السلام عليكم

بعد تردد قررت كتب مشكلتي يعني ماهي ببالي ولا واخذه تفكيري بس قلت استشيركم

مالكم بالطويلة

اللحين تقدم لي اثنين >> ما يعيبهم شي

الاول عاجب ابوي وامي كارهته من زمان :d

والثاني عاجب امي :d

بس همه مخليني على هواي وتبون الصدق ما يبون يزوجوني ابد :d

طيب المشكلة فين

المشكلة فيني

انه الاول احبه من صغري بس يعني سكيتي وهو بعد ومافي فرق بيني وبينه بس امي ناشره غسيله
شلون تتزوجينه وهو ما عندوا فلوس يدلعك ومركزك اعلى منه وفوق هذا انتي اطول منه >>> طبعا انا مطنشه كلامها
بس قالتلي حكمة ضحكتني والله
انه الي تاخذ الي تحبه ما تتهنى معاه قولوا ليش >>> لان الوالدة ماخذ الوالد عن حب :d
وابوي قايل صحيح هو من مقامك >>> لا تلومنه ترى انا بنته الوحيده
بس الولد متخلق ومدين والكل يشهد >> وانا اشهد
بس انا يا بنتي مترردد ليش لاني مو متفاهم ويا ابوه
الثاني
مو خاش مزاجي بس الوالدة تقنع فيني 24 ساعة قال ايش الولد متخلق ومدين ومركزه عالي وعنده فلوس بيدلعك
طبعا انا مطنشه
بس برده قالتلي حكمة >>>خخخخخ
انه الي تاخذ الي يحبها بيعشها بعز قولوا ليش >>> لان الوالدة خاطبها زمان واحد مثل هذا ورفضته بسبب ابوي وهو اللحين معيش حرمته بالدلال >> ربي يديمها عليهم


الوالده مفكره انه سيناريو زمان بيتكرر فيني عشان كذا تبي دوزن راسي :15:

الزبدة

انا اللحين نفسي طبيعي مايله للي ابغاه وان خذيت خذيت الي احبه :25: بس ابي افكر بمنطقيه اكثر لان هاذي العيشة بكمل فيها حياتي
الثاني ماني افكر فيه نهائيا اصلا لو شفته بالمعهد مطنشته وماني سامعه فيه
والاول بعد مسويه نفسي ثقيله وماني داريه عليه

وانا استخرت وماني حاسه بشي وزي ما تقولوا تاركتها للايام ويوم يجيبون عماتي ولا خالاتي السيرة اقول لساتني بزر وابي اتهنى بطفولتي >هههههههه:d
وبيني وبينكم يوم ما قربت للصح حسيت نفسي ابي الفكه يعني شلون اصير بين ليلة وضحاها متزوجة ههههههههههههه >> مو خاشه عدل راسي :18:



ابي بس ارآكم وحضوركم


بانتظاركم :24: