سؤال للبنات فقط هل يجذبكم هذا الشئ !
 

السلام عليكم .... يابنات الحين هل فعلا الكلام الحلو والغزل وكثر المديح يسحركم يعني يبسطكم ويعجبكم حتى لو مابينتوا انه عاجبكم ؟؟؟ يعني هل يحرك مشاعركم من جوة ويخليكم تحبون الشخص اللي يمدح ويتغزل فيكم دايم ؟؟؟ واش الشئ اللي ممكن ( معليش على الكلمة ) يثير غريزتكم ويخليكم تعشقون الرجل انا صراحة ابي افكار البنات لانكم الوحيدين اللي تقدرون تقولون عن هذا الشئ لانكم مجربينه فأبغا افكار ممكن الواحد يقولها لخطيبته وتنبسط وتتعلق فيه وتصير تعشق التراب اللي يمشي عليه .

اكيد المدح والغزل يعجب البنات
بس لاتقووله بشكل داايم وبكل وقت وبكل مكالمه
لانه بيصيرر ماله طعم ويصير عنندها شي روتيني
وماعاد يفرحها بس حلو يكون بين فتره وفتره
والبنت ماتبي تححس الا انك تحبها وتخاف عليها
وبس احسساها انك تبي تسعدها وتحاول بهالشي هذا يكفيها
من وجهه نظري
وكل بنت تختلف عن الثانيه في بعضهم يحبون كثره الهدايا يحبون الاشياء الماديه وفي بعضهم الكلمه الحلوه تكفيهم
يعني ع حسب شخصية خطيبتك

حتى لو مآبينت خطيبتك صدقني إن قلبهــآ يرقص من الفرحة (=

البنت تحب الكلام الحلو لو كان نابع من قلب ويوصل لقلبها
مو بس الكلام حتى لو كان فعل نظرة همسة لمسة اي شي بس يكون باحساس صادق
اكيد انه بياسرها ويثيرها
الله يسعدك مع خطيبتك

اي الكلام الحلو يطير الوحده من الفرحححه
اشتبي البنت غير المدح والكلام الحلو
عودها و تعود
عالكلمات الحلوه لانها مفتاح لكثير من المشاكل مستقبلا
وممكن بكلمه حلوه يروح الزعل كله
والكلام بروحه مايثير (( يعني الهمس بدون لمس مايجيب نتيجه))

احب المدح الصادق .. الي يجي طبيعي من غير تكلف
ويكون نابع من كون خطيبي انسان يشوف الايجابيات ويثني عليها
ولكن مو الي يتصيد المواقف عشان يمدح على الطالعة والنازلة!!! يطفش هذا

احب الرجل الي يهتم بفكري وشخصيتي قبل يهمه يثير غريزتي

جميل هذه المبادرة في البحث عما يسعد زوجة المستقبل ,, جمعكم الله على حبه وطاعته ونشا بينكم سعادة دائمة

أخي الفتاة بتكوينها العاطفي الذي أوجده سبحانه في داخله وقلبها الحنون الرقيق
تتأثر بالكلمة الطيبة مهما كانت بساطتها

تأسر قلبها تلك العبارات الحانية ,,

مثل
إذا تألمت
قول لها بدل سلامتك
و بهمسة صادقة ( >> سلامة روحك وقلبك من الألم ,, سيخفق قلبها ولا تكثر على هذه الكلمتين الرننانة

ردد كلمة قلبها في عباراتك

(( بعد الشر عن قلبك وروحك
أحب قلبك أحب روحك
أشتاق لقلبك أشتاق لروحك تضمني
تدفيني ,,,, وأنت لك الخيار في كلمات كثيرة ))

الفتاة تحتاج لهذه العبارات
لتشعر بالأمان والحب

الذي يأتي بعده كل المراحل ومنها الإنجذاب نحوك ,,
وهي أن تتغزل بهيئتها ,, شعرها ,, عينيها ,, قوامها ,, وهكذا



وفقك الله أخي وجمع بينكم بالقريب العاجل ,,

ولا تنسوني من دعواتكم ..