|
اخوي يقول أنا شين ومابي اتزوج
مساء الخير
اخوي عمره 28 ونبي نزوجه وهو رافض مره قلت له بيني وبينه وش فيك ماتبي تتزوج قال صراحه أحس اني شين وومابي اتزوج مع انه مملوح وجسمه حلو ماشاء الله ومو شين ولاشي. بالعكس لو كان مو اخوي وخطبني على طول أوافق. يكفي رجولته وهيبته بسم الله عليه كيف اقنعه بالزواج ممكن طريقه مقنعه شكرا مقدما |
غريبه ...
حبيبتي مو معقوووله هالسبب وانتي عارفه أخوك أكثر منآآ ,, اذا هو كاامل والكمال لله وخصوص اذا متوفر كل شئ من بيت وسيارة وودخل ممتاز صدقيني فيه سبب أكبر من اللي قاله لك .. نصيحتي اجلسي معه اكثر من مره وبهدووء وبروااق وبجلسه اخوويه وكلهآآ صراحه وخليه يطلع كل اللي بقلبه وأنتي لاتقصري امدحي امدحي امدحي في كل شئ في شهادته ووظيفته وهيبته وشخصيته وملابسه وعطوره ,, عززي ثقته بنفسه وطيريه للسمااا وقوولي الرجال مايعيبه إلا جيبه ..(( لآتجاملي قولي الصدق خخخخخ )) وأنت ماشاء الله مافي شئ نااقصك حاولي تكبري راسه شوووي هههههههههههههه .. ولا يخرج من عندك إلا وهو مطلع كل اللي بقلبه.. فالأخير لا تضغطوووا عليه وخلوه براحته وطنشووه فتره وان شاء الله يجيكم قريب وهو دآعس 200 (( زوجوووني :14::14::14:)) ... |
انا ارى بصراحه ان الزواج ماهو في باله الآن وهذا الامر عادي
يجونك شباب ماهم حابين فكرة الارتباط وتحمل المسؤلية واذا اجبرتوه ممكن مايعطي قدر المرأة حقها والحياة الزوجية حقوقها لانكم اجبرتوه على الفكرة لكن ان جات م نفسه وطلب الزواج راح يقدر وجود امرأة بحياته وحياته الزوجية يولي لها اهتمام كبير لانه تزوج وهو بحاجة لها الشيء والله انا اقول هذا الكلام من تجارب اللي حولي من اخوان واصدقائهم |
حاولي تمتدحينه (وخاصه الأشياء الزينه) فيه عشان مايحس أنك تعززين له وتضحكين عليه..
يعني قولي ماشاء الله على طولك ورزتك البنات يحبون الطويل أوالمملوح.. وبيني أنه فيه بناااااات كثير بل أغلب البنات مايهمها الجمال بالزوج وقولي من باب الدعابه(الزين والحلا للحريم) وأتوقع بعد المسأله مسألة وقت.. بيجي يوم وينتصر على هاالأفكار وبيعرس.. وحاولو دايم تذكرون قدامه الي تزوجو (وخاصه من عمره) يعني فلان أعرس وفلان تملك..يمكن تطقه الغيره ويتحمسسسسسسس.. الله يوفقه ويوفقك.. |
أخاف أمدحه ويحس اني ورإي شيء. لأني دايم اطلبه فلوس ههههه
إلا اول كان يبي يتزوج بس أهلي اللي رافضين قبل خمس سنوات والحين نقوله تزوج وهو اللي يرفض بس أحس أنه من فتره وهو يفكر وصار ينام بدري مدري وش فيه |
هههههههه حلوه تطلبين فلوس..
اممم طيب خلاص أمدحيه في عرض الحديث يعني مو مباشره تجينه كذا من الباب لطاقه وتقولين له أنت مملوح وتخبل.. لا مثلا لو كنتم مره فاتحين موضوع عن الزين بالعايله قولي له ذا الكلام.. أو كان لابس وكاشخ ومتزكرت..قووولي وااو ماشاء الله عليك..وعلمي خواتك بعد ذا الشي هههههههه أقولك ذا الكلام عشان تعززين الثقه في نفسه.. أما موضوع الزواج) دام كان له موقف سابق يمكن مأثر فيه..فخلوه لين يروح أثر الموضوع ويطلب الزواج بنفسه.. بالتوفيق |
قبل خمس سنوات كان ودة يعني السبب مو شكله بس عذر وتصريفة
قولي له ان سنك مناسب وافضل عمر لزواج 28 وخلوه على راحتة بيجي يوم ويقول دورو لي الله يوفق الجميع |
اقتباس:
اتفق مع الاخت بكلامها |
هذا اكبر غلط لما الولد يطلب الزواج ونرفض
هو اتوقع خلاص ماعاد يفكر او يعاندكم او يمكن كان فيه باله إنسانه بس خلاص تزوجت ولا عاد فمر بالموضوع السبب مو في شكل أخوك فيه سبب ثاني انتي قولي له اخطب وانت فيك أشياء وأمور اهم وكل بنت تتمناها حاولي تعطينه الإيجابيات الحلوه والله يكتب اللي فيه الخير |
سؤال،،
سفرياته كثير !!؟ |
| الساعة الآن 04:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©