طفلتي ذات الأربع سنوات تشكو من خطب عند موعد اقتراب نومها
 

السلام عليكم ورحمة الله تعالى وبركاته

الى اخواتي العزيزات امهات الأطفال انا عندي بنتي الصغيرة بعد شهر بتخلص اربع سنوات الله يحفظها
يارب وحاصل معاها شئ غريب خلال هذا الأسبو ع كامل

ملاحظة عليها تلعب مع إخوانها وتتحرك في البيت طبيعيه وماعندها شئ ولا تشكو من اي شئ

ولاكن في اليل وقت مانبغى ننام واقول لها يالله حبيبتي نوم

على طول تبكي وتصيح وراسها يسخن ويدينها ورجولها فيها بروده
وتقول عندي استفراغ وديني دورة المياه واروح معها دورة المياه واحيان تستفر غ واحيان لا اجلس اهديها واحاول اني اشغلها بأي شئ حتى تتناسى سالفة الإستفراغ هاذي

لا اخفيكم اني خايفة عليها بالمرة ونفسيتي مضطربة خايفة يكون عندها شئ نفسي او عضوي لا سمح الله
للعلم انها تتكلم وتلعب وتمرح ومافيه احد مضايقها في البيت كل اخوانها يحبونها وهي اصغر وحده فيهم

وفي بالي تسائولات كثيرة ليش ماتحس بالإستفراغ الا وقت النوم واحيان بعد الإستفراغ تنام مباشرة مايمديني اوديها سريرها الا وهيه منتهية وكمان وقت ماتجيها هاذي الحالة الاحظ عليها تمسك فيه بقوة وتبغاني انام جنبها واجلس اقرأعليها قران وادعية حتى تنام وماعاد تحس بأي احد ماتجيها كوابيس ولا احلام لو نامت خلاص تنام والحين لها اسبوع على هذا الحال وانا خايفة عليها

تكفون يابنات اللي مرت عليها حالة مثل كذا تطمني من البارح مانمت مشغوله عليها وش فيها صاير فيها كذا

والله اني حزينه عليها بالمرة ما ادري وش اسوي لها

اللي عندها حل او تجربة او اي شئ تطمني تكفون يبنات والله اني قلقانه بزياده عليها

الله يشفي بنتي ويعافيها ويحفظ لكم اطفالكم من كل شر ومكروه.

رد : اخواتي الأمهات احتاجكم هناضروري
 

رد : اخواتي الأمهات احتاجكم هناضروري
 

هلا حبيبتي ام سلطان ..
خير بإذن الله .. الله يحفظها ويعافيها ..

اتوقع ؛؛ وبما انه طبيعيه طول اليوم الا عند النوم ..
يمكن روعه وخوف من امر مستجد عليهاااجلسي معها و كلميها.
او تذكري اذا ما وقعت او طاحت في مكان ..
وكيف شهيتها للاكل ؟!

رد : اخواتي الأمهات احتاجكم هناضروري
 

خذيها لطبيبة اطفال و احكيلها الحالة و لو كان السبب نفسي خذيها لطبيبة نفسية..او عليك بالرقية الشرعية...ممكن اسالك عندك اطفال ثانيين؟؟عندها غيرة؟تعلق زايد بك؟تخاف من الظلام؟تشوف كوابيس؟؟و هي تستفرغ فعلا او عندها شعور فقط؟؟

رد : اخواتي الأمهات احتاجكم هناضروري
 

رد : اخواتي الأمهات احتاجكم هناضروري
 

الله يسلمك ويجزاك خير اختي الفاضلة ان شاء الله انا بوديها المستشفى لو زادت حالتها لأنه انا ماني شايفتها تشتكي من اي الم في جسمها سوى انها تحس بإنها تبغى تستفرغ ويلازم هاذا الإحساس خوف وهاذا الشئ اللي خلاني مشغوله عليها زيادة

بارك الله فيك وشاكرة ومقدرة مشاركتك يالغالية ولا اراك الله مكروها في من تغلين يارب.

