|
خطيبي مو حلو !
السلام عليكم و رحمة الله و بركاته
أنا عمري 23 سنة .. خطبني شخص فيه كل ما تمنيت .. حتى أمه قلبها أبيض وخواته ارتحت لهم كثير .. قبل فترة جاء هو و أبوه و قالت لي أمي طلي عليهم من الدريشة .. لكني انصدمت والله : ( الرجل ما فيه أي ذرة وسامة قصير و أسمر جداً.. قلت لأمي جت عصبت و جلست تصرخ علي و تقول الرجال ما يعيبه شكله و هذا اللي ناقص نجلس نرد فالناس هذا ما تبينه لأنه يدخن وهذا لأنه مبتعث بتجلسين فحلقي و من هالكلام : ( و لما راحوا الرجال راحت تسأل أبوي هل هو قبيح! قال أبوي لا مش وسيم بس مقبول.. قالت أمي خلاص خلصنا من هالموضوع! أنا والله مش مرتاحة أبداً بالمرات اللي قبل كنت أحس براحة و فرحة مثل كل البنات بس هالمرة غير .. مع إن الكل يمدح في أخلاقه .. ابوي قال بكره بخليه يجي يشوفك بس أنا قلت لا أجله للأسبوع الجاي أنا بس ءأجل لأني مو مرتاحة .. أمي تقول لما تدخلين شوفيه بس أنا استحي مرة مستحيل أرفع راسي .. أنا والله مو بنت تافهه ولا عقلي صغير و عمري ما فكرت إن زوجي يكون وسيم .. حتى اللي قبله كان وسيم و رفضته عشانه يدخن .. أنا بس أبي شكله يكون مرتب : ( خواتي المتزوجات يقولون إذا تزوجتيه بكره و شفتي أخلاقه و تعامله الطيب بتشوفيه جميل فعينك .. هل هالكلام صحيح ؟ أنا خايفة اقبل و يبقى هالشيء بنفسي .. و أجلس اقارن بيني و بينه .. وما أقدر أحبه و اظلمه معاي .. و بالنسبة للرفض إذا أصريت أهلي ما راح يجبروني بس أخاف اندم بعدين .. أبي رأيكم أخواتي المتزوجات .. هل صحيح الشكل مش مهم في الزوج و إن حسن التعامل يغطي ؟ وجهوني تكفون و رجاء ما أحد يهاوشني ^_^ |
رد : خطيبي مو حلو !
الله يوفقك اختي لما يحبه ويرضاه اختي الحبيبة نصيحتي لكي ان تستخيري رب العباد ولا يوجد إنسان في هذا الدنيا كامل والكمال لله ولا تنسي يا أختي الايه الكريه (وعسى ان تكرهوا شيئا وهو خير لكم ) والجمال جمال الروح لا تنظري إلى الشكل طالما كان ذو خلق وحنون أرى أنه من الأفضل ان تستخيري
والله يكتبلك اللي فيه الخير لكم ويفوقكم يارب |
رد : خطيبي مو حلو !
الله يكتب لك الخيره الرجل اذا كان طيب وشهم واخلاقه عاليه هذا افضل شي
ويكون حافظ دينه ولا يشرب هذي اكبر نعمه لك كم واحد وسيم وصاحب منصب ولكن تلاقينه فاسد وراعي سهرات محرمه ومشروبات وكل يوم مع بنت الرجل اهي شي محافظته علي دينه واخلاقه وكرمه والكمال لله سبحانه وتعالي واتمنى لك التوفيق |
رد : خطيبي مو حلو !
مرحبا اختي
إنتي احسبيها بنفسك هل الامر هذا شديد الاهمية بالنسبة لك وممكن يسيء العلاقة بينكم مستقبلا هو على حسب حاجتك يعني انتي رغبتك بإنسان وسيم وهذا اساس عندك نقول 70 % اذا نعم لا ترتبطي فيه واذا كان بنسبة بسيطة وزعي النسب الاخرى على الجوانب الباقية مثل الاخلاق الدين التعامل العاطفة وبكذا تشوفي حجم اهمية الموضوع لك |
رد : خطيبي مو حلو !
اذا مو مرتاحه لاتاخذينه اطلبي من ابوك اذا جا يشوفك انه يسولف معاه اشوي وانت موجوده
عشان يلتفت هو لم ابوك وتتمقلين فيه انت على كيفك وماتستحين لانه بيكون ملتفت ومو قاعد يطالعك ومافيها شي لو شفتيه ومااعجبك مو غصب السالفه كلمي ابوك واشرحي له ينتهي الموضوع الحين ولاينتهي بعد الملكه ولا بعد الزفاف الله يوفقك ويرزقك باللي تتمنين |
رد : خطيبي مو حلو !
اذا مو عاجبك لا تاخذي وتورطين الولد وبعدين يجي للمنتدى ويكول خطيبتي متحبني ونكعد نطي مقترحات وحلول وندوخ الولد اخصمي الامر من الان
لاكن لا تستعجلي فكري وشوفي الولد ايجوز ايعجبك بالمرة الثانية لما تشوفي وشكرا |
رد : خطيبي مو حلو !
فكري عدل
لان هاي راح تكون بينكم عشره وحياه طويله وقد تندمين بالمستقبل ،،، اخذي الشخص الي ترتاحين له وفكري زين وجوفي اخلاق الشخص ومستواه التعليمي ومستواه التفكيري يمكن شي يعوض عن شي والله ايسر اموركم واذا مارتحتي لا تجبرين نفسك عليه وتظلمين الرجال الرجال اهو تقدم لك على شان يكون سعيد ومرتاح معاك واذا انتي ماراح تكونين سعيده معاه لا تظلمين الرجال |
رد : خطيبي مو حلو !
يابنت الحلال دام انه طيب مثل ماتقولي ومافيه عيب ترى نادر هالايام باالذات تلقين واحد مايدخن وفعلا الجمال من الداخل وان كان شكله على قولتك مو مرتب انتي بعدين باسلوبك ونصائحك تغيري فيه000
موفقه00 |
رد : خطيبي مو حلو !
قبل كل شيء لابد من النظرة الشرعية
قابليه وأنظري له وشوفي هل رااح تتقبلينه وترتاحين له وإلا لا..؟؟ وأهم شيء في الزواج الإقتناع بالشريك وقبوله بنسبة معقولة أما إن شفتي أنك نافرة منه بعد الشوفه ومنتِ متقبلته نهائي ولاشايفه نفسك معه كزوجة مستقبلاً فالأفضل أنك ماتورطيه ولاتورطي نفسك وتكلفي عليه خساير وبعد مايتخسر تقولي ما أبغاه من الآن شوفيه وأستخيري وقرري أبسط حقوقك أنك تختاري الشريك إلي ترتاحين له لأن هذه حياة عمر مو يوم وليلة |
رد : خطيبي مو حلو !
هل هو قبيح يعني ماتقدرين تطالعين بوجهه
او انه مقبول اهم شي القبول اذا ماتقبلتيه لاتورطينه والله يرزقك بالاحسن |
| الساعة الآن 03:11 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©