|
سآآآآآآآآآعدووني مع خطيبيي مابقا فيني اعصاب
السلآآم عليكم اخواني وخواتي
متضايقه وبقولكم سالفتي بختصار عسا اني اصير انا الغلطانه وارتاح امس انا وخطيبي كنا نضحك ونمزح بالبلاك وصارت مزحه بايخخخخه وزعل عليها وقال اصلا انا مني بكفو فجاءه قالها وزعل مني وطنشني فجاءه ارسل اف انا عصبت وتضايقت وارسلتله ليش تحب تنكد علي وتزعل على شي ماغلطت فيه قالي خذي دوره كيف تتعاملين معاي انا ولعت وصررت اكتب كلام مدري وشو من القهر ومن ضمنه الي زعل عليه اني قلت اذا موعاجبتك خلني عند اهلي على اني كتبتها وانا مو في شعوري وصار نققااش وقالي بعد كل هالحب والتضحيات تقولين كذا وسوا سالفه علي وبعدها كلمته بالجوال وفهمته وقلتله ان موقصدي وبعدها قلب على سالفه ثانيه قال انتي جافه معاي ماتقولين لي كلام حب الا بالموت يقولي انا ادري انك تحبيني بس طلعي الي بقلبك هو انا ماكذب عليكم يقولي كلام ومو مقصر بهالشيي انا رديت عليه اني استحي وماصارلنا الا ثلاث شهور وان شوي شوي علي مع الوقت يجي هالكلام مو المفروض يعاتنبي عليه ويزعل عليه انا احترت مدري انا الغلطانه ولا الصح معاي ان مع الوقت يجي هالكلام ويقولي انتي بالبلاك تقولين لي كلام بس ع الجوال ماتتكلمين قلتله خلاص الخدمه نقطعها ونكلم بعض دايم بالجوال احسن رفض وقال لا خليها هي الي مصبرتني انا احترت شسوي والله مجروحه من كلامه مو عارفه كيف اتصرف ووشو اقوله كلام يرضيه انا ماتعودت على كذا اني اقول عمري وحبيبي ومن هالكلام وانتوا عارفين بيئتنا ومو علشان هالسبب انا للحين استحي منه والحين انا عارفه وواثقه من انه يحبني بس احس اني كارهته وحاقده عليه من كلامه ويوم قلتله عن المزحه ان ليش تزعل عليها قال بس بشوف رده فعلك انا مابي اجامله اني احبه واجامل نفسي احس اني كارهه طريقته بس ساكته واقول خلاص مصار شي مدري وشو الحل بالعلم ان عمري 20 وعمره 25 |
كثري من الاستغفار دقي عليه قولي له كلام حلو
قولي له كلام يتاثر في قولي موتي ولازعلك اترك الدنيا كلها ولااتركك وكلام لين يلين قلبه لك |
"حبيبتي ما صار إلا الخير .. هدي شوي وصلّ ع النبي.." :::: عزيزتي // قد تحدث بعض المواقف بين الخطيبين والبعض يكبـــرها ،, ولابد أن تكون نظرتنا للمواقف بنظرة عاقلة ,، ولا نعطيها قدرا أكبر مما تستحــــــــــــــق تعرف هذه الفترة بفترة حساسة ,، فيحاول الطرفان أن يُظهرا أفضل ما لديهما ,، وإن استجـــد بالعلاقة أمر جديد لم يتم التعود عليــــه تثور عليه أعصاب البعض .. وتفتعل المشاكــــــــل .. وتكون بعض هذه المواقف اختبارا لعاطفة وعقلانية كل طرف على حدة .. حاولي اليوم تخفيف اندفاعيتك تجاهه بالكلام ,، فهو خطيبكِ .. وسيجعكما سقف واحد قريبا إن شاء الله ,، ولو لم تخطئي "بنظرك" حاولي التلطف إليه .. وما المانع إن "تجرأت" بقول كلمة يود سماعها منذ زمـــــــــن ... أنتِ تعلميـــــــــــــن مدى حبه لك .. فاسعديه بكلمة لن تكلفك كثيــــــــــــراَ .. لكن لفتت انتباهي هذه الكلمات من موضوعك "احس اني كارهته وحاقده " يا عزيزتي .. الكره والحقـــــــد كلمتان كبيرتااان بالمعنى وإن قل حروفهما ..!! لا يجدر بنــــا أن نرى بهذه النظرة للطرف الآخر ,، فالزواج سيرينا أشيـــــــاء بعدها لم نواجهها من قبل .. وهل سنقول أكرهه وأحقد عليه ..!! بإذن الله ستعود الميـــــــــــــــاه لمجاريها إن شاء الله .. وتذكري هذه المقــــــــــــــــولة دائما :: " مشاكلنا غمامة صيف لكننا نستديمها في سمائنا حين لا نحسن التعامل معها " وفقكما الله عزيزتــــــــــــــي وأسعد الله قلبيكمــــــــــــــــــا .. |