رد : اخواتي الأمهات احتاجكم هناضروري
 

رد : اخواتي الأمهات احتاجكم هناضروري
 

حياك الله يا ام هشام والله يا اختي ما انا عارفة وش مشكلتها بالضبط هي حالتها طبيعية طول اليوم وأكلها زين ونشاطها كمان وحركتها في البيت كثير ومشكلتها هاذي ماتحس فيها الا وقت النوم تبكي فجأة وتصيح تقول امي انا بستفر غ وديني للحمام وانتي بكرامه احاول اهديها والفت نظرها لأي شئ تحبه واقول لها انتي بخير مافيك شئ حبيبتي واعطيها تشرب ماء وتتحسن حالتها وتخف بس تبقى متمسكة في يدي وتقول خليك عندي بالرغم اني انا ما افارقها انام جنبها وما اتركها حتى هي تنام طبعا بعض الأوقات تتجاوز خوفها وإحساسها بالإستفراغ وتنسى وبعض الأوقات والله ماينفع معاها شئ تبكي واوديها الحمام وتستفر غ وبعدها تبقى متمسكة فيني واشيلها على سريرها وتدس راسها بحضني واقرأعليها الرقية والأذكار وتنام بعدها وماتحس بشئ ولا تصحى عقبها الا الصباح او الظهر وتصحى طبيعيه تلعب وتاكل وتشرب وتمارس نشاطاتها مع اخوانها عادي

لاكن في اليل وتحديدا وقت ما اقول لها يالله خلينا ننام على السرير تنفجر تبكي وتقول بستفرغ وراسها يسخن وباقي جسمها بارد وانا والله اني امشي مثل المجنونه وقت ماتنتابها هاذي الحالة
احس برعشة في جسمي كامل وخوف وصداع فضيع اخاف عليها بالمرة من نسمت الهوى نفسي اللي فيها يكون فيه ولا فيها احبها بزيادة عن جميع اخوانها ومتعلقة فيها بشدة احب اولادي كلهم بس هيه اكثر شئ البارح ماقدرت اتمالك نفسي وانا اصلح عشاء لأولادي وجلست بالمطبخ ابكي عليها كل ما اتذكر شكلها وقت ماتتعب احس الدنيا كلها فوق راسي دخل عليه ابوها وشاف حالتي قال لي وش فيك تبكين احد ضايقك او قال لك شئ وانفجر فيه انت شايف بنتي تعبانه وما تدري عنها ولا تفكر فيها بنتي شكلها فيها شئ وانا خايفة عليها وانت ولا همك والبنت كانت نايمة وقتها لأنها صحيت بدري وبذلت مجهود وهيه تلعب مع اخوانها ونامت من حالها والحمدالله نامت بدون ماتتعب وابوها قال يابنت الحلال وحدي الله بنتك طيبة والله مافيها الا العافية اتركي عنك الوسوسة وارحمي نفسك ابعدي عن بالك الظنون اللي بتجيب لك المرض شوفي بنتك نايمه بسم الله عليها ومافيها شئ بس انتي مكبرة الموضوع هيه بس تلاقينها تدلع شوية وتبغى تلفت نظرك وماتبغى تنام تبغى تلعب شوفي اليوم علشان انها لعبت وتعبت نامت بدون ماتعمل حركاتها اللي تسويها كل ليلة معاك لاكن انا بصراحة نفسيتي ما ارتاحت جلست ابكي عليها ولما شافني ابوها كذا قال خلاص انا بسجل لها موعد عند شيخ راقي واوديها له انا وياك يقرأعليها وكمان اوديها لدكتور يفحصها علشان تطمني عليها زيادة والله يا ام هشام اني من امس كل ما اتذكرحالتها نفسي تنسد من كل شئ وانا اصلا تعبانه من قبل وزادت بعد مرض بنتي زيادة وحتى الأطباء قد سبق وقالوا لي ان حالتك ماراح تتحسن حتى انك تتركي الخوف والقلق اللي معاك
بس والله ماقدرت مجرد ما يتعب واحد من اطفالي انا نفسيتي تدهور وتتعب بالذات هي البنت الصغيرة ماقدرت اواسي نفسي واصبر اخاف عليهم خوف مو طبيعي لدرجة ان ابوهم يقول لي انتي شكلك بتفطسين علينا اي يوم وانتي هاذا طبعك امس جالس
يمسك بيدي ويسحبني لعند البنت وهي نايمه ويقول شوفيها البنت نايمه وطيبة ماعليها خلاف تبغيني اصحيها لك علشان ترتاحين حتى اولادي حسوا فيه وجلسوا يسألون ابوهم امي وش فيها هي تعبانه ليش شكلها كذا

