|
صديقتي وولد خالتها المتزوج .
السلام عليكم ورحمة الله وبركاته عندي صديقه عزيزة علي ,صداقتنا تقريباً من 8سنوات واعتبرها أخت . المشكلة صديقتي اليوم كلمتني وهي شبه منهارة ,والسبب ولد خالتها >حسبي الله عليه . هي دايم تشكي لي من تصرفاته الغبية وقلة الأدب الي من 5سنوات هو على حركاته والمشكلة انه متزوج . هو خطب صديقتي من زمان وهي رفضته . الحين تجرأ وارسل لها على الواتساب ,وهي ماكانت تعرف انه هو على بالها انه وحدة من البنات . وتقول شوي شكيت وراحت شافت جوال امها وطلع رقم ولد خالتها . تقول خفت وكلمت خالها عن الي صار عشان مايكررها مرة ثانية ويعرف انها ماهي حقت سوالف وقلة أدب. خالها الردي للأسف صار بجانب ولد اخته ,وهي خايفة تكلم أخوانها ولاأبوها وأمها مريضه ماتقدر بعد . جالسه تقول لي أنها مقهورة تبي طريقة يبعد هالزفت عنها ,قلت طنشيه تقول ماينفع بيرجع ويتمادى أكثر من قبل مدري وش انصحها فيها.أنتم وش تنصحونها ؟! |
رد : صديقتي وولد خالتها المتزوج .
خل تسويله حظر من قائمة الواتس أب
و لا ترد على أي مسج نصي منه و تمسح أي رسالة مصيره بيمل الله يكفيها شره |
رد : صديقتي وولد خالتها المتزوج .
تغير جوالها وتسوي له حظر من القائمة.... ترى كم من بنت توقف كم من شنب له من المال والجاه وما قدر عليه الا اللي خلقه ... المهم هي لا تعطيه وجه وتنطشة
|
رد : صديقتي وولد خالتها المتزوج .
بارك الله فيكم ,الجوال مقدور عليه سوت له حظر
هي تبي تفتك من تصرفاته ,هي تزور خالتها وكثير يتعمد يدخل بوجودها من باب انه ماهو عارف انه فيه احد المشكلة ماحد حاس شايفين الوضع عادي ,هل تقطع زياراتها لهم. |
رد : صديقتي وولد خالتها المتزوج .
والله زوجي بس قرأ الموضوع عصب وقال لازم تكلم ابوها حتى لو امها مريضه او اخوانها لازم يوقفوه عند حده قالي الرجال بفهمو على الرجال وهو لو مكانه كان رح يتمادى لو ضلت ساكته لذا الافضل ان تخبر احد من العائله وبالذات ابوها او اخوانها وانا بصراحه مع كلام زوجي
الله ييسر امورها وطمنينا وش يصير |
رد : صديقتي وولد خالتها المتزوج .
هلا خيتو فوفو .
نفسك كم مرة اقولها كلمي اخوانك تقول اخواني مايفهمون علي ,وقلت امك طيب اقرب شي نفس الجواب ترد علي امي تعبانة حيرتني معها ,,حبيت اشد عليها واخليها تحس قلت لها انتي شكلك الوضع عاجبك ادري انه مو عاجبها بس ابغاها تحرك شوي وتكلم اهلها .. |
رد : صديقتي وولد خالتها المتزوج .
كيف اخوانها ما يفهمون عليها ,,
طيب , خل تكون زيارتها لخالتها مع أحد مش لحالها يفضل مع أخوها أو أمها أو أخواتها , أو يكون بتجمع حريم توصل رحمها و تضعف موقف ولد خالتها و أيضا تخفف زيارتها لخالتها و ما تزورها أبد ابد لحالها |
رد : صديقتي وولد خالتها المتزوج .
تغير رقم جوالها وتريح راسها ع الاخر
ماعتبرها مشكله |
رد : صديقتي وولد خالتها المتزوج .
السلام عليكم ورحمة الله
انا بنظرى تقول حق ابوهاا واخونهاا هذا حقير ولا يستحي عشان مايتمادي بعدين ولا تعرفون وش بيصير يمكن تجي فرصه حق الحقير ويستغلهاا وخالهاا فاشل مع مرتبت الشرف يوم بنت اخته جت تشكتي راح قلب عليهاا حتى لو البنت غلطانه اعالج الغلط بنت مسكينه ضعيفه جت تبي الفزعه راع بصف ولد اخته الانثي اذا جت تشتكي حتى لو الغلط عليهاا لازم يستدرك الموضوع . والسلام ختام |
رد : صديقتي وولد خالتها المتزوج .
السلام عليكم ورحمة الله وبركاته
اولا ماترد عليه بالواتس ااب ولو بكلمه ...حتى لو بتهزئ .زلان هذا تعزيز ايجابي له ...ويخلي عنده امال انها تقرا كلامه المعسول مالت عليه ثانيا ,,تكون قويه جدا جدا ...عند تواجدها ببيت خالتها ..مع التزام اللبس المحتشم جدا ..ولو بالغت بالحشمه يكون احسن ..من تجربه شخصيه هههههه ثالثا ...ببيت خالتها تخلي عبايتها معها ولا تفصخها لاي سبب كان ...خليهم يحسون انها متضايقه ..حتى لو سحبت خالتها عباتها ..حتى لو عايروها وش هالاتزام المفاجئ ..لو وش ماقالو ماتفصخ العباة ... لو جاء وكلمها وهي بعباتها بلحالها ماترد ولو كانت عندها امها وخالتها ماترد الا بجفاء واختصاااااااااااااااااااار شديد وبعد ضغط من امها فقط يعني يحس انه غير مرغوب فيه علناااااا يعني لما يقول :اهلين مساء الخير فلانه كيف الحال وش اخبارك وش اخبار الوالد والوالده بشريني عنك ماترد واكرر ماترد ولو ردت بعد ضغط قوي من الي حولها تقول :الحمد لله ومن غير نفس طبعا ... واكرر اني عشت هالتجربه واليوم اضحك من كل قلبي عليها يالله لك الحمد على تيسيرك |
| الساعة الآن 10:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©