شوفي حبيبتي الي أبي أقولك أياه غرقيه كلام حلللللو وهو ماعاد يعصب ويزعل على أسباب تافه هو الحين يحس أنه ناقصه شي وبعدين ثلاث شهور فتره كافيه
بقولك وعن تجربة كثير من البنات ترى بكره رح يبطل ويخف وماعاد يقولك كلام حلو وقتها رح تندمي أشد الندم انك كنتي تستحي حتى بعد الزواج رح تحسي أنك فوتي على نفسك أشياء حلوه كثيييير الله يوفقك |
حبيبتي نعم اهتمي بخطيبك بس لاتوضحين له انك ميته عليه
العبي عليه بالكلام الحلو زي مايلعب عليك بس نصيحة لايكون هو مصدر سعادتك واذا زعل انعفستي وحالتك حاله اذا زعل من شي تافه احقريه طنشيه اشتغلي بحاجات ثانيه واذا رجع لك العبي عليه بالكلام المعسول اذا وثق انك مييته عليه بكرة يلعب بأعصابك ا |
ههههههههههههه الله لا يجيب الحقد والكره يارب
لا يا غالية هذا مو حقد ولا كره هذه مشاعر غضب فقط في وقتها وبتزول هو واضح انه مزاجي من كلامك انتبهي للنقطة هذه وراعي مزاجياته ولا تهدديه بموضوع الفسخ ترى الموضوع مو لعبة استخدمي معاه اساليب ثانية (( الصمت )) من اكثر الاساليب النافعة في العلاج والله يوفقكم يارب ويخليكم لبعض ويسعدكم |
ههههههههه والله صارت معي زي كذا بس عاد ماوصلت للهواش
ما اخفيك انا تضايقت بس ميزتي اتضايق شوي وارضى على طول كانت المدام مثلك تماماً ماتقول شى واذا ارسلت رسالة تكتب خمس 10سطور واذا كلمتها سكتت هههه لين ماصرت انا اقولها منهو حبيبك منهو حياتك وتسكت اقول قولي انت ، تقول انت يعني على شوي شوي لين ماصارت تقول من حالها لان حاجز الحيا انكسر عندها ، انتي اذا كلمك قولي مثلاً شلونك ياقلبي وسولفي عادي اذا قال يالله مع السلامه اكلمك بعدين ، قولي ان شاء الله ياقلبي شوي شوي وتبي تسلك الامور عندك |
وعليكم السلام
نصيحه خفيفة وجميلة ومختصرة أولا : أنتم في فترة خطوبة لا تطول أكثر من سنتين في العادة بعدها زواج الى نهاية العمر إذا عرف كل واحد كيف يعامل الأخر ثانيا : إذا المكالمات الهاتفية وغيرها لن تدوم وهذه المزحات لن تدوم وهذه المشاكل التافه لن تدوم إلا لفترة محدوده ثالثا : إذا ما هو الذي يدوم - الشخصية - الطباع - الحب - التعامل - لطيلة عمر الزوج والزوجه ...... أختي ركزي على هذه الأمور في فترة الخطوبة ودعكي من الأمور الجانبية التي لها فترة محدودة رابعا : كما قلتي أنتم لكم ثلاثة أشهر وربما هذه أول مزحه لم تكوني تعرفي أنه لا يحب هذا النوع من المزاح ... إذا وبكل بساطة لتكون هذه الأولى والأخير وينتهي الموضوع ... خامسا : دائما للمخطوبين لازم أن تغتفر المرة الأولى لكل الأخطاء المسموح بها لأن الطرف الأخر لا يعرف أنك لا تحب هذا الأمر ... إن أعادها فهنا المشكلة أنه لا يبالي وتحتاج لحل أخر هذه نصيحتي فأنتم في علاقة من أرقى العلاقات لا تحاولوا أن تجعلوها للأمور التافه اللهم اجمع بينها وبين خطيبها على الخير والحب والمودة واجعلهم متفاهمين مترابطين وأبعد عنهم الشيطان وجنده |
طبيعي بفتره الملكه تكون في مشاكل بسيطه زي كذا
لاتزعلي ابد ترا هالمشاكل ملح الحياه والله الحل انك تدقي عليه وتسمعيه كم كلممه تخليه يتجنن هع موفقين |
اصبري عليه مو على طول تزعلين منه وتقولين انا كذا اذا مو عاجبتك خلني عند اهلي
ياحلوووه الحياة اخذ وعطا وتنازل عن للطرف الاخر يعني اذا زعل وا عصب انتي حاولي تهدين اعصابه حتى لو على حساب نفسيتك والقهر اهم شي عودي نفسك تقولين له كلام حلووو بدري على المشاكل وبالتوفيق |
| الساعة الآن 04:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©