|
قصة ( حبيبتي و طليقتي )
الســـلام عليكم ورحمة الله وبركاته قصتي تبدا من 7 سنوات بالضبــط .. واي شي حصل في القصة لا انتظر العتاب ابداً انما اريد النصح ثم النصح .. في 2007 .. بعد زواج اخي الاكبر بيومين كان في تجمع في بيتنا من اهل زوجة اخي .. وآه بتلك اللي تسحر قلبــي .. واحببتها من اول نظرة .. والى الآن انا احبها .. بعد مرور فترة من الزمن كان لدي منتدى على الشبكة وتلك البنت اصبحت احدى العضوات فالمنتدى .. وراقبت ردودها .. ومواضيعها واني ارى جوهراً آخر .. والشخص المناسب لي .. تكلمت مع الوالدة .. وهي ترفض رفض شديد دون ذكر الاسباب وتركت الموضوع معلق 3 شهور واذا بابوي ياني الغرفة يقولي ارضي امك ورضى الله من رضا الوالدين امك غضبانه عليك يا فلان قلت وش العلم يقول السالفة اللي فتحتها ولا سكرتها اما انك تقول خلاص ولا تبقى امك غضبانه عليك رحت لم امي وحبيت لها راسها وحضنتها وقلت لها وش فيها الغاليه زعلانه تقول اتق الله في نفسك يا منصور وتزوج فلانه .. اللي هي بنت عمي قلت لها ما تناسبني قالت عطني يومين .. شافت لي وحدة ثانيه .. غصه والم في قلبي ومن ترك شيئاً لله عوضه الله بخيرٍ منه وهذي كانت نظرتي للموضوع في 2009 فالصيف بالتحديد صار الزواج وتزوجت من البنت الثانيه بعد الزواج بسنتين وعدم الانجاب .. صارت تتجمع علي المشاكل من و الى .. كل شي قام يتجمع علي وراجعت اكثر من دكتور نفسي لارى مالحل .. وتقربت الى الله اكثر .. واني ارى لفي الطلاق خيراً لي .. فاتحت امي بالموضوع واخبرتها القصة كاملة .. ( لا اريد سرد القصة ) لانني لا ارضى ان اتكلم عن امرأة كانت على ذمتي بسوء او بخير .. قالت طلقها .. لما عرف ابوي بالسالفة .. حجز لي طيارة على مكة ويلسنا في مكة 20 يوم تقريباً .. من التعبد والتقرب لله .. في الطيارة والعودة للدولة .. يقول ابوي طلقها عسى الله يعوضك بخيراً منها .. بعدها باسبوع ابوي اجتمع مع الحرمة وهي تصيح وتبكي وتصارخ .. ابوي ياني قالي لا اطلقها والبنت زينه مافيها شي .. قالي بسمح لك اطلق بشرط ... تكلم مفتي المحاكم ويكلمني اتصلت على ررقم الفتاوى .. وخبرتهم بالقصد قالي بالمختصر (( عدد او بدل )) خليت التلفون سبيكر .. وقلت له عفواً ما سمعت قال عدد او بدل قلت له ماقدر اعدد لاني ما بقدر اعدل بينهم قالي بدل والله يوفقك ويستر عليك وسكرت منه ابوي مسكني على جمب وقالي طلق يا فلان بس بشرط .. طلع كل المشاريع اللي فقلبك .. وابدا حياة يديدة .. صار الطلاق في رمضان 2011 .. بعد العيد .. سمعت معشوقتي التي تمنيتها ولم استطع الوصول اليها بالخبر وهي على علم اني كنت اريد الزواج منها وتكلمت مع خواتي والكلام وصل لها وخطبوها اكثر من شخص وهي ترفض بانتظار فارس الاحلام انا .. تكلمت معاها على الايميل وقلت لها السالفة بدون الخوض فالتفاصيل وصارحتها بانني تمنيتها ومن هذا الكلام .. امي والله يحفظها ويخليها لي كلمتني من شهر تقولي يا فلان اختر اي بنت فالعالم ما عدا هذي البنت .. وانا ما فتحت الموضوع معها والغريب فالامر انه اخوي متزوج من عندهم وامي تحب زوجة اخي لكن لا اعلم مااسبب .. والمطلوب فالموضوع حل لارضاء والدتي .. ولا لن ولن ارضى بان والدتي تزعل علي او تتضايق وبنفس الوقت لن اجعل سعادتي محسومه على القبول والرفض .. اريد حلاً عاجلاً ام آجلاً .. اريد الزواج من الشخص الذي طالما تمنيتها منذ 7 سنوات .. والله لم تفارق خيالي ولا اعتقد اني ساتزوج بغيرها طال الزمان او قصر .. ولكم جزيل الشــكر ... |
ينقل للقسم الأنسب
|
الموضوع واضح اخي العزيز
