|
زوجي صارجني انه لم يعد يحبني :(
السلام عليكم ورحمه الله
اكتب اليكم وانا شبه منهارة وانا على هذا الحال منذ ثلاث ايام ..انا متزوجه من ست سنوات والحمدلله لدي طفلين حياتي لم تخلو من المشاكل مثل اي زواج ولكن مشاكل كانت بسب اختلاف جذري فالطباع فانا شخصيتي تختلف عنه من ناحيه انه مهتم فالوقت وانا فوضويه وهو انسان دقيق جدا يعني ممكن كلمه فالجمله ينهي بها محادثه لشجار وكثيرا ما كنا نتشاجر بسبب شي اراة انا تافهه وهو يراة شي كبير,, الحمدلله وبفضله اصبحت افضل وطورت نفسي في كل شي الا شي واحد لم استطع السيطرة عليه وهو سؤ مزاجي وبذلك اقصد السلبيه والكابه يعني مثلا لو اليوم جميل ورائع وخالي من المشاكل ياتي شي صغير ويقلب الفرح لنكد وهو يكرة هذا الشي فيني حاولت وحاولت اشعر ان اقل عقبه تشعرني بالاحباط والحزن لم استطع ان اسيطر على هذا العيب.. تفاقمت مشاكلنا السنه الماضيه كانت بنتي عمرها 4 اشهر وكنت اذهب للجامعه للدراسه يومين فالاسبوع وكنت دائما متوترة بسبب تلبيه احتياجات المنزل والاطفال والزوج والدراسه ايضا وكنت دائم اتشكى ونادرا ماابتسم وزوجي هرب من كتله النكد اللي هي انا لاصدقائه واصبح الشخص الذي نادرا مايخرج صاحب سهر وجلسات بسببي انا :(..ووصل الامر اني اصبحت اشك فيه طبعا لاني مقصرة فحقه وهو مبتعد عني فسول لي عقلي انه اكيد مشغول بامرا ةاخرى<<غباء شديد للاسف ووصل لامر انه عزم ان يطلقني ولاكن انا وعدته ان اتغير واغير مسار دراستي للانتساب حتى اهتم بمفسي واسرتي واستقر وفعلا مسار حياتنا اصبح نوعا ما افضل,,ولكن شعرت بزوجي تغير فقد قال "جلستي سنه تنفريني منك تحتاجين سنه لاقرب منك "المهم فالفترة الاخيرة ذهبت لاهلي اسبوعين لاني قليلا مااذهب اليهم وعدت وهو يتجاهلني بمعنى ياخذ مايحتاجه مني ويعود للهرب وانا تعبت ولاحقته بالاسئله واتهمته بانه يخبيء شي عني لانه من فترة سنه ونص والجوال مااعرف رقمه السري ولا يريدني ان اطلع عليه وفي كل مكان يحمله واذا جيت جنبه يبعدة عني ويبتسم ابتسامه مغزاها استفزازي اصبحت غيورة بشكل لا يطاق كرهت نفسي كثيرا اصبح يتعمد استفزاوي بذكر الزوجه الثانيه ومدح كم هو وسيم وكم هو ملفت للنظر ويقتلني بعينه الطويله وكل ذلك وهو يبتسم وانا متاكدة انه يقصد يستفزني ولاادري الى اين يريد ان يصل بي للجنون اعتقد !!اتهمني بالمرض وواجهته قلت""ايش اخرة هذا كله" اجاب علي"انتي طلعتي من قلبي من زمان انا تعبت اقابل انسانه سلبيه ومكتئبه واقلها شي يزعلها وتقلبها نفسيه انا الان همي وناستي وفلتي وبس باقي الاشياء اسويها اداء مهمه وانا ماانكر انك تحسنتي فكل شي بس انا تعبت من نفسيتك "" وانا من يومها وانا منهارة خلاص ماعاد اقدر امسك نفسي من البكاء الدموع تنزل غصبا