|
رايكم ياااهل الخير
السلام عليكم ورحمه الله وبركاته اخواني خواتي الاعزاء باخذ من وقتكم القليل انا اسمي فلان عمري الان 29 سنه ^_^ الحاله الاجتماعيه اعزب وانشاء الله الزواج في خلال السنه هذي اذا كان اللى في بالي بعد توفيق الله سبحانه اعجبت في فتاه " من الاقراب " وهي الان 27 سنه " اللي العين عليها ^_^" راحت الايام والسنين و تتطورة الامور من الاعجاب والمحبه بين ((الطرفين)) طبعا كل هذا الامور بصدفه و الاحتكاك الغير المباشر " فلانه والله ما تسوي شي الا انت فيه او فلانه ما تعرف المطبخ الاانت جاااي^_* وانا طبعا نفسه الحكايه فلان ماتشوف رقعة وجهه الا اذا فلانه موجوده وكل الخدمات موجابه اذا فلانه في الموضوع البيت كله يدري واهل البنت بعد حتى الصغار " ان فلان يبي فلانه وفلانه تبي فلان الا وحده وهي اغلا الناس عندي ((((امي)))) تدري اني ابي فلانه بس كائنه ما تعرف شي ""الغيره "" وما تسوي السنه الماضيه الحمد الله جهزة جميع امور الزواج من المهر ....اخ وقلت للوالد انا ابي اتزوج فلانه وانت عارف الامور الوالد قال مبررووك بس اهم شي رضاء ((امك)) في البنت اهاااااه جاك الموت ياا تاارك الصلاه *_* هذي الغيره ما تسوي ورحته افكرررر كيف اقولها بالطريقه حلوه سياسيه *_* والله جبت العيد ههههه والله الضحكه هذي من القهر اللي انا فيه قلت لــ امي الله يحفظها ابي اتزوج وش رايك فررررحة مررره بالخبر "فيه فلانه بنت فلان ال فلان هذي بياااااض شعرها طوووويل:eek: " وقلت لها ابي فلانه وانت تدرين اني ابيها من زمان ولا ابي بنت غيرها مرره طبعا قالت الوالده طبعا مع "هرموووون الغيييره" لالا :16:لا اذا تتزوجها ما رااح اكلمك ولارااح......... اخ قهر قلت ما ابي غير البنت هذي ولا رااح اتزوج غيره مرره (لان جاء من يخطب البنت وقالت لا ^_^ والكل يعرف السبب؟؟!!) هذي السفاله وما فيها باختصار ^_^ يا جماعة الخير " االي يقدر يساعدني بفكره او في حل مشكلتي هذي لا يبخل علي تكفون " والله على ما اقول شهيد ان موضوعي حقيقي وحاصل معي ولا اعرف كيف احله . " واذا مرررره مافيه حل سوق الخضار قريب "على السكين " ^_^ تحياتي للجميع |
عندي اقتراح....
حسس أمك أنك صرفت النظر عن هالبنت لفتره معينه - شهر مثلاً وبعدها قل أنها متعرف على زميل في العمل أجبني _ جنسيه غير عربية طبعاً- واجلس شهرين وأنت تمدح فيه ,مسلم وعاقل, وووو....الخخخ, بعدها قل لأمك عنده بنت او اخت جمييييييييييله وشقرا ومتحجبه وانهم عرضوها عليك وانها عاجبتك وانهم شارينك ووووو ... , وماااابي غيرهااا وخلك مصر على رااايك , الوالده من الروعه بتروح بنفسها تخطب اللي عينك عليها وترجع تقنعك فيها, بس لاترجع تنبسط , وافق على مضض عشان الوالده _ طبعا تمويه مو صدق خلال هالفتره لاتنس الصلاة والدعاااء خصوصا اخر الليل ان الله يشرح صدر الوالده ويهديها وييسر امورك ويكتب لك الخير. |
ليش امك رافضتها ؟!!
