|
زوجي والبلاك بيري ...
السلام عليكم ورحمة الله وبركاته مشكلتي مع زوجي والبلاك بيري الحمدالله حياتي مع زوجي بشكل عام حلوه وهو طيب وحنون لكن احيانا تكون تصرفاته متناقضه مثلا هو يكره البنات اللي يستعرضون تبرجهم بالاسواق وغيره وبنفس الوقت ايميله يحتوي على بنات وكان من فتره يكلم البنات جوال بس حاولت معه الى ان انحلت مشكلة الجوال باقي الايميل لكن بشكل اقل مو بتعلق مثل قبل .. ومن شهرين تقريبا اشترينا انا وهو بلاك بيري لكن يافرحه ماتمت يقبل اضافات بنات وقابل اضافات بنات وراضي بالحديث معهم والى الان يردد انا مو راعي بنات = تناقض فاتحته بالموضوع اني متضايقه من تصرفه وحاولت اعالج هالامر فيه بالبدايه عاند وقال لي بتتعودين مثل ماتعودتي على النت<<<< جواب يجلط والله ولما فاتحته مره ثانيه قال خلاص انتظري لما يخلص الاشتراك بالخدمه ويصير خير قلت له على خير وامس اقوله اذا خلص اشتراكك نبيع الجهازين انا وانت قال انا لا انا مارديت عليه قلت لازم افكر كيف ارد عليه وايش هي الردود اللي تقنعه ليه غير رايه مع انه كان شبه موافق يمكن بتقولون تصرفي بارد او مااحس لاكن بقول لكم من كثر ماافاتحه بنفس المواضيع المعاكسات بشكل عام خلاص صابني جمود لانها تصير مشكله كبيره ووجع راس ومااطلع بنتيجه فوريه دائما الا بعد فتره ومن نفسه لكن نقول الحمدالله مقتنع بس العناد يخليه ماينفذ.. واللي بيقولون البسي واكشخي وسوي وفعلي...الخ بقول لكم مومقصره من هالنواحي وبلفظ لسانه ويحلف بالله انه يحبني واني مريحته ومومقصره عليه بشي ومافيني نقص بنظره حتى لما طرح عليه سؤال هل تريد زوجتك تكون مثل امك ؟؟ جوابه كان اريدها مثل ماهي والله محتاره كيف ابتدي معه واناقشه كيف اقنعه يترك هالمصيبه هو يغلب على طبعه العناد يعني لما اطلب منه يترك هالشي يزيد تعلق فيه ملاحظه زوجي اذا بناقشه بالكتابه يكون عنده استعداد اكثر انه يتناقش معي واحيانا اطلع بنتيجه مرضيه عكس النقاش المباشر بسرعه ينفعل ويعاند الكتابه اقصد فيها المسنجر او رسائل الجوال او الواتس اب انصحوني للتصرف العقلاني المفيد جزاكم الله خير |
يكرهون البنات المتبرجات ويحبون يكلمونهم مسنجر وجوال اي تناقض هذا..!!!
ع العموم انتي بنفسك قلتي الحل اكتبي له رساله وارسليها واوصفي حبك له ومعاناتك باسلوب ماينرفزه ويكون اقرب لقلبه وانتي ادرى بزوجك.. |
معليش شين وقوي عين ، يكلم بنات ويضيفهم عيني عينك وانتي بعد تدرين يعني لاسمح الله لو انتي إلى عندك شباب وش يبي يسوي وش رده فعله ؟! بصراحه ما ادري وش اقولك ، مابى اقولك كلمي اهلك يتفاهمون معه عشان ماتخرب علاقتكم ، ولا ودي اقول سوي كذا وافعلي كذا وتكون مشكله بالنسبة لك ، حاولي تكتب له كلام يكون معسول وخبريه عن حبك له وان الشى إلى يسويه يضيق صدرك ولا يرضى الله ولارسوله يعني ومن هالكلام الله يكون بعوونك والله |
الله يهديه ويسخره لك.
|
خذي البلاك وسوي له فرمته من جديد
واذا قلك شي قولي مالي دخل بجوالك تلاقيه تفرمت لحاله وسوي كذا وشوفي كل ارقام البي بي بن تروح |
من القائمه اختاري ( خيارات ) علامتها زراديه وبعدين اختاري ( خيارات الامان ) وبعدين اعدادت عامه واضغطي على علامة البلاك بيري بيطلع لك محو بيانات الجهاز ووبس اضغطي على محو بيانات الجهاز وادخلي كلمة بلاك بيري وبس ياقلبو |
:23:وكذا حبيباته بيزعلون لانهم بيفتكروا ان زوجك حذفهم
|
زي ما قالولك الاخوان،، امسحي البيانات و حاولي تتواصلي معاه بشكل و حضور اكثر بالمسنجر حاسة بيك انا خربت جواله مرة وحدة |
جزاكم الله خير جميعا
سؤال كيف افرمته او امسح بياناته لو عليه رقم سري؟ وحتى لو فرمته ورجع اشتغل الجهاز اللي كانو معه يسوون له اعادة تعيين ويقبلهم ويرجعون انا حصل معي كذا لما تفرمت جهازي. بصراحه افكر اني اغرقه بالمويه ولو انه اذا عرف عناد بيشتري غيره رغم انه اول مااخذه قال ندم انه اخذه وانه مااعجبه |
لاتعلييييييييييييييييييييق000
|
| الساعة الآن 11:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©