|
حدود اللبس في النظرة
مساء الخير صبايا الموضوع مثل اللي بالعنوان عن لبس البنت وقت الشوفه الشرعية عندي عدة أسئلة ماهو حدود اللبس ادري بتقولون ساتر بس كيف عادي البس كم قصير او كم كت يكون نازل بشوي عن الكتف و سؤالي الثاني عن العطر هل استطيع وضع برفان ولا حرام خايفة اسويها و يكون مافيه نصيب و أخذ ذنب و ابي اعرف عن حكم الكعب و لبس الضيق انا مو حابة البس فضفاض و في نفس الوقت اريد ابين ملامح جسمي علما اني البس ضيق بس مو ضيق غير مريح لكن المعقول و المريح و اذا لبست فضفاض يكون غير لايق و يطلعني بهيئة غير جميلة |
رد : حدود اللبس في النظرة
بتكلم عن نفسي
لبست تيور تنوره طويله وبلوزتها كم قصير مرا ويبين الجسم يعني والشعر مفتوحومكياج هاااااااااااااااادي وحطيت عطر بس قبلها بنص ساعه يعني ماعتقد كان باقي يعني كانك رايحه الجامعه مايصير يشوفك وانتي مبهدله |
رد : حدود اللبس في النظرة
ألبسي شيء أكمامه طويله مثل تنوره وبلوزة طويلة بس لاتلبسين واسع خلي لباسك معتدل يعني يبين للخاطب جسمك يعني يعرف هل أنت نحيفة وإلا متينه لان النظرة لازم الرجل ينظر إلى مايدعوه إلى نكاحك يعني الشيء إلي يعجبه ويخليه يرغب بك كزوجة حتى الشعر عادي تطلعينه هذي نظرة شرعية
ومافيها بإذن الله مخالفه أو ذنب والعطر ترى مو زين يبان له أنك كابه قارورة عطر على رأسك مو عدله تعطري قبل يجي بوقت من باب التأنق والنظافة مو باب التأثير فيه وأهم شيء ابتعدي عن الملابس الشفافه وإلي تلصق بالجسم لانها غير محتشمه |
رد : حدود اللبس في النظرة
البسي ياقلبي لبس معتدل مايكون فضفاض ولا مررا ضيق خليه عادي واهم شي يبين ملامح جسمك .,~
وافردي شعرك وحطي مكياج هااادئ جداً .,~ والله يووفقك : ) |
رد : حدود اللبس في النظرة
اممممم الاخوات كفوا ووفوا
بس نصيحه لاتلبسين كم قصير حاولي يكون كم البلوزة طويل انا كم بلوزتي حيران فجبت له جكيت قصير كمه طويل ومشى الحال من دون تغير شكلي النهائي العطر عادي حطي بس من اول مو لمى تقربين دخلين مهما كان هو غريب عنك الى ان يتم العقد فلاتبدأي حياتك بذنب الشعر عادي اظهريه ولبسك لاضيق ولا واسع يعني يبين جسمك نحيف ام متين اخر نصيحه انتبهي تظهرين شيء بغير حقيقته فهذا غش وهو بعدين ان تم نصيب وماشاف اللي شافه بالنظرة يباخذ عنك فكرة مو زينه وبالتوفيق ياقمر * |
رد : حدود اللبس في النظرة
اقتباس:
أختي عصفوره جزاك الله خير نصيحه موفقه أوافقك الرأي على هذه النصيحه الطيبه وحبيت أزود حاجه مهمه ياليت البنات عند النظره الشرعيه مايحطو مكياج لأنه المقصود من النظره الشرعيه الرؤيه الحقيقيه لطرف الأخر على طبيعته وأسئل الله يوفق صاحبة الموضوع والجميع .........شااااب |
رد : حدود اللبس في النظرة
انا برايي کوني علي طبيعتک بلا مکياج، لانه يغير من الشکل و هذه ليست الطبيعة و من حق الرجل ان يري الشکل الطبيعي. الامر الاخر انه سيري زوجته بعد الزواج بشکل جميل و سيفخر بها لانها احتفظت بجمالها لزوجها فقط.
بالنسبة للملابس برايي ان تکون محتشمة فقد لا يکون الخاطب زوجا في المستقبل. |
رد : حدود اللبس في النظرة
تاكدي اولا ان العريس ليس معه احد من اقاربه حتي لو كان ابوه
|
رد : حدود اللبس في النظرة
( شرعياً ) تظهرين له ما يظهر غالبًا _ لوجه والرقبة والكفّان والرجلان _
يعني: تنورة طويلة وبلوزة طويلة بس تكون ماسكة شوي بحيث تبين تفاصيل جسمك افتحي شعرك وخليه طبيعي بدون استشوار ونصيحة: لا تحطين مكياج, وإن حطيتي فحطي شي بسيط قلوس وكحل لأنك بعد الزواج بكم سنة بتطلعين لها بهذا المنظر مو كل يوم بتتكشخين له إذا ملّكتي خلّيه يشوف ما يسرّه من المكياج والتكشّح ؛ ) , الله يوفقك |
رد : حدود اللبس في النظرة
موفقه يااعسل والاعضاء ماقصروا وخليك عفووووووووووووووووويه ...
|
| الساعة الآن 06:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©