|
هل معاي حق أني افكر في الانفصال بسبب برودها معي ؟!
السلام عليكم .... ياخوات ويااخوان انا مملك لي ثلاث شهور ومن يوم ملكت وانا تعبان مع زوجتي عندها برود ولاعمري سمعت منها كلمة حلوة حبيبي عمري ولاتسئل عني لازم انا اللي اسئل عندها برود وغير مهتمة وصراحة طفشتني اسمع انا انه فترة الملكة تكون حلوة ولكن العكس حاصل معاي وانا افكر ابطل منها وش رايكم ياجماعة ؟
|
رد : افيدوني هل معاي حق في اللي افكر فيه !
اول شي استخيييييييييير ثاني شي معليش صارحتها ولا كاتم بقلبك !! تعرف حنا تربينا عالحياء والكل من اول يوم ملكة ينصحنا نصايح مدري وش تبي !! والله انه حتى بعد الزواج يقولون لي لا تعطينه وجه حطميه وقدامهم اقول ايه ووراهم من ادخل باب البيت اطنش كل كلمة واسوي الشي اللي انا مرتاحة له !! ترى على فكرة النصايح كانت مستمرة لمدة اربع سنوات وطفلتين فآخر شي طفشت واعلنت التمرد عالمجتمممممممممع هههههههههههههههههه انت استخر وبعديييين صارحها وبعدين يصير لها الف حلال
|
رد : افيدوني هل معاي حق في اللي افكر فيه !
وعلى فكرة كلمة حبيبي صعبة تجي بدررررررررري يبي لها تمارين كثيرة ويمكن تستمر لمدة سنة بعد الزواج خخخخخخخخخ والله اني اتحمس بس يوم اكلم زوجي مافي الا كلمة وحدة على لساني ايوة ايوة ايوة ايوة ايوة ههههههههه من الحياء كل شي يطير وهدا وانا أجرأ وحدة من بنات عايلتنا بس وقت الجد طلعت العلووووم الله يوفقك ويتمم لك
|
رد : افيدوني هل معاي حق في اللي افكر فيه !
لا مو معاك حق باللي تفكر فيه
وبصراحه احنا يالبنات المقبلات طفشنا من هالسيمفونية خطيبتي بارده الله يصلحكم معشر الشباب لو جاتكم تهذر بكلام الحب قلتوا جريئه ولو جات تستحي قلتوا باردة اخي الكريم طبيعة البنت يكسوها الحياء والخجل انصحك ان تقدر اللي هي فيه حتى يزيد حبها لك بقلبها وتعرف انك واحد تقدر الحياة الزوجية وتقدرها خذ لك لفة بهالمنتدى وشوف كم موضوع انفتح بخصوص هالأمر وشوف البعض طلق والسبب التفكير هذا وندم والبعض تحمل وقدر زوجته وشاف منها بعدين احلى حياة معليش ان كنت خرجت عن اسلوبي المعتاد بالرد لاني بصراحه انا طفشت من هالكلام انا مقبلة على زواج ومن الان وانا رايحه علومي مع اني اصنف بين بنات جنسي بالجريئة لكن عند رجل غريب انتهي واروح في خرايطها الله يصلحكم |
رد : افيدوني هل معاي حق في اللي افكر فيه !
اقتباس:
أوفقك الرأي أختي &عصفوره & أخي الحياء مانزع من شيء إلا شانه وماوجد في شيء إلا زانه والعكس صحيح أسئل الله لك التوفيق التئني التئني وأكل العنب حبه حبه موفق يارب....شااااب |
رد : افيدوني هل معاي حق في اللي افكر فيه !
اختر الوقت المناسب وكلمها وبعد كم كلمه حلوه فاتحها بالموضوع وقولها انك تحب تسمع منها هالكلام
مافيه مثل المصارحه بين الزوجين اول شئ تقربهم من بعض وثاني شئ تخلي الطرف الثاني ينتبه ان هالتصرف يضايق شريكه بينما هو ماكان منتبه لهذا الشئ |
رد : افيدوني هل معاي حق في اللي افكر فيه !
هلا فيك ,, الله يكتب لك اللي فيه الخير ,,
اخوي طول بالك وممكن خطيبتك شوي محرجه وفيها حيا ,, والحيا صفه جميله بالنت ,, لا تستعجل وانت بأسلوبك قول لها حياتي حنا لبعض والكلام الحلو بس لك ومنك لي ,, صدقني راح تلين ,, دام انك خطبتها من بين البنات تذكر انها موافق عليك من بين الرجال كلهم ,, لا تدمر حياتك بسبب كلمه او شي ,, كل شي بوقته حلو ,, تحياتي لك |
رد : افيدوني هل معاي حق في اللي افكر فيه !
وعليكم السلام ورحمة الله وبركاته
وانت ليه مستعجل وتبي الكلام الحلو من الحين ؟ بالعكس شي جميل ان البنت تكون خجوله وهذا يدل على التربيه الصالحه بإذن الله اسمح لي اقولك هذا سبب سخيف جداً انك تترك البنت عشانه واذا كان ولابد تبي منها كلام حلو وقت الملكه عندك عدة حلول اطلب منها باسلوب غير مباشر عودها على الكلام الرومنسي بين لها انك تحب تسمع منها هالكلام لكن لاتعتقد ان الحياة الزوجيه فقط رومنسيه وكلام حلو ترا هذي الأمور ليست من مقاصد الزواج الرئيسيه فيه اشياء اهم من هذي وراح تكتشفها مع المعاشره والله يوفقك ان شاء الله |
رد : هل معاي حق أني افكر في الانفصال بسبب برودها معي ؟!
كل الموضوع ان البنت خجوله
كمان استناها تحبك يمكن لسه مامال قلبها لك انتظر وقت |
رد : هل معاي حق أني افكر في الانفصال بسبب برودها معي ؟!
اخوي البنت خجوله ولسه ماتعودت عليك
انا كلمها صارحها اطلب منها تصحيك الدوام شوشوي قولها عندي موعد حبيبتي ذكريني انو اليوم عندي موعد الساعه كذل حاول تخليها تتعود ع انها تتصل عليك صدقني شوي شوي ويطلع الحكي والله يسخركم حق بعض يارب |
| الساعة الآن 11:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©