تعرفون الحسرة والندم كلها فيني الحين وشكلي بتهور واخسر زوجتي !
 

السلام عليكم .... كيف حال الأخوان والاخوات ان شاء الله طيبين .... انا باقي لزواجي شهر ونص تقريبا وزوجتي من بداية الملكة لاحظت تصرفات غريبة عليها عدم مبالاة عدم اهتمام يعني ولاكأنه موجود رجل بحياتها كأنها عزابية وصبرت وصبرت وصبرت صبر أيوب المهم اخر شئ حصل سوء فهم وارسلت قالت انه مانناسب بعض وانها ماهي مرتاحة معاي ولاتحبني وماتبي تظلمني معاها وتقول هالكلام الحين احسن من بعدين المهم انا حاولت وحاولت وحاولت اثنيها عن قراراها وفي الاخير استسلمت وخلاص بدأت الغي حجوزات الزواج وبعدين اتصلت علي امها تقول والله ماتقصد وهي زعلت بس وانتا رجال محترم وشارينك ومن هالكلام الحلو وقالت حاول تراضيها مع اني ماغلطت في شئ بس عشان امها وافقت وراضيتها ورضيت واعترفت انه الكلام كان وقت زعل وقالت اني مااتعوض لكن انا حاس كرامتي انداست في الارض لكن اكراما لأمها كلمتها والحين مادري احس في قلبي شئ عليها مستحيل انسى كلامها اللي قالته وكل مااتصل الحين اقعد انتظر بالساعات الطويلة لين ترد والله طفشت نفسي كان في وحدة تنسيني همومي وتشاركني حياتي بحلوها ومرها وماني لاقي في زوجتي الشئئ هذا هل انفصل عنها من الحين وادور لي على وحدة ترضيني وتناسبني مع انو الكل يقول انها تحبني مررررررررة لكن مشكلتها ماتبين هالحب وانا عاطفي جدا ابغا وحدة تشبع هذا الشئ فيني فالحين شوروا علي وش اسوي هل انفصل والا اصبر ؟؟

رد : تعرفون الحسرة والندم كلها فيني الحين وشكلي بتهور واخسر زوجتي !
 

يعني الزبدة اخاف اتهور واجيب العيد معاها وننفصل لاني ماقدر اتحمل طفشت وربي طفشت واحس لو انفصلت مو سبب مقنع يعني فابغا شوركم الله يخليكم .

رد : تعرفون الحسرة والندم كلها فيني الحين وشكلي بتهور واخسر زوجتي !
 

لاااصبر رح عندها يوم وخذ معاك ايس كريم باسكن كبير وخذ لك ملعقتين واجلس انت وياه واقلبوها مصارحات وقلها عن الكلام هذا كله وانك انجرحت منها وتغيرت نضرتك لها وان بقلبك شي عليها وشف اذا صارت تهتم لك زياده وترد على اتصالاتك ولااماانصحك تكمل

رد : تعرفون الحسرة والندم كلها فيني الحين وشكلي بتهور واخسر زوجتي !
 

أغلب البناااااااااااااااااااااااااااااااات صاروا مثل خطيبتك ...

أش الساااااااااالفه ..

لازم نفتح موضوع خاص بالمنتدى باسم ( نفور الزوجات "الخطيبات" )...

يا عالم اللي يصير لي ولصاحب المشكلة ولبعض الأعضاء ما أدري هل هي طبيعية أم لآ ...؟؟؟!!!!!!!!!!!!!!!!!!!!

رد : تعرفون الحسرة والندم كلها فيني الحين وشكلي بتهور واخسر زوجتي !
 

يعني كلنا في الهوا سوا ههههههههههههههههههههه ولله مادري اش الصح نفسي الله يعطيني إشارة او شئ يخليني استمر او انفصل .

رد : تعرفون الحسرة والندم كلها فيني الحين وشكلي بتهور واخسر زوجتي !
 

طنشها يا رجال واضغط على نفسك المشكلة أهلها شاريني وحتى البنت تقول ما أقدر استغني عنك بس بالواقع غييييييير ..

وأنا أحيانا أفكر بالانفصال وأحيانا أتعوذ من أبليس ..

رد : تعرفون الحسرة والندم كلها فيني الحين وشكلي بتهور واخسر زوجتي !
 

رد : تعرفون الحسرة والندم كلها فيني الحين وشكلي بتهور واخسر زوجتي !
 

رد : تعرفون الحسرة والندم كلها فيني الحين وشكلي بتهور واخسر زوجتي !
 

ممكن توضح أكثر ...

رد : تعرفون الحسرة والندم كلها فيني الحين وشكلي بتهور واخسر زوجتي !
 

وش محتوى كلامكم ؟
هل يصير بينكم سوالف عادية كنكم اصدقاء ؟
ولا غزل وسوالف المخطوبين ؟