|
كيف أعيد تنظيم وقتي؟
السلام عليكم ورحمة الله وبركاته
ادري لجيتكم بمشاكلي والله يعينكم علي وعلى مشاكلي :) ارجوكم .. كل انسان يمر هنا حتى لو ما راح يرد بس يدعي لي ان ربي يبارك لي في وقتي وجهدي ويعينني على شغلي بعطيك بداية بسيطه عن شخصيتي اللي تتعلق بالمشكله هذي انا كنت انسانه منظمه لأقصى درجة أمشي يومي بجداول اسويها مثلا اكتب الصبح بسوي كذا بساعتين والعصر اسوي كذا بثلاث ساعات وهذا النظام معتمدته من أيام الثانويه والحمدلله كل اموري ماشيه تمام وما احس بضيق الوقت لان كل شي مرتب ومنظم وغير كذا كنت انام بدري واصحى بدري حتى ايام الجامعه واقدر اكمل كل اشغالي حسب ترتيبي لها وابدا ما عندي مشكله لو كنت تعبانه انام ساعتين واحط لي منبه يصحيني واصحى بنفسس الوقت ما اصكه وانام بس اللي صاير معي الحين خصوصا اني بآخر ترم لي بالجامعه ابببددد صااايره كسوووله لأقصى درجة وما عدت انظم وقتي وارتب جدولي وكل وقتي صاير يضايقني ما عاد عندي وقت اكمل اي شغله في اليوم بسبب تعبي وارهااقي مثل ما ذكرت .. ايام قبل انام واحط منبه واصحى عاااادي وحتى أصحي صديقاتي واخواني لو يحتاجون الحين المنبه يظل يرن ويرن ويرن وما اصحى الا بعد ساعتين !!!! عشان كذا صرت احط لي اقل شي عشر منبهات بالجوال عشان اضمن اذا ما صحيت بالاول اصحى بالعاشره مشكلة النوم صارت عندي مشكله كبيييييييره .. صرت بسرعه احس بالارهاق وعلى طول انام لان دوامي بمنطقه بعيييده عن المنطقه اللي انا فيها عشان كذا احتاج اصحى بدري واداوم وارجع البيت كل يوم تقريبا 4 او 4 ونص عشان المواصلات لانها بعيده وارجع اكيييد بكون تعبانه وانام لي ساعتين << هذا نظامي من ايام الثانويه وبعدها اصحى اجلس مع اهلي شوي وابتدي ادرس واكمل شغلي هذا النظام عادي متعوده عليه ومو جديده علي اني ارجع البيت الساعه 4 ونص ابد متعوده عليه بس مدري وش فيني ارجع الساعه 11 يجيني نوم وماااقدر اركز في شيء ابد واصك كل شي اقول بنام ساعتين وما اصحى الا الصبح !!! حاولت انام بدري واصحى لصلاة الفجر واواصل .. ابد اقوم اصلي وارجع اقول بنام لي نص ساعه وارجع انااااام 3 ساعات زياده انا من عادتي مستحيييييييل -وتحتها مليون خط- اناااام اذا عندي شغل اسويه او امتحان ادرس له مستحييييل انام لدرجة كنت اروح الدوام موااصله وعادي اسوي هالحركه 3 مرات بالاسبوع المهم اخلص شغلي اللي لازم اسويه .. مدري ليش الحين تغيرت وليش صاير لي كذا بس من شهر مو قادره اركز بششي وبسرعه انام وانام كثييير وما اشبع نوم ولما اصحى اقول طيب شوي وببتدي دراسه او شغل .. وما ابتدي الا بعد ساعتين وأتملل وأصك بعد ساعه وانام وهيك كل يوووم المشكله انا باقي لي اخر شهر تقريبا وعندي فيه امتحانات وتسليم واجبات وبحث التخرج بحث التخرج طويل ويحتاج مني وقت كثيييييير وانا مو قاعده اعطيه وقت كافي صرت احس اني بسباق مع الزمن وانه راح يغلبي صار الوقت عدوووي اللدوووود تكفون عطوني حلول كيييف اقدر انظم وقتي واكمل شغلي ابي حل لمشكلة النوووم مابي اناااام كثيييير مو معقوله كل مره احط راسي ع المخده انام حتى لو توني صاحيه !!! وابي حل يخليني اصحى من اول ما اسمع المنبه !! ابيكم تساعدوني اجتاز هالشهر على خير وتساعدوني انظم وقتي انتظر حلولكم وربي يبارك فيكم |
رد : أنا والوقت !!
اختي ضايعة ...والله الكسل ليس مشكلتك وحدك..كلنا نعاني منه..ممكن يكون سببه نفسي بسبب الروتين و الاحساس بالملل و ممكن يكون عضوي كمرض ما...مثال فقر الدم و الدوخة....عالجي نفسك اذا كان عندك سبب.:18:.و اذا لم يكن حاولي غيري اسلوب حياتك..قولي مرحبا بالحيوية و وداعا للوسادة ....خذي دائما عصافير الصباح قدوة لك فهي تزقزق للحياة فرحا عند مطلع كل فجر.:25:........استهدي بالله و دعواتي لك..اذا كان جو الغرفة عندك مظلم فافتحي الشبابيك حتى تدخل الانوار..اشغلي نفسك بالعمل و الصديقات و العائلة.......كوني دائما:23:
|
رد : أنا والوقت !!