قام يصرف فيهم يمين ويسار

بالنسبة لطيحاتها ووقعاتها والله انها تطيح في كل مكان مثلها مثل كل الأطفال بس ما احس انها وقعت في مكان وتأثرت كلها
دقشات بسيطه وتنساها
وكمان علاقتها بإخوانها واختها اللي اكبر منها طيبة وكلهم يحبونها

ومتعلقين فيها ومستحيل يزعلوها او يضربوها او يخوفوها دائما حاطينها في المقدمه حتى اختها اكبر منها بسنه ونص علاقتها معاها طيبة ويلعبون سوى ويجلسون سوى واي شئ يشترونه كل وحدة ماتنسى الثانية تحسب على اختها وابوها يحبها ومتعلق فيها
وكل طلباتها عنده اوامر وكل البيت يحبونها وما يرضون اي احد يزعلها ابد يعني من ناحية البيت الحمدالله عايشة في امان واستقرار وماناقصها شئ والله انها وقت ماتبكي وتصيح واوديها لدورة المياه تستفر غ اطلع القى كل اخوانها واقفين عند الباب وش فيها تبكي هي تعبانه ودوها المستشفى جيبيها نطلعها برى تشم هوى وكل واحد من إخوانها يحلل ويشخص من عنده
وبعد ماتهدى نفسيتها شوية تنام وترتاح وترجع طبيعيه في كل شئ

ما ادري وش فيها بس انا لو شفتها استمرت على هاذا الحال راح

اوديها لشيخ يرقيها وكمان افحصها عند دكتور بس الحين اريدها تخلص هاذا الأسبو ع واشوف تخف حالتها ولا باقي مثل ماهي

طبعا مع المداومة على الرقية وتحصينها والقرب منها اكثر واحاول اغير جوها اللي هي فيه واحكي لها حكايات مسلية ومضحكة هي تموت عليها وتحبها وربي يحفظها ويخليها لي يارب ويشافيها ويعافيها انه الولي القادر على ذلك .

ام هشام من كثر التعب النفسي اللي حاسة فيه جلست افضفض لك عن اللي متعبني ومضيق خاطري والحمدالله على كل شئ من قبل ومن بعد

وشاكرة لك مشاعرك الطيبة ومشاركتك لي في ما امر به انتي اخت عزيزة وغالية ولك معي وقفات الله يجزاك خير ويسعدك ويوفقك ويخلي لك زوجك واولادك ويحفظكم من كل شر ومكروه يارب .

رد : اخواتي الأمهات احتاجكم هناضروري
 

حياك الله اختي الفاضلة كنوز البحر نعم عندها اربعة اخوان ثلاثة اولاد وبنت اللي هيه اكبر من الصغيرة بالنسبة للغيرة لا ماتغار وكيف تغار وهي دائما لها الأولوية في البيت اختها على نياتها تحبها وتموت فيها وماتضايقها كما ن الكوابيس الحمدالله ماتشوف شئ ولاتحلم بشئ مخيف حتى الحكايات المخيفة ما فيه احد يحكيها في البيت ابد بالنسبة لتعلقها بي ايوه متعلقة وكثير جدا
بالنسبة للإستفراغ هو مجرد احساس ولاكن بعض الأوقات وليس دائما تستفرغ خصوصا لو جائتها الحالة وهي توها ماكله او شاربة عصير او حليب تستفرغ بس مو دائما الظلام تخاف منه لوكانت لوحدها اما اذا كان عندها احد لا ماتخاف

جزاك الله خير وبارك الله فيك اختي الغالية وشاكرة لك اهتمامك .

