|
في احد حاس فيني
السلام عليكم ورحمة الله وبركاته
دائما اللجأ لهالمكان الاني واثقة ان في احد بيخفف عني الهم اللي على قلبي .. في احد بيسمعني ؟؟ ... |
رد : في احد حاس فيني
هلا اختي حيااااااك وبياااك المكان مكانك
افااااا عليك كلنا لك ياوخيتي وكلنا اذان صاااغية تفضلي وقولي اللي عندك وبقي البحصه اللي بتمك:d هاه سمعينا تراااانا منتظرينك |
رد : في احد حاس فيني
بكل حب في الله
بنسمعك ونقرالك .. تفضلي |
رد : في احد حاس فيني
حياك الله
قلوبنا معك واذانا تسمعك يامرحبا |
رد : في احد حاس فيني
جزاكم الله الجنة ...
ماادري وش اقول .. لكن اعذروني على التعبير بقول كل اللي في قلبي يضايقني تصرفات اهلي جدا ولا استطيع ان اجد حل تعبت ماادري هل لاني اول بنت تتزوج .. ولا وش المشكلة الحمدلله اني انسانة واعية وفاهمة ولا كان عيشت زوجي بنكد وعذاب من اللي اسمعه انا طرحت مشكلتي اللي اعدمت نفسيتي قبل اتوقع البعض يعرفها لكن انا الان اتخذت الصبر الصبر وهذي المشكلة لسا مانتهى موضوعها لكن خف شوي .. الشي الثاني تصرف امي بجد عذبني ومااقدر اقول شي امي وش اقولها لواحد ثاني كان تصرفت اي تصرف اماادري هل انا حساسة بزيادة ولاكيف من يوم تزوجت واهلي كذا ارهقوني نفسيا ماادري ليه وش السبب .. امي تقول اني بارده اللي فهمته منها انها تبين ارهق زوجي بالطلبات .. لكن انا عندي قناعات ومااحب اسوي شي الا وانا راضية عنه انا تزوجت لاجل اكون زوجه بمعنى الكلمه ابي اكون زوجه صالحة ترضي زوجها لكن عندها اللي تطيع زوجها وماتعصيه هذي ضعيفة شخصيه وزوجها مسيطر عليها .. وش هالكلام؟ امي تهتم لكلام الناس كثير .. هي تعرف تقرا و تكتب وابوي امي لايعرف القراءة والكتابة احيانا يفرض قرارات صعب تنفيذها ... الله يهديه ويخليه لنا بجد تعبت ابوي مايتفاهم ابدا لدرجة ان عمري ماناقشته في اي موضوع اخاف من ردة فعله حتى موضوعي السابق فكرت اكلمه بس خفت .. وخليت زوجي يكلمه وياليتني ماخليته امي دائما تقولي ليه زوجك مايزورنا وش هذا مايجي يسلم على خاله ولايدور.. زوجي زياراته قليلة كلمته في هذا الشي قالي مااحب اكثر زيارات وهذا طبعي اخر مره جا عند اهلي وقالي ماابغى لاشاهي ولا قهوه بس بشرب مويه وبسلم واطلع امي سوت سالفة وش هذا حتى الشاهي والقهوة مايبغى .. والله ماعرفت لامي كلامها مثل السكاكين في قلبي ... وانا ماارضى على زوجي ابدا .. ماارضى تنقال عنه كلمه وحده لاني اشوفه ونعم الزوج هذي مجرد فضفضة من القلب دعواتكم .. احبكم في الله |
رد : في احد حاس فيني
يعني أنت وزوجك لما تزورين أهلك ماتتضيفون عندهم بس تشربون مويه وتطلعون...؟!!
مدري بس أمك معها حق تتضايق لأن زوجك يرفض قهوتها كأن فيها بلاء ومايرد الكريم إلا لئيم فحاولي بزوجك يجامل أمك شوي ويزورهم بين فترة وفترة ويقبل ضيافتهم أقل شيء تقدير لكبر سنهم وأحتراماً لك كزوجة |
رد : في احد حاس فيني
وش فيها اذا شرب شاي والقهوة بيحطون فيها شي مثلا
وهو جاي عند اهلك مو ناس اغراب الا اذا شايف شي من اهلك جاي يبل ريقه |
رد : في احد حاس فيني
لا طبعا .. ان عايشة عند اهلي
وزوجي يجي ياخذني في الاجازات لكن هو لما يجي ياخذني احيانا يدخل واحيانا لا اوقات يجلس ويطول مع ابوي واحيانا لا بس يسلم ويطلع |
رد : في احد حاس فيني
وليش عايشه عند أهلك زوجك يدرس بعيد ...وإلا شغله بعيد؟
إذا شغله بمكان ثاني يا أختي روحي مع زوجك وبعدين مو حلوة منه أبداً يجي يأخذك ومايدخل يسلم على أمك وأبوك هالكبار لهم قدرهم وربي عيب عليه وترى يحق لهم يزعلون منه يعني أهلك مراعين ظروفه ومخلينك عندهم بدون بيت ويصرفون عليك كأنك للحين ماتزوجتي وبدل مايقدر هالشيء لهم يستكثر عليهم شوية تقدير وأحترام...؟!! وسؤال أخير: هل زوجك يعطيك مصروف شهري وأنتِ عند أهلك وإلا معتمد على أهلك..؟!! |
رد : في احد حاس فيني
ياعالم وش فيكم انتم تقول الرجال يدخل احيانا بس ضربت مثال جا مرة مستعجل وامها سوت سالفه
اختي الحبيبه حاسة بكل كلمة كتبتيها للاسف امي كانت كذا مع اختي الكبيرة دائما تسب زوجها قدامنا وينتقدونه على الصغيرة والكبيرة بس اختي ماشاء الله على الرغم من صغر سنها في ذالك الوقت كانت صبورة ومكافحة والله يااختي وبدون مبالغه اتذكر لما يجي ينام عندنا كانت تدخل واطفي عليه المكيف وتصحيه بطريقه فيها استفزاز واحتقار وكانت دائما تحرض اختي علي الطلاق ...... لم ينتهي المسلسل تزوجت اختي الثانيه نفس الحكاية بدأت الانتقاد والتحريض لكن هالمرة للاسف اختي كان عقلها مو راحج مثل اختي الكبيرة ارخت اذنها لنصائح امي خليك قويه اطلبي حطي افعلي والنهاية ماذا الطلااااااااااااااااااااااق تطلقت اختي الثانيه وطاحت على كبد امي وصحت امي من غفلتهاا الان ولكن بعد ايش والحمدلله تزوجت انا بعد ماصحت امي وعرفت قيمة زوج البنت هالحين تركض لا زواج بناتها وحاطتهم على راسهاااااا اختي نعم ارضي امك وتووددي لها بكل شي الا في زوجك لاصرتي مطلقه بكرة مااحد راح ينفعك |
| الساعة الآن 09:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©