منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)

- مساحة مفتوحة (http://www.66n.com/forums/forumdisplay.php?f=3)

- - قصة دلوع ماما (http://www.66n.com/forums/showthread.php?t=235760)

قصة دلوع ماما

بسم الله الرحمن الرحيم
السلام عليكم ورحمة الله وبركاته

بقولكم قصة دلوع ماما ( قصتي ):25:

أبوي ( الله يحفظه) زمان ..... أجبرهـــ جدي ( الله يرحمه) على الزواج من وحدهــ من العائلة غصب.
أبوي ما كان يحب هذه الحرمة ودايم مشاكل وكل يوم وهي في بيت أهلها
وجدي يتدخل ويصلحهم واليوم الثاني يتزاعلون من جديد.
وجابت الحرمة ولد (أخوي ) ..... لكن أبوي على نفس طبعه ما تغير كل يوم مشاكل .
سبحان الله ما فيه حب ولا توافق..... وبصراحة أبوي الغلطان مو قادر يتقبل البنت بحجة انه مغصوب.

******

جدي الله يرحمه أنتقل لرحمة الله ... و بعد العزاء أبوي طلق الحرمة على طوووول
ما صدق ان جدي يموت عشان يطلق .. وهاجر من القرية وترك ولدهــ ( مو صايع بس طموح :d)
طليقة أبوي جاءها الفرج ... تزوجت واحد أحسن من أبوي وربي رزقها بأولاد وبنات ( الله يبارك لهم ) بجد كانت طيبه.
واخوي كانوا يصرفون عليه أعمامي علشان أبوي هاجر ( مو صايع بس جهل :d).

********
أبوي خطب أمي ... وكان زواجهم مع زواج خالي في نفس الليلة.
بعد كم شهر حملت زوجة خالي وولدت .
وأمي ما حملت
السنة الثانية حملت زوجة خالي .
وأمي ما حملت.... ( أمي مسكينة على النية مو مهتمة ( باقي عروس:14:) ... و أبوي يضحك عليها بالكلام الحلوو )
دخلت جدتي في الموضوع ( أم أمي ) ... خافت على أمي وأخذت أمي في جولة في دول الخليج طلبا للعلاج .
( أكيد العيب من أمي لأن أبوي عندهــ ولد ). وجدتي خافت من ابوي يعرس على أمي.

*****
بعد 5 سنوات علاج تقريبا وحمل متعب وولادهــ قيصريه جاء ( المستشااااار) أنا :14::15:.
كلهم فرحانين فيني ويدلعوني
وخاصة أمي ... تعبت علشان اجي لها.
24 ساعة تاكلني وتشربني وتلعبني وتنام جنبي .
لا أحد يزعله .. لا أحد يضربه عطوهــ اللي يريدهــ .
أمي مستحيل تضربني .. وإذا عصبت علي ترجع تعتذر مني وتبكي علشانها زعلتني .
كنت دلوع ودبدوب والكل يداري خاطري:26:.

أستمرت أمي في العلاج مرهــ أخرى وبعد 4 سنوات رزقت بابنه ( بنت ) أختي.

*******
المهم حتى لما وصل سني لــ 25 عام
وأمي تأكلني بيدها ..
إذا ذبح أبوي ذبيحة .. تحتفظ بالكبد والأجزاء اللي أحبها من اللحم لي .
وتأكلني بيدها .
لا تسمح لا أحد أن يأكل قبلي ولا يأخذ حقي .
أغلاء الملابس لي
كل الالعاب الجديدهـ توفرها لي.
كل شي ... كل شي .... كل شي .

******
أبوي دايم يعايرني بولدهــ (أخوي الكبير) أخوك رجال .. وأنت دلوع يا البنت .
أمك مدلعتك .. أمك ما تعرف تربيك .
وأنا عادي ... لا مبالاة ... ويمكن تبلد ... تعودت عليه :29:.

******
أهم شي بحياتي أمي
وأهم شي في حياة أمي أنا .
لنا عالمنا الخاااااص .
*****
بالله عليكم أم بهذهـــ الحنيه وهذا الأعطاء .. إلا يحق لي أفتخر بأني دلووووع أمي.

