|
محتاجه ردودكم قبل الساعه 6 المغرب
السلام عليكم انا صديقه اجوان محتاجه لاراء فاهمه عن الحياه الزوجيه متزوجه لي 4 سنين وعندي طفلين والحمدلله الفتره الاخيره صارت بينا مشاكل كبيره لدرجه نجيب طاري الطلاق في اليوم 10 مرات والسبب اكتشفته للاسف متاخر بينا حسد ومحتاجين للرقيه انا حاليا عند اهلي صارلي شهر ؤللاسف السبب تافه جدأ بس انا كبرتها بحكم اين ابي الطلاق
واتهمت زوجي انوه يتعاطى كبتاجون الحمدلله هو تاركها من سنتين بس انا قلت مابيطلقوني هلي الا اذا جبت لهم سبب قوي وابوي قال ماترجعين له لين يحلل وانا بروح معه وان طلع مدمن بطلقك منه والعيال مابيضيعون فاتحت اهلي بموضوع الحسد قالوا خزعبلات قلت لهم ابي زوجي قالوا مو بكيفك .... حاليا اوضاعنا متوتره وزوجي يبي يقابلني باي طريقه ممنوعه حتى اني اقابله بالمجلس قولولي وش اسوي!!!!! زوجي مستعد يعمل تحاليل بس حاليا اسبوعين يداوم 12 ساعه بدون اوف وبمنطقه ثانيه مو نفس منطقتنا مع العلم انو مو موفر لنا سكن وخلال اسبوعين بيوفر لنا بنفس المنطقه اللي هو فيها انا ابي اقابل زوجي واطلع معه محتاجلي ومحتاجتله محد فاهمنا انتظر ردووووودكم بسرعه بليززززز |
رد : محتاجه ردودكم قبل الساعه 6 المغرب
اقتباس:
والتحليل ما ياخذ منه ولا نص ساعه !! اوصيك .. لا تطلعين عن شور ابوك .. وحاجة زوجك لك او حاجتك له .. ليس مبرر نلغي التفكير العقلاني .. والله يهدي زوجك وما توصل للطلاق .. واصبروا عليه الله يكتب لك مافيه الخير .. |
رد : محتاجه ردودكم قبل الساعه 6 المغرب
التحليل كم ياخذ وقت بمستشفى الامل
|
رد : محتاجه ردودكم قبل الساعه 6 المغرب
اللي اعرفه ان كل المستشفيات تاخذين موعد ويستقبلك الدكتور
وبعده يعطونك ورقة التحليل وموعده .. ويمكن يحتاج للعلاج او التنويم .. وزوجك .. اذا كان شاريك وغالين عنده اولاده يروح يحلل .. ويقدم لابوك النتيجه .. ولكن :: خوفي من ممطالته انه لسه يتعاطى .. او انه ينتظر ينظف دمه .. وافضل شئ .. ان ابوك يحدد له يوم ويروح معه .. ليكون تحت بينه وما يتلاعب بكم .. |
رد : محتاجه ردودكم قبل الساعه 6 المغرب
ان بعض الظن اثم
مشكوره |
رد : محتاجه ردودكم قبل الساعه 6 المغرب
عزيزتي ،،، انتي اللي دخلتي اهلك بالموضوع اولا ،،، طيب
انتي اللي اتهمتي زوجك بالتعاطي ،،،، طيب أنتي اللي طلبتي الطلاق ،،،، طيب لعبة أطفال هي ؟! الان اكتشفتي انك محتاجة له ؟! عيب عليييييييك ، ،، دخلتي ابوك في الموضوع ،،، لا تطلعي الا برضا ابوك،،، ا والدك لن يرضى ابنته الطلاق ولكن بنفس الوقت ما راح يسلمك له الا بعد ان يتأكد ان الرجل غير متعاطي ،،،، وين المشكلة ؟! اصبري أسبوعين وبتيسر الامور ان شاء الله ،،، وتأكدي انك تدفعين ثمن اندفاعك ،،، فالذنب ليس ذنب اهلك. بل ذنبك ،،، هل تلومينهم بخوفهم عليك ،،، ولكن ارجوك. احترمي شيبات ابوك ولا تخرجين عن شوره* |
رد : محتاجه ردودكم قبل الساعه 6 المغرب
زوجي بيجي بكره يحلل
ومحد يعرف وش بين الازواج الا الله |
رد : محتاجه ردودكم قبل الساعه 6 المغرب
الله يصلح شانكم تدخلين اهلك وتحريجنهم وبعدين تبين زوجك بعد زرع المشاكل مع اهلك
انتظرى واستدرجي زوجك بالكلام الطيب وفي نفس الوقت اذا يتعطي لازم يتوب |
رد : محتاجه ردودكم قبل الساعه 6 المغرب
الله يعطيكم العافيه
|
رد : محتاجه ردودكم قبل الساعه 6 المغرب
سبحان الله زي الدبور الي يزن على خراب عشه طيب ليه طلعتي من بيتك من الأساس ثاني مره لا تعييدينهاا
|
| الساعة الآن 04:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©