاتكم اصبحت مرجع القوقل لكل لمن لديه مشكله
نا متزوج من سنتين ونصف اهل زوجتي من منطقه تبعد عنا 600 كيلو تقريبا في بداية زواجي عانيت كثيرا من عناد زوجتي ودلعها وغرورها وتدخل والديها لان بيت اهلها المسيطره عليه أمها مع الوقت اصبحت رسمي معهم من بعدها ماعاد يجرؤن علي ولاعلى بيتي الا بتلميح أمها دائماً تثير زوجتي تشككها فيني تغايرها بزوجها انه يحبها عقلها صغيرماعلينا للمشكله في عناد زوجتي رغبتها وسيطره ماتبيني اطلع واجد تبي كل شي بمزاجها بالحزم تاره واللين تاره والمسايرة تاره خف عنادها واجد رغم اني مرتبط بعمل وتجاره المشكله تحبني كثيرا يتعجبون اقاربي من حبها لي وش الفايده وهي ماتطيعني المشكله قبل فتره اعطت طفلي لخالتها دون علمي يوم دريت عصبت وليه تمادت بالكلام مالك خص ولأدخل هجرتها وزعلت وبعدها لفتره رفضت تطبخ وكذالك رفضت تروح معي لعزيمه وانا مواصل في هجرها واهي متماديه في عنادها وتطاولها طبعها كذا من أمها حتى لو تقابل الحريم تحرضهم على ان يصبحو أقوياء في مواجهة الزوج ويأخذون حقهم بالكامل خذت تبكي وانا تعبانه ابي اهلي اغير جو مع انهم عندهاالاسبوع الي قبله وافقت ان ااوديها اسبوع زياره قلت ابي بعد الزياره ترجعين غير وترجع حياتنا حلوه بعد ماوصلنا قالت عند اهلها مابيك ولا ابي ارجع لك غلطانه وتروح لأهلهااقلت عموما أنا ماشي أخذت أسبوعين ماارد على الجوال رديت لقيت باقي شي من الغرور وعدم التأدب تركتها اسبوع زياده ماارد كلمت تعتذر وتتاسف قلت اسفك مقبول لكن خليهم يجيبونك ونتفاهم بحضور ابوك ووالله وجوده زي عدمه لن يغير شي والله أني نويت اطلق بس لم اجده حل لدي طفل لأن لي سنتين وانا في عناد ومشاكل معناها ومع اهلها انااحب الهدوءمسالم محب لها احب بيتي واسرتي مااعرف الطيش لكن اتق الحليم اذا غضب لم اقصر معها عاطفيا ماديا معنويا بشهادتها هي تقول مافي مثلك القضيه انامااحب الحياه كذا متعبه مشاكل تعطل عليك امور كثيره المساله طولت تكرهك في البيت السؤال هل تصرفي صحيح هل ان لم يتعدل الوضع مستقبلا اطلقها لورضخت لها ضعت مثل ابوها اعطوني حل المعذره على الاخطاءلاني اكتب من جوال |
الله يعينك .
ياليت تو تجلس معها جلسة هادية وتفهمها إن هذا مو من مصلحتها , الشدة والقوة ماتنفع .. قل لها : لو إني مقصر تقولين لي بأسلوب , حنا أزواج مو أعداء , والله يسهل أمرك |
وعليكم السلام ورحمة الله تعالى وبركاته
أخي في الله لاتستسهل الطلاق والله أنه أبغض الحلال عند الله ، أجلس معها وحاول معالجتها بهدوء ، أنت تقول بأنها تحبك فإن كانت تحبك بتتقبل منك ، ناقشها وحاورها وحاول بدل المرة ألف ، انتم بنيتوا أسرة حرام تهدمونها لسبب تافة مثل هذا والضحية يكون الطفل اللي بينكم. وسع صدرك عليها ، وأصبر وأحتسب الأجر من الله ، وإن كرهت منها شي ، بترضا منها اشياء واجد. الركادة زينة وانا اخوك ، والعجلة من الشيطان ، وتراة بينكم الحين ، تعوذ منة وادحرة ، امورك كلها عوافي وماتستدعي هذا كلة . والله الصبر زين |
مافي مثل دينا الحنيف مربي للرجل وللمرأة
سجلها بأحد مراكز التحفيظ وان شاء الله انها بتكتسب من السيدات هناك أخلاق لينه وتتعلم ضرورة طاعة الزوج ولعلها بقربها من الله أن تحرص على رضاه من خلال إرضاءك ناصحها أخي وذكرها باللين .. أثابك الله وجزاك خير الجزاء على صبرك وتعقلك |
مشكورين وجزاكم الله خير سجلتها بتحفيظ قران
|
اكيد المراءة بتناقش وبتحاور
وبتقبل بأشياء وبترفض اشياء هي انسان مو جماد تحركها زي ماتبي يااخي اقبل بزوجتك ماهي وخل سالفة انها مغرورة على جنب |
انا من رأيي دام الامور وصلت لهذه الدرجة ان يتم وضع حد لتصرفاتها.
بحضور ابوها يتم افهامها حدود حياتكم ونقاط البلبلة فيها.. ياهي حرمة فيها خير وتتسنع يا كل واحد يلقط له درب.. خلك واااااضح.. انت منت في مقابلة انسانة وحدة انت مقابل لك بيت بكبره موفق خير يالغالي |
الحياة ماتوقف.على احد
|
لا يا اخي ..
الطلاق عمره ما كان حل .. اسمع مني انت توك في بداية حياتك الزوجية و زوجتك الله يصلح حالها فاهمة الزواج غلط ع بالها بس تمتلكك و تتحكم بك و تكون لها لحالها انت تقول أبوها مدلعها و من الأساس الاب متحكمة فيه الام يعني ع كلامك ما راح ينفع ان دخلت أبوها لانه بياقف في صفها لكن عندي لك حل .. ان شالله ينفعك زوجتك تحبك لدرجة متعبتك و مخليتك ما تهتم في اشغالك و تجارتك اتوقع عندها هاجس او خوف من اذا كثرت قروشك تججيب الثانية عليها ليه ما تقولها هالشي من الحين ..؟ انت طنشتها و مانفع فيها تقول باقي في لهجتها عناد و غرور خلاص اتخذ الخطوة الثانيه اتصل فيها قول يا بنت الحلال الناس تتزوج تبي ترتاح وانا رجال تبهذلت معاك تبين تتغيرين و تغيرين طباعك اللي ما تعجبني ولا خليتك في بيت اهلك يتفاهمون معك و رحت دورت لي وحدة تريحني بحياتي ترا العمر واحد و ماني مجبور اعيشه متنكد اذا تجاوبت معاك و لانت كان بها .. والله ما لانت اتركها عند اهلها و قفل جوالك طلع جوال جديد استخدمه و بعدها بفترة روح لهم تعطيهم نفقه ولدك اكيد أبوها بيتدخل و بيسالك قول له والله أنا ماديتي هالفترة شوي مضغوط مقبل ع الزواجة الثانية شوف كيف تطير برج من شياطينها ... اذا سمعت الخبر بس راح تحاول تراضيك و انت خلك ع ما انت عشان تتاكد انك صامل ... والله بيبقى درس عمرها ما تنساه الله يهديها لك و يصلح حالكم |
اقتباس:
|
| الساعة الآن 02:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©