رد : اخواتي الأمهات احتاجكم هناضروري
 

حياك الله اختي الغالية اوناا وجزاك الله خير على اهتمامك بالنسبة لشراشف والستاير واجواء الغرفة والبيت بشكل كامل ان شاء الله اني احاول اغير اللي اقدر عليه بالنسبة لصديقاتها ماعندها صديقات الا اختها اكبر منها بسنة ونصف واخوانها ما يتطرقون لسوالف معاها كثير لاكن يلعبونها قدامي في البيت والتلفاز الحمدالله من فضل الله كل الأسرة ما نتابع لا مسلسلات ولا افلام
هي تحب قناة براعم وقناة سمسم هاذي اللي تحبها وتتابعها وكل برامجها حلوة وانا بعض الأوقات اجلس معاها واتابع اللي تشوفه كلها طيبة ومافيها شئ مخيف ومرعب كلها برامج اطفال تنمي مواهب الطفل وتعليميه وترفيهية انا وابوها احيان نتابع قنوات الأخبار وتطلع احيان مشاهد دامية للجرحى والقتلى في سوريا
بس انها هي ماتجلس معانا ترو ح تجي عند اخوانها تلعب معاهم وما اتوقع انها تركز على اللي احنا نتابعه لأنها ماتطول بجلوسها عندنا ولو جلست تقوم تلعب مع ابوها وتسولف معاه وما شفتها تنتبه على اللي نحن نتابعه فما اتوقع انها تلاحظ وتنتبه وهي اصلا اسئلتها كثيرة ماشاء الله عليها تحب تعرف كل شئ لو شافت شئ تسألني عنه دائما وكمان ذكائها ماشاء الله عليه تحفظ المعلومة وماتنساها ولو بعد حين ومستحيل تشوف شئ او تسمع شئ وما تسأل عنه وشخصيتها قوية ماتترك حقها بسهولة ولو طلبت شئ وقوبل بالرفض او المماطلة مستحيل عاد تاخذه مثلا ارسلت اختها تجيب غرض تقول انا اجيبه وسبقتها اختها تزعل وماترضى عاد تاخذه واذا ابوها جاب لها ولإخوانها شيبس او شوكلاته او اي شئ من برى وما اخذته هيه اول وحده منه ووزعت على إخوانها بيدها تزعل وماترضى تاكل من اللي يجيبه ابوها كمان اخوانها لو جابوا شئ من برى وماطلوا فيها مايعطونها من اللي جابوه وقت ماتطلبهم تزعل وماعاد ترضى تاخذه منهم حتى لو اعطوها اياه كله ترفض وتزعل ولو اصريت عليها انا تاخذه تشيله بس ماتاكله
تخليه بالثلاجة او بالمطبخ واضطر اشتري لها لأن ضميري يأنبني عليها او اشيل اللي تزعل وترفضه واغير كيسه واقول لها جبت لك واحد جديد من السوبر ماركت وترضى

هاذي نبذه من صفاتها بالنسبة للكذب لو كذبت عليها ما اتوقع انها راح تصدقني ولا انا طالعة منها بشئ لأنها ماشاء الله عليها تحس

باللي اقوله لها ولو لاحظت ان كلامي فيه إنا تقول لي انتي يا امي تمزحي عليه وتتذكر احداث كثيرة وتجلس تسولف معاي فيها وتسألني عنها وكمان مطيعة لي وتنفذ اي شئ اطلبه منها ولو تزاعلنا انا وياها تجيني تبوس راسي ويدي وتقول خلاص يا امي انا سامحتك تقصد العكس يا امي سامحيني وانا احبك واما ابغى تزعلين عليه وخلاص خلينا نسولف هي تحب الجلوس والسوالف كثير .

وشاكرة لك ياغاليتي اهتمامك ومشاركتك وربنا يحفظ لك اولادك ولا يوريك فيهم مكروه بارك الله وجزاك الله خيرا.