|
والدتي تتكلم علينا امام الناس ولاتدافع عننا حتى لو كان الحق معنا
السلام عليكم ورحمه الله وبركاته
مشكلتي لها سنين طويله ولا لقيت لها حل الا السكوت .. لدرجه ان السكوت الان مايسوي شيء الا يزيد الطين بله الي هي امي مهما اقول او اسويه لها ما ينفع تبقى امي ولا اقدر اقول لها شيء الا اتحمل عمري الان 28 سنه متزوجه وعندي خوات صغار والحين صار دورهم معي يواجهون نفس المشكله الي هي ( تتكلم علينا قدام الناس توقف مع الناس حتى لو غلطانين تقول انتم الي خطا ) لدرجه انو تقلب بدون سبب ولو نقول احنا بناتك مايجوز توقفين مع الناس علينا تبكي وتقول انتم تكرهوني انتم وانتم ويشهد الله مافي وحده منا ترضى عليها بكلمه وحده واكثر من مره صارت هوشات مع ناس على شانها مانبي تزعل او تتضرر الحين زوجه اخوي كملت الرصه وصارت مشكله جديده لها 8 سنين مقومه الدنيا وامي معها .. يشهد ماتحترم امي ولا تعبرها ولا ترد بها بال وماتناديها الا باسمها حتى كلمه خاله ماتقولها اقلها .. ومع هذا امي تحبها وتوقف علينا علشانها هي راعيه فلانه قالت وعلانه قالت ومو عندنا هالحركات يشهد الله تكفون ابي حل مابي امي تزعل علينا بس ابي تترك حركاتها وابي هذيك تخلينا بحالنا "" |
رد : تكفون ابي حل
لو خيروك بفقد امك طول عمرك
ولا تكون موجودة بهالحال الخيار اظن هو الاجابة |
رد : والدتي تتكلم علينا امام الناس ولاتدافع عننا حتى لو كان الحق معنا
صدقني امك من محبتها تسوي كذا
اصبري اختي ترى لو غمضت عينها ورحت راح تقولين ليتها موجوده لو تسوي اللي تسويه وتدرين ليش توقف مع زوجت اخوك لانها تحب ولدها ولا تبي تخسره علشان وحده ماهي متربيه على احترام الكبير امك من كثر حبها تتصرف بطريقة تبي تكسبكم وللاسف تشفونها تخطئ عليكم يااااااااااااااااااليت امي ترجع وتهاوشني لو تضربني بس ترجع و اشوفها عايشه بيننا الله يرحمك يايمه |
رد : تكفون ابي حل
اقتباس:
مهما يكون تبقى امي و اي شيء تسويه مانقدر نقول لها حاجه ع العموم يسلمو ع الرد |
رد : والدتي تتكلم علينا امام الناس ولاتدافع عننا حتى لو كان الحق معنا
اقتباس:
الله يرحم امك ويرحم كل مسلم يارب |
رد : والدتي تتكلم علينا امام الناس ولاتدافع عننا حتى لو كان الحق معنا
على العموم لو في احد يعرف يتفاهم مع ناس رديه وتسوي حركات من تحت لتحت
لا يبخل علينا .. يعطيكم العافيه اخواني |
| الساعة الآن 05:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©