|
ضعيف الشخصيه
السلام عليكم ورحمة الله وبركاته
عرسي بعد شهر يعني بعد شهر بكون عند زوجي لكن المشكله اكتشفت ان خطيبي ضعيف شخصيه يعني اي شي يصير بيني وبينه القى الخبر واصل عند اخر واحد بالعائله طبعا هو من النوع اللي مايخبي سر عن اي احد لدرجة اني فضفضت له همي ومشكله صارت معي تفاجأت ان العائله من كبيرهم لصغيرهم داريين عن المشكله سكتت ماقلت شي قلت بكره بعد العرس بعلمه يحفظ اسرارنا اخترنا مكان نقضيه شهر العسل بعض الناس غيرو رايه وبطلنا شهر العسل من اساسه لان بيكلف عليه مصاريف مع العلم ان وضعه المادي عال العال اخترت انا واياه الشقه تفاجأت انه بين يوم وليله غيرها مع العلم انه كان رافض هالشقه لكن فيه من غير رايه وخلاه ياخذ الشقه اللي انا رافضتها مجرررد عناد فيني اخترنا اثاث الشقه وكل شي اتفقنا عليه لكن بين لحظه والثانيه تغيير ليش لأن فلان مو عاجبه الاثاث طيب انا العروس انا اللي بعيش فيها مافي رد غير كلمة هذا اللي عندي الاثاث تغير وخلاص يعني انصدمت بحاجات كثيره قبل العرس احس نفسي كارهته لان جد والله الشي اللي انا واياه اتفق عليه يتغير بنفس اليوم صرت ما احب اتكلم معاه ولا احب اسولف معاه الشقه كارهتها الاثاث كارهته حياتي الجديده كارهتها صراحه انا احبه وهو بعد طيب ووحبوب ومحترم لكن اي شي نكون متفقين عليه اللي حولنا يتدخلون فينا ؟؟تعبت حالتي النفسيه تعبانه توني اكتشف انه ضعيف شخصية المشكله انه لما يغير اي شي متفقين عليه مايقولي ولايفكر يعطيني خبر حتى اتفهم موقفه على طول يقفل الموضوع ابي رايكم انا مبالغه بعض الشي اوهالامور تافهه ومراح تاثر علي بعد العرس |
رد : ضعيف الشخصيه
الله يعينك بس انا اشوف ان زوجك ماهو ضعيف شخصيا ولاكنه يبي يفرض كلامه عليك من البدايه
وبالعكس صاير قوي شخصيه عليك انت بالذات انا اشوف الرجال نوعين بعضهم يكون في البيت زي هادي وحبوب واذا طلع برا في العمل او مع اصحابه نحصله قوي شخصيه وفيه العكس تحصله شخص بارد وضعيف قدام الناس وفي البيت ماتقدر تعاشره اتمنى انك تكسبين زوجك بالهداوه واسمعي كلامه وبعد ماتعرفين شخصيته راح تقدرين تمشين امورك معاه موفقه |
رد : ضعيف الشخصيه
اختي الغاليه هذا ما يسمى ضعف شخصيه ...
هذا يسمى عدم ثقه بالنفس .... وابصراحه الله يهدي زوجك وش ذا كل اسراركم عند الناس كلهم!!!!! انتي بصفتك كــ/زوجه بإمكانك تغيرينه لللإحسن ان شالله كوني صبوره اختي تكلمي مع زوجك وتاهمي معاه بكل هدو وسكينه وعلميه انه انا الي بعيش معك مو صحابك وعلميه انه هذي اسرار بيووت غلط انها تطلع لحد حتى لو مين.... وعادي اختي الدنيا سهالا |
رد : ضعيف الشخصيه
لو هو ضعيف شخصية كان قدرتي عليه
بالعكس هو مو ضعيف شخصية والدليل أنه ممشي كلامه عليك ,ضعيف الشخصية يسمع من هذا وهذا ويطيع زوجته ويطيع من له تأثير عليه يعني لعبة باليدين زوجك مشكلته من الصنف إلي مايأخذ برأي الزوجة ويأخذ بأراء الآخرين من أصحاب وأغراب وأهل وهذا شائع ياعزيزتي وكثير زوجات يشتكون من هالأمر تلاقيها تشور عليه بأمر ما ويرفض شورتها بس لو صاحبه قال له نفس الرأي نفذها فوراً بدون نقاش وهذا يتغير إن شاء الله مع العشرة والحياة الزوجية ولما تكسبي ثقته ومعزته وتصيري غالية عنده وأنتِ وشطارتك في تغييره ومدام فيه صفات حلوة وبس هذا عيبه لاتهتمي وتشيلي هم وتتضايق .. وحكاية الأسرار ترى الزوج زي الطفل الكبير لما تعوديه أنه مايتكلم عن شيء يخصكم راح يتعود بعد الزواج وخاصة لو قلتِ له عن قصص عن العين وعن أنه لازم قضاء الحوائج بالكتمان وتعالي له بالتدريج والحكمة والتروي والكلام الحلو والله يوفقك |
رد : ضعيف الشخصيه
اقتباس:
اشكرك جزيل الشكر على الرد راح اكون هاديه وراح اسمع كلامه والله يوفقنا بحياتنا |
رد : ضعيف الشخصيه
اقتباس:
راح اتبع نصايحك ياخوي الف شكر لك |
رد : ضعيف الشخصيه
اقتباس:
الف شكر لنصيحتك راح اتبعاها |
رد : ضعيف الشخصيه
لازم تكلمينه بالخصوص هذا
بأنك ما تحبين اموركم تطلع برا وانه لا يغير أي اتفاق بينكم بدون علمك لازم تعلمينه الحين مو بعد الزواج والله يسخركم لبعض ويتمم لكم على خير وتقبلي مودتي واحترامي |
رد : ضعيف الشخصيه
ليس ضعيف شخصيه لانه سمع كلام طرف اخر لو كان ضعيف كان سمع كلامك المشكله باسلوبك ماقدر ياثر عليه لان فيه اشخاص اثرت عليه عرفت باسلوبه كيف تاثر بالنسبه لنقل الاخبار يعتمد على الشخص فيه اشخاص متعودين ينقلون الكلام الحل انك ماتعطينه الفتره هذي اسرار ومع الوقت راح تعرفي الاسلوب الي ياثر عليه بعد الزواج يكون جلسات مصارحه توضحين له ان الاسرار ماتطلع لانه الفتره هذي مقبل على حياه جديده ويكون مظطرب يسمع لنصايح الي حوله لانهم يعرفهم قبل ومايتقبل منك لانك جديده بحياته حتى اول الزواج تكون الحياه غير مستقره حتاج اقل شي سنه حتى يفهم كل طرف الاخر (انتبهي تفرضين رايك بقوه لانه راح يحس بالضعف وتقيليل من رجولته فيلجا لغيرك بالاستشاره) بالتوفيق لك |
رد : ضعيف الشخصيه
اقتباس:
شكرا لك |
| الساعة الآن 01:25 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©