طبعي مو حلو
 

انا بصراحه ماشاركت هنا الى لما حسيت تفاعل الاعضاء وتجاوبهم مع المشاكل

المهم ابدى موضوعي يمكن يكون موضوعي مو مهم بنضر الاخرين
بس بالنسبه لي مهم مهم جدا

انا متزوجه من كم شهر وماعندي عيالي << عمري 17
الموضوع انو انا ابي اسافر للخارج وقت الاجازه وزوجي رافض
يقول مايفهم ويخاف علي لانو بنضيع بس انا ابي اسافر
لاني بصراحه انقهر من صديقاتي الي يسافرون برا

علما باني احب زوجي وهو بعد يحبني بجنون وكل ربوع يطلعني نتمشى بمنطقه
بس
بصراحه احس اني من تزوجته وانا متعبته وجارحته
لاني انسانه انفعاليه
اذكر كلمه جرحته فيها لما قلت ابي اسافر برا قال مافي قلت>> كل واحد يروح بطريق <<

ادري غلطانه بس والله حاولت اغير طبعي بس ماقدرت احس مو بس احس الى متأكده اني جارحته كثير بكلام وتصرفاتي ماعمره رفع صوته علي وانا الي ارفع صوتي عليه وفوقه يمسكني وياخذني بحضنه واندم وابكي
بس
دايم احس من كثر جروحي له احس اني بفقده ا<<لله لايقول ويحفظه لي ياااارب >> وابكي بحرقه
بصراحه اخاف من احساسي هذا والله مهمومه ودايم هالتفكير براسي ويجي ع بالي اشياء اعوذ بالله منها

بليز شاركوني همي

بشويش يحبيبتي على زوجكزوجك طيب وحبوب الله يخليه لج
حرام عليك تطفشينه بتصرفاتك الطايشه
يمكن الرجل ماعنده فلوس يسفرك مو ضروري ترا
طالما طيب معاك ويحبك ويحترمك خلاص مو الا ✈✈
احساسك انك بتفقدينه هذا ضميرك يأنبك عاللي تسوينه فيه
يعمري قابلي طيبته بطيب واصبري عليه ولا تثقلين عليه
طيب صديقاتك اللي كل سنه يسافرون هل مرتاحين بحياتهم هل ازواجهم يحترمونهم يقدرونهم
ماتدرين البيوت اسرار
!!
حاااافظي على زوجك

لا أطــالعين بمستوى غيرك وروحاتهم وجياتهم ..

وبتسعدين في حياتك مع زوجك ..

مممممم
السنه الجايه او اللي بعدها ان شاء الله يسفرك وين ماتبغين
او ممكن تخلين اثنين من اخوانك يرافقكم بالسفره منها تتونسون ومنها ماتضيعون

يمكن مايقدر ماديا على السفر فلا تضغطين عليه زياده
ومو ضروري كل وحده نفسها بشي اخذته لا

بعدين من اكبر الاغلاط اللي ترتكبها الزوجه بحق نفسها وزوجها المقارنه مع الناس

الله يديم سعادتكم ولايفرقكم

مشكورين ماتقصرون ريحتوني

لا احنا مقتدرين ماديا
انا عندي لغه اعرف اتكلم بس مو زود
مممم بصراحه اختي نااني صدقتي هو فعلا صديقاتي الي يسافرون بيوتهم فيها مشاكل وايد

ان شاء الله احاول اعدل اسلوبي وياه والله هو مايستاهل ابد

بس انا مجنونه بشي اسمه سفر هههههه

سافروا دولة عربية
المغرب أسمع يقولوا حلوة ,
أو التحقوا بتوور أذا كان خايف تتوهوا بسبب اللغة
فالتووور يساعد
و بما أنك حاسة أن طبع الزن مو حلو , فهذه خطوة جيدة للتخفيف من ذلك

سافروا و انبسطوا (((مدامكم مقتدرين و الحمدلله و السفر لن يضغط على زوجك ماديا)))
فلا مانع , الحياة الزوجية حلوة ,,مو بس كرف و شغل
الشغل في الدوام و الأستجمام في العطلة

موفقة

أنا أنصحك تطلبين الطلاق وترفعين علية دعوة نفقة ، ومن فلوس النفقة سافري لأي دولة وغيضي صاحباتك

وخلي هالزوج الطيب والحبوب شتبين فيه مايصلحلك ، خوذيلك واحد ظالم وعصبي ويطق بس يسفر

( ترى ماعرفنالكم اللي عندها نعمة ترفسها ، واللي عندها نغمة متمسكة فيها ) سبحان خالقكم