كيف اعترف لزوجي وانا كذبت عليه!!!
 

السلام عليكم ورحمه الله وبركااته


كيف حالكم جميعا

انا بإختصار شديد ركبت لولب بدون علم زوجي واحتمال خلال هالاسبوعين اسوي عمليه وخايفه يكشفني وتصير مشاكل وخايفه لاقدر الله يصير لي شي واقابل ربي وانا كاذبه ومزعله زوجي

ماني عارفه كيف اعترف وخايفه من رده لانه حالف علي مااركبه ومهددني وانا عاندت وركبته بدون رضاه والحين شايله هم يعني لحد متى راح اخبي

هو ماحس ولاشك فيني بس انا اخاف ربي يكشفني واتوهق ودي اعترف بدون مايعرف من احد غيري


ابي رايكم اعلمه ولااسكت لين ربي يفرجها

ليه ياختي تسوين كذا من غير مايدري وهو خبرك انه مايبغى..

معقوله زوجك ماحس فيك وانتي مركبة لولب..!!
عموماً هناك امور يجب مواجهتها وتحمل نتائجها دون تبرير


وهذه ضريبة العناد..
بس حاولي اقناعه بسالفة حريمية جداً يتوه في تفاصيلها
ماقدامك الا تضيعي الموضوع وتميعينه ..

لماذا تحتاجين لعملية؟و كيف سيكتشف أنك مركبة لولب؟؟؟والله يا حبيبتي الكذب ليس زين..وحبله قصير لكن ان استطعت انزعيه عند الطبيبة ...وريحي ضميرك و قفلي على الموضوع........أنا شخصيا من راي زوجك ولا اؤيد فكرة اللولب

لكن لا تفتحين الموضوع الا بمقدمة رائعة مثل انت زوجي وحبيبي و و و و وانت قلبك طيب

اذا شفتيه رايق قولي له الأسباب اللي خلتك تسوينها بدون علمه

اذا اسبابك مقنعه بيسكت ويمشيها لك اذا مو مقنعه بيحوس الدنيا بس تحملي

واوعديه انها اخر مره تخالفينه وتسوين شئ بدون علمه

هو بيزعل وبيسوي سالفة بس بيرضى آخر شئ

بالتوفيق

انا ما انصحك تقولين له ابد

روحي لدكتوره بحجه انه عندك التهاب او اي شي و خليها تشيله لك بدون ما يدري

غلط حبيبتي اللي سويتيه ودامه حالف عليك المفروض ما ركبتيه. بس استغفري ربك والله يتوب عليك

بس المهم تشيلينه قبل ما يدري وخلاص

الله يسهل امرك و يهدينا واياك

اللهم صلي وسلم على نبينا محمد وعلى اله وصحبه اجمعين

اذا مصارحتك له ..... بتجيب لك مشااااااكل

روحي عند الطبيبه بحجه الالام تحسي فيها او اي شي
وقولي لها تشيل لك اللولب .... على حد علمي انه ماياخذ ثووواني


بس لاتتعودينها مره ثانيه :)

الكذب حبله قصير انا عارفه هالشي

وبقولكم حاجه انا انسانه مااحب اكذب ويبان علي اذا كذبت الا هالمره جمدت قلبي


بقولكم عذري وشوفو مقنع ولالا

بعد ماجبت ولدي الاول اكلت الحبوب 6 شهور وكنت احس باالم فضيع ولاني عارفه ايش هذا الالم

طلع عندي التهاب بالكبد ولاتناسبني الحبوب لانها تستثير الالتهاب وجلست اتعالج ثلاث شهور ابر وحبوب وخرابيط
قال الدكتور لزوجي زوجتك نهائي ماينفع معها حبوب لان الالتهاب اللي فيها من الصغر ورحله علاجه طويله تقريبا الكبد نشاطها بطئ الحمدلله على كل حال