وماعندك حل غير انك تقعد مع والدتك وتخليها تصرحك وتامنها الكلام مايطلع منك بس على الاقل تعطيك سبب مقنع قولها يمااا انتي جايفه شي موب زين على البنت ...؟؟؟... حاول باي طريقه تفهم سبب اصرار امك رفضها للبنت لاتنسى اخي الكريم البيوت اسراار والزوجه تفضي لزوجها اسرار بيتها واهلها ويمكن لاسمح الله امك سمعت شي موب زين عن البنت حط الف احتمال وارد يمكن اختها قالت شي او شي وعقب اختي تابت او من هالكلام اعرف امك موب رافضه من فراغ ومااتوقع امك بينها وبين البنت شي عشان تتمسك برفضها الجواب اخوي عند امك مابتحصل اي طريقه تقنعها قبل لاتعرف السبب الرئيسي اللي يخليها تتمسك برفضها ومقتنعه باللي تسويه .. والله المستعاان.. لاتتجاهل احتمالات الوارده بين الزوجيه وانا اجوف اكيد امك سمعت شي موب زين عن البنت لاسمح الله حتى لو من طريق اختها . بدون قصد وعلى النيه وتحصل اخوك قال لامك يوم يسولف عندها او يوم فتحت موضوعكم له او شي . او انها اسمعت باي طريقه ثانيه .. او يمكن يكون سبب بعيد كل البعد عن اللي طرحته والله يوفجكم |
اقتباس:
من فترة وانا اشتغلت تحري على هالموضوع راجعت كل ملفات الماضي .. بكل مافيها .. والله وصلت بي اخترقت جهازها وتابعت ايميلاتها ومحادثتها .. لارى سبب رفض امي ان كان موجوداً ... وقلت في سردي سابقاً هذي البنت جوهرة .. لم ارى مثلها في حياتي تسلم لي على المرور ومشارتكت ودمت بود اخي |
اضافة لردي السابق .. جيفارا عزيزي
اخواتي صديقات لها .. وانا عمري اصبح الآن 27 .. والمال والبنون زينة الحياة الدنيا .. ماريد اضيع وقتي في القيل والقال .. ولا اريد استعجال الامور لاخسر امي مرة ثانيه .. الموضوع بما فيه .. كل البيت واقف معاي في موقفي لما تلقيته من ظلم في زواجي الاول من خساير نفسية ومادية .. ولكن اريد طريقة لاقناعها وان كانت الاسباب ما الاسباب برأيكم .. خلونا نمشي ورى الظن شوية |
لحظه لحظه لحظه
هونك عليا هونك اشل ايدي .. السموووحه انا قلت حط احتمالات وبالنهايه.. الجواب عند والدتك .. بدون لااضيع وقتك بمحاوله اقناعها ... احصل على جواب لرفضها وبتحصل الحل .. ربي يحفظكم خالفتكم السهاله .. |
تميرض,,,
|
مالك مخرج بعد الله الا الحيل
قل لأختك بيني وبينك زميلي الأجنبي قالي عنده أخت زينة.. وما أخفيك ولمحتها واكتشفت أن البنت اللي مشغلكم فيها ماتسوى ظفر هالأجنبية وامدح.. وقل ودي تفكرين معي طريقة نمهد الموضوع لأمي وكل يوم اجدع لك بيت غزل بالأجنبيات قدام أهلك* المهم حاول تدخل الرعب بقلوبهم إن ما نجحت الخطة .. مثل ما قالت مسداني خلك مريض مرض نفسي يعني لا تطلع من غرفتك أو قل قلبي يعورني إذا شفت أحد* بحيث يحسون اهلك ان رفضهم لزواج بالبنت ضريبته كبيرة ممكن تمرض مرض عضال بعيد الشر ممكن بعد تجرب طريقة السفر.. قل لأهلك عندنا سفرة لتايلند وأقفل جوالك ورح لمكة أدع ربك وبعد أسبوعين افتحه وقلهم ضايع عمري اللي ماسافرت فيه.. أثاري العزوبية كذا خلاص اسمعوني بطلتتتتت زواج* وخلها من قلب أهم شيء اضبط الدور أختر أي طريقة مو كلهم سوا :d لكن التمثيل يكون مضبوط ونفسك طويل يعني ثلاث شهور وأكثر |
أنت ضحية مجاملة والدك ووالدتك
وستعيش طول حياتك كرة يتلاقفها الآخرون لاتتزوج حتى تكون قد الزواج يعني زوج مستقل أنت حاليا غير ناضج |
اقتباس:
انا طالب في امريكا في دراساتي العليا حالياً ودايما ابوي يقول .. تزوج لك وحدة من زميلاتك فالدراسة فحركة البنت الاجنبية ماكول خيرها التميرض .. بينفع ان شاء الله لانه المفروض انه يصير من زمان والله ولي التوفيق والله يعيننا ويصبرنا ان شاء الله .. يزاكم الله خير دمتم بود |
| الساعة الآن 10:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©