منتدى عالم الأسرة والمجتمع - تعبت من التفكير ساعدوووني

انا مشكلتي إنو كنت بزمناتي على علاقة مع شب عن طريق الانترنت وهو من بلد قريبة لبلدي يعني مثل سوريا و لبنان هو حبني كتير بس أنا لأ و علاقتنا تخللها فترات كذبت فيها عليه و قلتلو انو بحبه بس الحقيقة لأ كنت عم قلد رفقاتي اللي عَنْدن اصحاب و تركتو بعد التزامي لعدة اسباب اولها التزامي بديني و خوفي من الله سبحانه ..و غيرها إنو بعد تفكير عميق اكتشفت إنو ما بحبو و حتى لو شو ما صار ما بقدر اتزوجوا لانو شب ضعيف و محبط فاقد للأمل و تافه بس لساتني عم فكر فيه شو صار فيه هلأ و عم فكر ساعدو و ما بعرف ليــــه يمكن لأني بشفق عليه .. بوضوح أكثر أنا بحبو كأخ و صديق يعني مو كحبيب لأنو بشفق عليه .. أنا العلاقة قطعتها تماما بس ما عم بفهم ليش بضلني طل على صفحتو بالفيسبوك و شوف شو اخباره و بحاول ساعدو و اشفق عليه ... ما عم افهم حااااالي ؟؟؟
بدي انسى تماااااااااااااااما هالماضي معو حتى الاغاني اللي بزمناتنا هداني ياها كل ما بسمعها في أي محل بتذكرو دغري و بيجي على بالي مع إني ما بسمع أغاني أبدا الحمد لله .. حتى لما حدَنْ يذكر اسم بلده دغري بيجي على بالي هو و بصير فكر شو صارله فبرجع ابحث عليه بالفيسبوك و شوف اخباره و شيلو من لائحة اصدقائي و بعدين برجع بحطو وهيك في دوااامة و مؤخرا سكرت الفيسبوك تمااااااااااااما بس بستعمل فيسبوك رفيقتي و بطل عليه للأسف مع انو ما بحكي معو ولا كلمة خوفا من الله و طاعة له ؟؟؟؟؟؟؟؟
ما بعرف إذا أنا بحبو و عم كذب على حالي مع انو و الله لو اجى خطبني ما بتزوجوا لانو ما بيعجبني لا شكلا و لا شخصية و لا دينا و بشفق عليه بس !! و مع هيك ما بتخيل حياتي من دونو يعني على طول حاضر بتفكيري حتى بأحلام مستقبلي
بتمنى ساعدو و طلعو من الاحباط و اليأس اللي هو فيه بس بعرف حرااام اتواصل معو لأنو شب .. و غير هيك حتى لما بتخيل مستقبلي مع غيره بتخيل انو ارجع شوفو أو ساعدو ا ... و كمان ندمانة على كلام الحب اللي قلتلو اياه زمان بحس حالي خاينة لزوجي مستقبلا ...