|
مشكلة بسيطة:مصرة اغيره..التواصل بيننا يحتضر..
السلام عليكم ورحمة الله وبركاته
يمكن ازعجتكم بموضوع تدقيق زوجي بس بصراحة ابي حل انا حاليا اخذة على نفسي عهد اني اقطع كل سبل التواصل بيننا لاني بصراحة طفششششششت اسولف عليه يقول خطأ كذا وكذا اوريه صور يقول انا ضد كذا وكذا اطبخ يقول حالي بزيادة انظف ياخذ الكاسة من الحوض وينظفها بتكشيرة<<يعني ليش مانظفتيها البس الصغار يطلع اي شي ينتقدة والله كأننا ببرنامج اين الخطأ عارفة بتقولون عادي ووش فيها والامر طبيعي بس على 9سنوات وانا تحت المجهر كرهت اسولف عليه او اعرض عليه شي او صور او ملابس كل الناس تمدح بطبخي الا هو والمضحك انه فيه طبخة سويتها وقال دسمة لاتسوينها ثانية اخذتها لاهل زوجي مرةواخذت طريقتها اخته بعد شهور سوتها قال والله طبخة فلانة لذيذة تعرفين تسوينها!! مرة ادلع بنتي قال قال لاتدلعينها كذا دلعيها كذا انا مصرررررررة اغيره واخليه منفتح ع الاخر بشكل اكبر بس ساعدوني |
رد : مشكلة بسيطة:مصرة اغيره..التواصل بيننا يحتضر..
توجهي لربك وهو يغيره لك بأفضل الطرق وأحسنها
وأنت تشتكين منه ها هنا وربما هو يشتكي منك في مكان آخر الوضوح والشفافية والتفاهم والإحترام والمودة تحل كثير من المشاكل ومشكلتنا أننا اعتدنا أن نشتكي للناس وننسى أن نبث شكوانا لمن ابتلانا وبيده رفع هذا البلاء عنا إن أحسنا التعامل معه سبحانه ووالله لو اجتمعنا كلنا على منفعة لك لم يكتبها لك الله ما نفعتك فلما تضييع الوقت يا أختاه والحل قريب وموجود هي مجرد سجدة تبثين فيها كل همومك وانتهى الأمر حفظكم الله وأزال عنكم ما يهمكم ويغمكم |
رد : مشكلة بسيطة:مصرة اغيره..التواصل بيننا يحتضر..
العقد الفريد
جزيت خيرا انا ادعي دائما والله الهادي الى سواء السبيل واعرف اني لست كااملة واقدر اسرد مايكره فيني بس هالنقطة مأثرة ع التواصل بيننا بغض النظر عن عيوابي الكثيرة وبقية عيوبه احب اضيف انه هذا اسلوبه مع الكل مو بس معي يعني يحب دائما يكون مقيّم |
رد : مشكلة بسيطة:مصرة اغيره..التواصل بيننا يحتضر..
لا والله ... ما هو طبيعي ابداً .. والله يعينك ..
هل جربتي ان تضعيه اسبوع تحت المجهر .. ثم تعطيه درس محترم وانك احببت فقط .. ان يعدل هذا السلوك الخاطئ .. او بنفس الوقت الذي ينقدك فيه .. تعطينه درس لطيف .. يشفي غليلك و يقوم سلوكه .. كحكاية الكاسه .. قولي له .. غسيل الكاسات عليك ما دمت افضل مني ! اوكي وانتي تضحكين .. حاولي عدم التطنيش .. وحاولي عدم كبت نفسك واخذها بمزح وثقه .. وتقربي له .. وحاولي ناقشيه في هالنقطه .. فالحوار المتكرر.. بكل احترام و احتواء وتفاهم .. يسهم في التعديل والتغييير .. الله يجعلك قرة عينٍ له وعقبال ما يمدحك لين تقولين بس ... موضوعك .. ذكرني لما كنا نتناقش في البوصله الشخصيه .. الله المستعان |
رد : مشكلة بسيطة:مصرة اغيره..التواصل بيننا يحتضر..
زوجك ماشي على مبدأ خالف تعرف .. يثبت وجوده من خلال انتقاده
عندي طريقة بس يمكن مؤقتة . جربي مثلا وانتي تعرضي بالصورة أو تقولي الموضوع أن تجدي شيء تنقديه انتي .. يعني اسبقيه بالنقد وبما انه غاوي مخالفة بيقول لك .. لا حلو عجبني :d |
رد : مشكلة بسيطة:مصرة اغيره..التواصل بيننا يحتضر..