في الختام,,,,
أتمنى ان تكونوا استمتعتوا بقصة دلوووع ماما
لكم كل الود:)

التقيم 5 ستار بليز:28:

رد : قصة دلوع ماما

الله يحفظها لك
الأهم أن ذلك لا يؤثر بشخصيتك و علاقتك بزوجتك
و أن تجعل لكل واحدة منهما عالم خاص ,,
الله يعينك على برها ,,و طلب رضاها

رد : قصة دلوع ماما

ههههه أنا عندي إحساس أنه اولادي حيكونوا هيك

رد : قصة دلوع ماما

والله تستاهل 5ستار
الله يحظك لها ويحفظها لك والله قصتك حلوه وانت محظوظ ماشاء الله تبارك الرحمان
وانا دلوعه الغاليه مثلك
واختي تغار مني
حتى وانا هنا في الغربه والله تشتريلي مثل اختي
وتوريني بالكمرا شوفي هاذي لك وتاخذ رايي اذا ماعجبتك قولي اغيرلك
والله العظيم والله ما اوفيها حقها لو اييييييييييييييييييييش ما سويت
وانشاء الله بعد رجوعي اعوضها
واحب على راسها كل ما شفتها
حبيبتي هيا اللي تضحكني وتاخذ بيدي وتشيل همي
لكن يا مستشار الله يعينك بعد الزواج
امي تقول اني تركت فراغ كبيييييييييييييييي
ماهي قادره تعبيه
وبعد زواجي سارلها اكتئاب من بعدي عنها
والتليفون ما يفيد
وشي ثاني بعد ماربي يرزقك بالولاد ان شاء الله
والله العظيم اتحس فيها وفي المها
في المرض وغيره
والله العظيم مااوفيها حقها الغاليه امي

الله يطولنا في اعمارهن
ويرزقنا برهن
ويجعل اجلي قبل اجلها
وانت بكيفك

بارك الله فيك

رد : قصة دلوع ماما

دلوع الحمد لله على النعمة التي منحك اياها..غيرك بدون أمهات و لو قاسيات..........غير اسمك من فضلك من مستشااار:30: الى دلوووووووع:15:

رد : قصة دلوع ماما

ماشاء الله تبارك الله

انا بعد دلوعة ماما ...

بس اخف منك
وبطريقه ثانيه

انا امي طوووووووووووووول الاسبوع وهي تحرصني اجيهم نهاية الاسبوع

ولما اروح ؟؟؟؟؟؟؟خذ انواع التهزئ
ولما اتضايق تتضايق هي بعد

واحاول مااكون قبالها عشان ماتحس اني اتضايق
بس حست

الله يقوينا على برهم ..

رد : قصة دلوع ماما

الله يعين زوجتك ..

لإنه النساء يهربوا من الزوج ( دلوع الماما ) :D

رد : قصة دلوع ماما

أهـآآآآآآه ..

عشـــان كــذا .. أنت دلوع مامـا .. !!!

طيب واذا قلت لك أني لقيت الدلــع من أجدادي وأمي وأبوي

بس بصراحــه .. عمري ماأفـتخرت أني دلوعـه أبــــدا ..
ولا أحــب أحد يقول عني دلوعـــه ..
مع أني بعـفـويـتي في الحياه .. دلوعــه بجد

بس ليش أفكر كــذا .. ما أدري .. ؟؟ ؟؟؟؟

صح أحب أكون محور أهمتمام الجميع بس مو بالتدليــع

يمكن لأن شخصيتي لها دور في هالشي ..

لي في الجديــه نصيب ولي في الدلـع نصيب ..

أفـضَـل أني أكون متــوازنه ولا أفضل شي يزيد على شي ..

عمــوما يالمستشــار ..

والدتك محد يقدر يلومها على تدليعها لك ..

لكن والدك له الحق أنه يشوفك مثل أخوك برجولته ..

وبصراحه أعجبني عدم تحيزك لوالدك بظلمـه لزوجته الأولى ..

لكن حبيت أنبهك على معلومه مهمـه ..

أنت دلوع ماما وأنت الآن خاطب.. .. صح ؟؟

أتمنى الشي هذا مايكون له تأثير على حياتك الزوجيــه ..

وشكرا على موضوعك الخفيف ..

رد : قصة دلوع ماما

وعليكم السلآم ورحمة الله وبركاته..

ماشاء الله الله يخلي لك أمك ويخليك لها..وبصراحه أنا أشوف (التدليل) نعمه يغبط عليها..
أحس الشخص الي حظى بشي لوقليل من التدليل تكون ثقته بنفسه عااااااااليه.. ومقبل على الحياه ومنجز فيها..

جميل التدليل أذا ماأثر سلبآ على جوانب حياتك الأخرى...

شكرآ على الموضوع الدلوع^_^

رد : قصة دلوع ماما

الله يخليها لك يارب ويثمن تعبها