|
كيف أغير اسلوبي مع زوجي ؟
السلام عليكم
اخباركم يالربع انا بنت مملكه وزواجي قريب بس عندي مشكله اني لما اتكلم مع زوجي كل سوالفي ضحك وتعليق يعني ماني ثقيله بنوب تروح الوقت كله ضحك ياربي ابي اثقل طفشت احلف اني المره الجايه بكون ثقيله بس يقول سالفه تضحك يركبني الضحك واجلس اعلق وانكت والله مرات احس حالي ولد وهو يذبحه الضحك لارومنسيات ولا بطيخ عندنا :( وانا الحمد لله ثقتي بنفسي عال العال بس مرات اجلس انكت على نفسي من باب المزح قدامه وهو يدافع عني ههههههه الشكوى لله ومره جرحني قال احسك تقول واحد من خوياي جلستك توسع الصدر :11: ومره قال صحيني الفجر قلت ازهلها وزعل وعصب يقول احسك منتي بنت المفروض تكون الفاظك انوثه وش اسوي ابي اثقققققل طفششششت المشكله طبعي احب الضحك ويمكن اني مرتبيه مع خواني العيال كلامي زي العيال واذا سكت يقول ليش ساكته :( وش الحل اسحب عليه للعرس واريح راسي بلييييييز ساعدوني |
عليكم الســــــــــــــلام عزيــــــــــــزتي .. ,، أسعد الله قلبيكما ..و جعل أيامكما كلها سعادة ووناســــــــــــــــة .. ,، الرجل يا عزيزتي .. يحب المرأة المرحة ذات الدم الخفيف اللطيف .. ولكن لا إفـــــــــــراط ولا تفريــــــــــــــط .. حاولي بقدر الإمكــــــــــــان .. أن تكوني جدية معه بعض الأوقــات.. أي اطرحي مواضيع جدية تستلزم النقاش الهادئ دون الضحك و"التنكيت" .. كذلك لا يخفى عليك الرجل بحاجة لكلام رقيق .. حتى تشبعي الجانب العاطفي معه .. ,، أما بعبارتك "ومره قال صحيني الفجر قلت ازهلها وزعل وعصب يقول احسك منتي بنت المفروض تكون الفاظك انوثه " أزهلها لم أفهم معناها ..!! لكن حاولي تعويــــــــــــد لسانك على الكلام الطيب الذي يأنس به قلب زوجك .. فالضحك والفرفشة ليس كل ما يحتاجه زوجـــــــــــك .. ,، ابدئي بدايــــــــــــة بالرســــــــــــائل القصيرة .. ثم دربي نفسك أمام المرآة حتى يجري الكلام "الرقيــــــــــق" بلســــــــــــانك >>> بس لحد يشوفك ويقول تكلم نفسها ^.^ بالبدابة ستجدين صعوبة لكن ستسري هذه الكلمات بلسانك بعدها .. جربي بالمكـــــــــــــالمات .. من ثم عندما تلتقـــــــــــــــــــون وجها لوجــــــــــــــه .. ,، همسة أخرى عزيزتي .. " التنكيت على نفسك " .. جميل أن تعترفي بما فيك بطريقة مرحــــــــة .. لكــــــــــن :: حاولي ألا تكثـــري من هذا الجـــــــــــانب .. لأنه ربمـــــــا سيتعود على هذا الأسلوب .. وربما سيحاول أن "ينكت عليك " فيثير بعض الحساسية لديكِ من دون علمــــــــــــــــه .. ,، أسعدكما الله وتمم أموركم بكل خيــــــــــــــــــــر ,، |
ياحياتي والله عجبتني خفه دمك بس معليش يعني بحدود مع زوجك حاولي وحاولي تكوني فيك لو ذره انوثه في حديثك في اسلوبك طريقه ضحكك بعد لاتكون عاليه كلميه شوي في الرومانسيه حسسيه بدلعك برقتك ترى مره بسيط الموضوع هونيه يهون وحكايه انك تسحبيه عليه مو حل بالتوفيق ان شاء الله000
|
ههههههههههههههه ازهليها وانا اختك00ذكرتيني بوحده الله يذكرها بالخييييير000