اقتباس:
وهو رغم انتقاداته الدائمة مايستشير احد غيري حتى بعلاقاته مع اصدقاؤه يعني شايف اني اهلا للثقة بكل شيء طبعا بعد ماياخذ مني الراي ينتقده لااازم بوابة عبور بعدين ينفذه:( اتذكر مرة نقد فستان بنتي قلت له من اليوم ورايح فكني من الركض بالسوق واشرلها انت قال والله ماينادونها الا ام خلاقين عساي ادبر نفسي بس فكرة اني انقده بحاول على انه يتقبل وبرضو مااعرف اتصنع بحاول واشوف اقتباس:
بس احيانا لا خصوصا بامور التربية وطريقتك سويتها صار يدور خطأ أكبر من اللي اكتشفته:d ماقلت كأننا ببرنامج اين الخطأ انا خاطري يستمتع بالاشياء ويعايشها من غير تفحص زايد اليوم اوريه صورة للصغير مضحكة اهلي فطسوا عليها ضحك هو قال ماعليش لو البنت تقلدك ماأيدك بهذي<<وهي بس هذي حلفت مااوريه شي مايعرف يضحك<<تهاوش طبعا علشان تكونون بالصورة البنت مستحيل تسوي اللي بالصورة |
رد : مشكلة بسيطة:مصرة اغيره..التواصل بيننا يحتضر..
يعني شخصية انتقادية بحته وليس معك فقط بل مع كل الناس وهذا مايجب أن يخفف عنك الموضوع !! مصرّة تغيريه !!!! قد تقضي 99 سنة وأنت تحاولي تغييره ثم تكتشفي أن ذلك مستحيييييييييييييييييل .. عزيزتي نحن لانملك أن نغيير من غيرنا ولكن بإمكاننا أن نغيير من أنفسنا .. غيري طريقة تفكيرك تجاه الموضوع وانظري له نظرة شفقة بأنه شخص مسكين لايستطيع مدح أي شيئ أو أي شخص لعقدة في نفسه لاأحد يعلم سببها !! وماالنفس البشرية إلا كهف عمييييييييييييق أحيانا لايمكن سبر أغواره .. وبما أنه يلجأ لك ويأخذ برأيك حتى لو أبدى انتقاده في البداية فاجعلي ذلك عزاء لك .. خاااصة أنه من الواضح أن ثقتك بنفسك جيدة أي أن أسلوبه لم يؤثر عليكي فقط يزعجك .. إيييييييييه ماذا بيدنا أن نفعل عزيزتي ؟؟ كلنا مزعوجات من أمر ما في أزواجنا وربما أمور وبنفس الوقت مبسوطات من أمور أخرى مهيك ؟؟؟:):) هذه هي الدنيا لم تصفو لأحد .. ارضي بما قسم الله لك لتكوني أسعد الناس ( عائض القرني) وكفي عن محاولات تغييره صدقيني سترتاحي وقتها ... ربي يختار الخير لك.
|
رد : مشكلة بسيطة:مصرة اغيره..التواصل بيننا يحتضر..
اقتباس:
كلام دانه 100% |
رد : مشكلة بسيطة:مصرة اغيره..التواصل بيننا يحتضر..
نبض الدان اول شي ماشاء الله عليك عندك روح الدعابه في تعليقاتك ( برنامج اين الخطأ) :d
والله هذا حال اغلب الازواج يحب انه يكون الناصح والمرشد دائما وكل كلامه صح مع انه يرجعلك في اشيائه وتعاملاته ..... والله شوفي جربي اللي قالو عليه البنات لكن عندي جارتي نفسك زوجها يحب النقد تقول مجنني ايقول لها ليش ما تكوني مثل فلانه قالت بعدها ايقول ليشاحسك مثل افلانه لا ......... يعني خالف تعرف والعكس هو ميزته قالت عرفت عيبه وصار لما ايقول شي وهو مستحيييييييييل يعجبه شي لكن قالت اقوله والله صح معك حق وماشاء الله عليك والله اني ماكنت اعرف هالشي وووو.......... انفخيه بالعربي قالت يسكت الحمد لله الله يهنيها بس اذا فيك اعناد الله ايكون في عونك :30: لكن حاولي تغيري من نفسك اسأل الله ان يجعلكي قرة عين له ويجعله قرة عين لكي |
رد : مشكلة بسيطة:مصرة اغيره..التواصل بيننا يحتضر..
هههههههههه
ذكرتيني بأخوي كل وقته انتقادات بس عمرنا ما زعلنا من رده على الرغم من انتقاداته اللاذعة بعض الأحيان يمكن علشان طبعه هادي وأعصابه بارده جداً نتقبل نقده بروح رياضية وزوجك أظن طبعه مثل أخوي حاولي انك تتعايشين معه مثل ماهو كذا كل انسان فيه عيوب هونيها بعض عيوب أكبر من كذا بكثير ولا تخلينها تنغص عليك حياتك * |
| الساعة الآن 07:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©