|
اختي وخيالها الواسع ...
السلام عليكم ورحمة الله وبركاته ..
عندي مشكله بسيطه بس ودي انها تنحل او يخفف منها ... لي اخت عمرها 17 سنه واخر العنقود .. ومدلله .. فيها عيب مضايقني واخاف يستمر معاها اكثر .. بوضحها بموقف .. مثلا اسولف عن موضوع او قصة لصديقه لي او شئ قراته .. على طول تذكر قصه مشابهه لها صارت مع صديقها او اخو صديقتها او معلمتها 99 بالميه من سواليفي تجيب لها شبه . يعني - كذب - او نقول خيال .. مرات ودي اقول بطلي كذب .. او استعجب من كل سالفه اقولها عندك شبهها ..! وغالبا اضحك :d وكل مره اقول بكره تكبر وتتغير واشوفها مستمره ... بالامور الحياتيه احيانا ماتصدق اذا خافت احد يوبخها ... كيف اقدر اخليها تترك هالطبع بدون مااجرحها او احرجها ...؟!؟ |
عليكم الســـــــــــــــــــلام .. أختي العزيزة .. طالما هي بعمـــــــــــــــر 17 سنة وتبالغ بالأحداث .. فمن الأولى أن تنبهيها لهذا الموضوع ..!! لدي زميلة وخفيفة دم .. لكن مشكلتها المبالغة .. وإضافة بعض البهارات حتى أنني أحيانا لا أستطيع تصديقها دائما بما تتحدث عنه .. لعلمي بطباعها ..!! ,، كما قلتِ هي آخر العنقــــــــــــــود .. وربما متأثرة بشخصيتك وتحاول تقليدكِ بكل ما تقولينه وتعملينـــــــــــه .. حاولي تعزيز الجوانب الإيجابية من شخصيتها وحاولي تنبهها بهذا الطبع الذي قد يمس من شخصيتها عندما تنضج .. ,، |
لاتنحرجي ولا على بالك .. دامها اختك
من واجبك تقوليلها انه ما ينفع المبالغه او السرد المصنوع من الخيال ومن مصلحتها توجيهك لها ... واسئليها ليش تتصرف بهالاسلوب ...؟ |
اقتباس:
|
هي نفسها اللي العام تقولين تدور :)
الله يحفظها لكم ... شوفي اتوقع انها حاسه بعزله او نقص لانه محد يعطيها وجه فتألف قصص وهمية تبي احد يلتفت لها او تبالغ بالحكي عشان تاخذون و تعطون معها .. تدرين وش الحل معها .. من رأيي انك تتقربين لها اكثر و تعززين ثقتها بنفسها و شوي شوي ابداي احكي لها عن خوات صديقاتك انهم كذا وكذا مثل الصفات اللي تقولينها الان و هي شوي شوي بتنتبه و تبدأ تصلح من عاداتها .. وتلاحظين بعدين انها حتبدا تثق بك .. يبغالها شويه صبر والله يعينك عليها بصراحة ما اتحمممل المراهقين احسهم عنيدين و صعب التعامل معهم .. الله يحفظها لكم يارب ويجعلها فخر لوالدينها * |
امممم
حاولي تشتري لها كتب ابراهيم الفقي عن الشخصية لانها لسه مراهقة واحلام اليقظة والخيال تلعب بمخها لان اذا قفلت 18 تخافي عليها اما اللحين حاولي بس وياها حبه حبه وديها دورات تدريبه والله يحفظها لك |
اقتباس:
سلمت ِ عزيزتي .. |
اقتباس:
فعلا متعبين بهالزمن ومدلله جدا من الجميع.. وعنيده .. لو اناقشها بشئ غالبا تسكت وبالنهايه تسوي الي براسها .. وانا احاول اسدد واقرب مره اشد ومره ارخي .. تسلمين ياقلبي على هالدعوات .. الف شكر .. |
| الساعة الآن 06:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©