اكيد لها وجهة نظر .. والغيره مو قبل الزواج .. الغيره بعد ما تكون زوجتك .. ملاحظه .. عندك مشكله بين التاء المربوطه والمفتوحه .. شكلك ما تفرق بينهم <<<< قواعد نحويه |
شوف اخوي ترى المرآه بشكل عام عاطفية .. فمبالك امك ..
تقدر تسوي حركة تستعطف فيها امك وتحن عليك وتوافق بسهولة يعني مثلاا حسسها ببرك لها وعاتبها بنفس الوقت عتاب ودي وقلها انا ابيع العالم كله عشان رضاك وصحيح اني اتمنى فلانه لأن هذا الحب الي انفطرنا عليه لكن حبي لك يا يمه فوق كل شي واكيد انتي تبين لولدك الخير وانا قلبي له البنت كانك تبين لي الخير ارضى عني يالغاليه ....... الخ ومن هالحكي طبعا اعمل هالشي زي الاكشن وضبط علاقتك قبل تفاتحها بفتره عشان تحس بغلاتك اكثر وجب هديه لها تحبها ثم بعدين ابدا معاها .. والله يكتب لك مافيه خير ياخوي |
عندي اقتراح....
حسس أمك أنك صرفت النظر عن هالبنت لفتره معينه - شهر مثلاً وبعدها قل أنها متعرف على زميل في العمل أجبني _ جنسيه غير عربية طبعاً- واجلس شهرين وأنت تمدح فيه ,مسلم وعاقل, وووو....الخخخ, بعدها قل لأمك عنده بنت او اخت جمييييييييييله وشقرا ومتحجبه وانهم عرضوها عليك وانها عاجبتك وانهم شارينك ووووو ... , وماااابي غيرهااا وخلك مصر على رااايك , الوالده من الروعه بتروح بنفسها تخطب اللي عينك عليها وترجع تقنعك فيها, بس لاترجع تنبسط , وافق على مضض عشان الوالده _ طبعا تمويه مو صدق خلال هالفتره لاتنس الصلاة والدعاااء خصوصا اخر الليل ان الله يشرح صدر الوالده ويهديها وييسر امورك ويكتب لك الخير. ------------ انا مع هذا الرأي جربها اخوي مع امي والله انها انهبلت من كلامه |
من جد هالقصص أشوفها بالمسلسلات
أثاري فيها من الواقع^_^ شوف أخوي ليه أمك رافضه البنت؟ هل هناك سبب معين..بمعنى هل بالفتاه بها خلق سيء تنكره الوالده؟أوصفات تكرهها؟ تحرى جيدآ ربما أمك ترى شيء لاتراه!! أما أذا كانت البنت حسنة الخلق..وصفاتها جميله أكيد مالها حق الوالده ^_* أنا أرى أتبع أسلوب (الأستعطاف) بمعنى أكسر خاطرها..خليك دايم حزين.. شارد الذهن..ألتزم الصمت مع بعض التعابير البائسه.. تغير بشكل ملحوظ.. لاتاكل أحيان وش تسوي عاد تحمل*! * أرمقها بنظرات فيها عتاب وترجي.. ترى الأم نبع من العاطفه وتحن بسرعه..بس العب على ذا الوتيره.. والله يكتب لك مااااافيه خير لك ويسر لك أمرك.. |
يمكن خيره وماهي من نصيبك
ماحد يعلم الخير فين .,~ الله يتمم امورك على خير ويجعل في كل ماراح خيره : ) |
شكرًا لكم من صميم القلب |
طيب ليش امك رافضتها اكيد فيه سبب مو معقوله دخان من دون نار
انا رايي ترجع تكلمها مره ثانيه واذا مافاد كلم ابوك يقنها واذا مافي فايده شوف اي وحده من خواتك الكبار او خالاتك اهم شي احد كبير بالعائله بالتوفيق |
اول شي انت متاكد امك غيرانه منها؟
وليه منها بالذات؟؟ وماحبيت كلامك عن امك بهالطريقه علشان وحده بتتزوجها مهما كان حبك لها. المهم تاكد وش سبب رفض امك واذا اكيد من الغيره اتبع خطة غصة فراق خطتها جميله جدا |
| الساعة الآن 04:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©