كانت كذا مثلك ويمكن اكثر صار لها متزوجه سنتين وشوي0مرحه وحقت تريقه ع المزبوووط حتى ع نفسها تتريق0ومره ماادري ايش جاها فجأه تبي تتغير0مسويه فيها ثقيله ونعووووووووووومه0 شافها زوجها وضحك اقول بس خليك ع طبيعتك ياشين السرج ع البقر0000الله يذكرها بالخير0هههههههههههههههههههههههههههههههههه |
اقتباس:
وياملحتس تراتس ضحكتيني هههههههه وصدقيني البنت المرحه هي الي تأسر قلب الرجال وتخفف عنه ضغوطه..وتغير جووه.. بس لاتغفلين باقي الجوانب مثل ماقالت أختي أوراق ملونه.. |
اقتباس:
يآرب عسى دوم سعة الصدر |
ههههههههههههههههههههههههههههههههههههههههههههههه استمري ^.^
|
حاولي تخلي مزحك بحدود وكلامك يكون منوع بين المزح والجد لانو في امور كثيرة بنفعش قيها المزح لازم تتاخد جد
|
حلو الوحده تكون حبابه ودمها خفيف
بس الشي اذا زاد عن حده ينقلب ضده يعني شو المانع لو كنتي رومانسيه وحساسه وراعيتي انوثتج كبنت وحلاتها البنت الذربه والثجيله يعني اذا طول الوقت ضحك واستهبال وتعليق ابصراحه والحق ينقال شي ممل ومبالغ فيه خلي الضحك والوناسه الزايده والمفرطه عند الاهل وغيرهم بس بينج وبين زوجج من حقه يسمع كلمه حلوة كلمه تجبر بخاطره وغيره وقوليلها باحساس ورومانسيه لاتقولينها كانج تتغشمرين وعقب تضحكين ها حبيبي ها قلبو شو في خاطرك حياتوا اشتقتلك وايد وايد بيبي... بليز بجوفك ذبحني الشوق مااقدر انام قبل لااسمع صوتك غناتي اشكثر اتحبني ؟؟ممممم... حياتوا اليوم انا تعبانه واايد .. راسي يعورني .. من جي قلت ابا اسمع صوتك عشان استوي بخير عمري متى بنتزوج مااقدر اصبر من غيرك يااااه ياعمري ودي اليوم قبل باجر المك باحضاني ... كتكوتي شو رايك تتغدى عندنا .. انا بطبخلك بايدي بليز بيبي لاتردني .. وجي يعني مشيها .. بناءن على كلامج .من.وجهة نظري انتي حبوبه وعفويه .. ومن الجانب الانثوي انتي دافنه الانوثه والرومانسيه فحاولي توزعين بين الضحك والجد والله يهنيكم ان شالله |
اهلييين فآآدية والله بان كل شيء من أول جملة ( اخباركم يالربع ) ههههههههههههههههههه
الله يسسعدك اسسسلوبك هاذا ينفع معــآنا يالبنآآـت مو مع زوجك لو إني اعرفك كــآن صاحبتك واستانست معــآكي بتقولين في نفسك الحين ادري هههههههه اسمعيني ترى كنا زيك و ترى مآنولدنــآ نعرف الدلع واسساليبه! والأنووثة هــآذي فطرة فينــآ بس يبغالنــآ نشتغل عليها شوي عشان تطلع بالذات إذا كنتي البيئة اللي عايشة فيهــآ ماتساعد. فأول شيء تسوينه إنك تتعلمييين في البدآية حيكون تصنع ..شيء طبيعي ومع الإستمرار حيكون طبع فيكي ..و راح تشوفين من فين تتعلمي؟ عندك النت مليــآن لليل حتلقي مواضيع وملفات وخبراات خذي وطبقي على خطيبك صدقيني انك حتستانسين كثييير راح يلاحظ خطيبك إن هاذا مو اسلوبك ..بس انتي واثقة من نفسك مو؟ وآآصلي وماعليك حتى تصيري استاذة في الدلع هآآه وتراها فرصتك وانتي في الملكة قبل مــآ تتزوجي ربنآ يوفقك ^_^ |
| الساعة الآن 08:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©