عني وهو يقول خليك عادي وطبيعي وكل شي بيتصلح انتي تقدرين تكسبيني ثاني لاكن ابدا مو قادرة احس قلبي يتقطع ومو عارفه كيف اتصرف ولا اكلم مين اتجهت للي عينه ماتنام رب العالمين وارتحت الحمدلله واليوم تجددت مواجعي ماابغى اعيش حياتي كذا ماابغى اكون حزينه ولا ابغى اكون كئيبه وخاصه معاة انا مع الكل دمي خفيف وفرفوشه الا مع زوجي اللي الاولى اكون معاة كذا وهو انسان قاسي مرة مااعرف كيف اتصرف شوروا علي الله يسعدكم ,,ةاسفه اذا طولت بالكلام لاكن جدا احتجت افضفض وارتاح.. |
ياحياتي انتي .. و ربي حسيت فيك
شوفي انتي معترفه بسلبياتك و عندك استعداد تصلحينها و هذا شي جميل و رائع .. طيب ليش ما تبدأي تغيري من نفسك .. شوفي وش اكثر شي زوجك ينتقده فيك و حاولي تعدليه شوفي وش الاشيا اللي كانت تعجبه فيك و عززيها ارفعي من معدل ثقتك بنفسك .. انتي سويتي شي حلو انك لجئتي لله عز و جل وهاذي اول البدايات و الباقي عليك انتي مثل ما ذكرت و بالنسبة لزوجك ... ارتااااااحي ما حيتزوج عليك .. أبوي من وانا ورعه يقول بتزوج و خطبت و شفتها ما عجبتني و..و..و و الحين عمره في الخمسينات و باقي ما تزوج يا وخيتي اللي بيتزوج .. يتزوج وهو ساكت مو ينثر خططه .. كل هالحركات يسويها يبي يستفزك اكثر و يثير غيرتك اكثر و يحرك مخزون حبك هو مبسوط ترا ... لا تظنينه متنكد بس انتي خلك مع الله و غيري شوي من طبايعك حطيه برااااااسك هالمخلوق لين تجيبينه ... و تذكري مو صعب الله يفرج همك و يفرح قلبك |
الله يفرج همك هونى على نفسك عليك بالدعاء ثم الدعاء ثم الدعاء والاستغفار وثانى شى حاوى تنشغلين بشى عنه وبنفس الوقت خلك مبسوطه ومستمتعه وبكامل اناقتك غيرى بشكلك اطلعى واسهرى وفرفشى خليه يحسك تغيرتى حتى لو تمثلين على نفسك تغيرى لنفسك اختى ولاتخافى القلوب بين يدى الله يقلبها كيف يشاء استهدى بالله
|
عزيزتي معليش يالغلا هونيها وتهون زوجك يقول هالكلام لانه تعب وطفش لكن طالما قالك تقدري تكسبيني
يعني هو يحبك ويبيك تهتمين فيه وتدارينه يالغلا لما تحسي نفسك مضغوطة نفسيا اعملي تمارين التنفس وهو التنفس البطني العميييييق تتنفسي من انفك وتجعلي الهواء يملأ بطنك وتكتمي النفس ثواني معدودة ثم تخرجيه ببطء شديد من فمك كرري هالعملية وبتحسي براحة مارسي اليوغا وعبادة التأمل والتفكر في مخلوقات الله فهي تبعث على الاسترخاء راقبي افكارك واجعليها دائما ايجابية وركزي على الامور الايجابية في حياتك وتغاضي عن السلبيات عززي ثقتك بنفسك ومارسي هواياتك للتخفيف من الضغوط العبي مع اطفالك وامرحي واملأي المنزل فرح وسعادة الزمي الاستغفار والصدقة والدعاء وبثي همك وشكواك الى الله لو شعرت برغبة في ان يواسيك احد فخصصي لك صديقة او اخت تكون كتومة جدا وحكيمة