السلام عليكم مش معقول كدة انت فعلا يا اختى بقيتى متعبة جدا معلش علشان خاطر الوالد بس ههههههه بصى يا اختى اهم شىء علشان الكسل يزول بعون الله لا تملىء معدتك بالطعام وابتعدى قدر المستطاع عن الحلويات والنشويات واكثر من السلطة الخضراء والفواكهه وكلما شعرتى بالكسل قولى اللهم انى اعوذ بك من الهم والحزن واعوذ بك من العجر والكسل واعوذ من الجبن والبخل واعوذ بك من غلبة الدين ومن قهر الرجال والله ستشعرى بالنشاط فورا بإذن الله واعلمى يا اختى ان القلق والخوف من اهم اسباب الهروب الى النوم لكى يبتعد الانسان عن القلق والخوف الذى يمر به ومن اهم اسباب ان يقوم المرء بمتهى النشاط اتباع سنة الحبيب المصطفى عندما اخبر السيدة فاطمة لكى يعنيها الله على اعمال المنزل التى كانت ترهقها جدا قول عندما تنامى سبحان الله ثلاثة وثلاثون مرة الحمد لله ثلاثة وثلاثون مرة والله اكبر اربعة وثلاثون مرة تكملة المائة والله ستستيقظى اليوم التالى وانت بإذن الله فى منتهى النشاط حتى ولو لم تنامى الا اربعة ساعات اسأل الله ان يبارك لك فى وقتك وصحتك ويكتبك من المتفوقين انه سميع قريب مجيب الدعاء |
رد : أنا والوقت !!
الله يكتب لك الخير ويبارك لك في وقتك يارب
: ) |
رد : أنا والوقت !!
اقتباس:
بس للاسف انا ماعندي وقت لنفسي عشان اشغله بعايلتي ولا صديقاتي عشان كذا احتاج انظم وقتي عشان يكفيني اكمل شغلي وبعدين اتفرغ لنفسي ان شاء الله ربي ييسرها لي ويوفقني لاتنسيني من دعواااتك |
رد : أنا والوقت !!
اقتباس:
هههههههه والله ميييييته تعب لدرجة ما تتصورها اللهم آميييييين والله يا اخوي صرت اردد الادعيه والاذكار اللي علمتني عليهم وماشاء الله ماشاء الله حسيت فعلا بتغير في نظامي لكن للاسف ما زلت اعاني من الضغط الشدييييد والخوف وشدة التفكير دعواتك اخوي ربي يفرجها ويسهل اموري ويوفقني |
رد : أنا والوقت !!
اقتباس:
مشكوووره على دعوتك الحلوه يا عسل وربي يوفقك انتي كمان |
رد : كيف أعيد تنظيم وقتي؟
السلام عليكم ورحمة اللله وبركاته
اسمعي حبيبتي حاولي انك تنضمين وقتك بعقلك مو بالورق يعني مو لازم اوراق خلي اصرارك في تنضيم وقتك مثلا انا اليوم بسوي كذ وكذا وكذا راح تلاقي نفسك مع الاستمارار من نفسك متنضمه في كل شي اتمنى لك التوفيق في حياتك تقبلي مروري |
رد : كيف أعيد تنظيم وقتي؟
اقتباس:
جزااااااك الله خييير فكره حلوووه فعلا بجرب اسويها واخطط من نفسي بغير الاوراق وياااارب تنفع آمين ويوفقك انتي كمان |
رد : كيف أعيد تنظيم وقتي؟
و عليكم السلام و رحمة الله و بركاته
لا تقلقي اختي فترة و تمر ان شاء الله الدراسة فعلا تتعب خصوصا بالسنوات الأخيرة بالجامعة... و يمكن مثل ما قالت الاخت كنوز يمكن عندك انيميا لا قدر الله اعملي فحص انيميا انا كنت في مثل حالتك و طلع عندي انيميا لكن بعد ما تخرجت شفيت منها :) الحمد لله لكن مازلت كسولة نوعا ما...الله يعيني الله يعينك ويباركلك في وقتك... خلي شخصيتك قوية اتحدي الزمن و الكسل و الاحباط فالدراسة صعبة خصوصا لما لا تجدين من يشجعك عليها و عندي سؤال لكي وارجو ان تجيبيني بصراحة...الصراحة مهمة لاننا هنا بهذا المنتدى لسنا لنخفي عيوبنا انما لنذكرها و نحاول معالجتها هل انتي محافظة على صلاة الصبح؟ abo marym من أين تتأكد من صحة الاحاديث النبوية؟ لأني بصراحة اصبحت اخشى من تصديق كل ما يقال خشية لوجود الكثير من الاحاديث الموضوعة و الضعيفة؟ انا الجأ الى موقع الدرر السنية و اتبع غالبا حكم الشيخ الالباني لاني ما عندي علم كيف احكم على صحة الاحاديث للأسف:21: |
| الساعة الآن 03:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©