قال الدكتور حطي لولب لانه هو افضل وسيله رفض زوجي قال خلاص استخدمو الواقي وايضا رفض
انا سكت وجلست اتعالج بس فتره بسيطه وحملت طبعا جاني انهيار كيف احمل وانا ولدي صغير وجالسه اتعالج
حمدت ربي وصبرت بعد 4 شهور حمل جتني المراره وتبهذلت ومرضت

ولدت ولله الحمد وجبت ولدي الثاني وله الحين اربع شهور تقريبا
لما طلعت من الاربعين ناقشته وحاولت قال ابداا اللولب احس فيه وحاجه تقرفني نستخدم العدد
طبعا طريقه العدد غير مضمونه

جلست شهر بعد النفاس اقنعه وهو رافض تزاعلت معاه على موضوع ورحت ركبته وكنت بقوله انه عشانك عاندتني وكذا
طبعا راضني واستحيت اقول اني كذبت وهالحين بسوي العمليه خلال الاسابيع هذي وخاايفه يعرف من الدكتور

يعني اكيد بيقولون انتي حامل ولالا وبيسالون وهو معاي وش اقول ساعتها

واخاف اعلمه ويقول شيليه قبل العمليه وانا مابي اشيله ماابي احمل هالفتره عيالي صغار مرره

واحد اربع شهور وواحد سنه ونص وغير كذا زواج اختي بعد شهرين يعني لو ايش مابي حمل هالفتره وتعبانه مررره صحتي

من المراره نزلت 6 كيلو ابي اسوي العمليه واهتم بصحتي وبعيالي مااحسيت اني عروس

تزوجت حملت وولدت وتعبت وجلست اتعالج ورجعت حملت والحين عمليه وهو يبيني احمل يعني ماراعاني


انا بقولكم كيف ماحس فيه لاني رحت لدكتوره شاطره وقلت لها ابي لولب بس زوجي مايعرف قالت بقصرره مرررره بس انتي الضحيه اذا جيت اطلعه راح يعوررك مرره طبعا ان كيدهن لعظيم والمشتهي يقطع المستوي قلت ماعليك ركبيه اتحمل الالم لحظه ولااتبهذل


الحين انا خايفه اقول ولو اظمن انه ماراح يعرف ماقلت ابدااا انا قايله له ان هرمون الحليب مرتفع عندي عشان كذا لايمكن يصير حمل هالفتره وهو مصدقني

شاايله هم اخاف اقول ويحلف علي انزله ولافيه وسيله امنع فيها الحمل غيره واخاف مااقول ويكشفني وتصير مشاكل
لانه قال لي زمان اذا بتركبينه اجلسي في بيت اهلك

الرسول صلي الله عليه وسلم قال( تزوجو الودود الولود)

حطو نفسكم مكاني يابنات
والرجال ابي رد فعلكم لو انتم مكان زوجي

معليش زوجك شايف الالم الي تشوفيه وماعنده حل .. كيف يصير كذا ؟
انتي الان روحي لاهلك وسوي العمليه هناك وقوليله كمان باركب اللوبب لان حالتي تستدعي ومااتحمل غيرة وأول ماترجع صحتي تمام راح انزلة ونمشي على رايك ..
فماتدري يمكن هو يتعود ويناسبه او يصبر لوقت معين ..

اختي تقول قبل لاتدخلي المستشفى علميه روحي عند اهلي يوم وقولي تراني ركبته وماراح افكه الا بعد العمليه

يعني اقوله اني توني مركبته وانا اخاف اقوله كذا ويتقرف مني ومايلمسني مع العلم انه هالحين مو حاس فيه

ودي اقوله اني توني مركبته وانام معاه وبعدين اقول هاه حسيت بشي واذا قال لا بقول ترني ركبته وسامحني ومن هالحركات

المشكله اني خاايفه ومرتبكه واحس اني حطيت نفسي بموقف صعب

واليوم قال لي ان تقاريري الطبيه راحت للدكتور وراح يحدد موعد العمليه وانا خايفه يروح الوقت وانا ساكته ويعرف من الدكتور ويزعل علي


محتاره