لتستمع لك ولهمومك وتفضفضي لها لان الرجل لايجيد لغة المواساة والطبطبة وانما يلجأ لوضع الحلول فقط لاغير فحين تشتكين هو يراك ( نكدية ) وانت ترغبين فيمن يواسيك ويخفف عنك بكلمة طيبة او ابتسامة ولكن طريقة تفكير الرجل تختلف عن طريقة تفكير المرأة اقرئي كتاب ( الرجال من المريخ والنساء من الزهرة ) لتعرفي اوجه الاختلاف بين طريقة تفكير الرجل وطريقة تفكير المراة وهناك مقياس لابد ان تطبقيه وهو ( بوصلة الشخصية ) لتتعرفي على نمط شخصية زوجك ومفاتيح شخصيته وطرق التعامل معه وكسب قلبه اجعلي صوت القران يصدح في منزلك وخصوصا سورة البقرة وربي يسخركم لبعض ويسعدكم يارب |
اتفقوا على انكم تبدوآ من جديد خذي اجازه منه وروحي لاهلك لو اسبوعين هيئي نفسك تسوقي و رتبي نفسك غيري اللوك
و حطي بعقلك الباطن انو انا مستحيل ازعل زوجي ابسطيه لو تتنازلي عن امور بشرط انه يرتاح و يحس انه يقود السفينه زوجك فاقد احساسه بالقياده و متنفر من البيت و مالومه كلش و لا النكد اعوذ بالله حاولي تزرعين ثقته بنفسه اللي فقدها صارت حياته بدون طعم اهتمي فيه برسايلك مو الرسايل اللي وينك تاخرت الخ لا رسايل حب صارحيه بشوفك و حبك له ذكريه بايام كان يحبها و مشاوير و سفريات لكم حفزي الجانب الايجابي خليه يفرز بعقله و يحن لك دلعيه نسيه اللي فات و اغسلي قلبه مسألة انه يقول مايحبك طبيعي هو يبي يحط حد لملاحقتك له و انتي ماتغيرتي فكان لسان حاله يقول ازبد لها وفك نفسك بس انتي انتبهي لبيتك و ترا مو معناته انه بيتزوج و بنفس الوقت اذا ماتحسنتي مو معناته انه يصبر يمكن يبان عليه الشقى و الهم وينصحونه بزواج ويتزوج فانتي خليك متفائله و ادعي الله و صفي نيتك وربي بيوفقك وزي ماقالوا الاخوات الامور هذي تمر ترا بكل بيت و طبيعي هذا فتوور و باذن الله انكم تعدون منه بسلآم |
أكيد قالها عشان تخافي وتتغيري فقط فلاتكبري الموضوع والله صار معي نفس حالتك كنت تجيني حالة إكتئاب فجأه بدون سبب وزوجي تملل مني ومن نكدي بس صرت أغصب على نفسي وكل ماشعرت بالحزن أجلس أفضفض وأتكلم بمواضيع طريفه مع أنو الهم إلي بقلبي مايعلمه إلا الله كذلك لما كانت تجيني نوبة الكآبه أقوم أشتغل وأحضر لزوجي سفره خياليه أفاجئه بها أو أغير من شكلي وطريقه لبسي وأحلى شي أني كنت ألبس ملا بس زوجي وأطلعله وأقوله طالعه حلوه علي والله كان يموت ضحك طبعا حركات هبله ومضحكه تخليه مبسوط هو والأولاد وأخفي بيها حزني الغير مبرر وماأخليه يحس بحزني أبدا والحمد لله أزمه وتزول
*وإذا اشتد الأمر وما قدرتي فزوري الطبيب وتداوي والتداوي مو عيب *الله يسعدكم ويخليكم لبعض |
اقتباس:
|
اقتباس:
|
اقتباس:
|
اقتباس:
|
| الساعة الآن 07:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©