صباح جميــل : )
 

صباحكم خير ,, إن شاء الله ,,
وسلام ورحمة على العالم كله ,,

دائما اتفائل بالصباح مع أني كائنة ليليه هههه
أنا عضوه جديدة كما ترون ,, وبصراحة شفت ردودكم على كم مشكلة هنا ,, وعجبتني نوعية العقليات ,,
وطريقة التفكير ,,

ولذلك ,,
بـ أدخل في مشكلتي بدون مقدمات /

أنا آنسة أو عانسه ,,, كما يحلو لكم التسمية ,, بعمر 32 ربيعا او خريفا كما يحلو لكم التسمية ايضا ههههه
طبعا واضح أني ما تزوجت للآن ,,
والمعلومة الجديرة بالذكر , انه محد خطبني نهائي ولا نص واحد هههه الا متزوجين وأنا متزوجين لا والف لا لو يوصل عمري الـ 70 :)

أنا لن اتسأل عن الاسباب ,, لانه نصيب وقدر بالأول والأخير .. ولانه محد مرتاح ,, لا سنقل ولا متزوجه ولاغيره ,, كلن بهمه عايش ,,
مع العلم أني إنسانه عاديه جدا ,, جمال متوسط ,, متعلمه ,, مثقفه جدا ويمكن هذا اللي يخوف الناس مني :d

المهم كله هذا مو مشكلتي ,, ( الوالده ) الله يهديها مشكلتي
لا تفتأ تكرر الموضوع اناء الليل واطراف النهار ههههه

وليه ما تزوجتي ؟ وليه البنات تزوجوا ؟ وليه قاعده لي كأنها تصرف علي من جيبها خخ

بجد اثرت على نفسيتي ,, مع الايام ,, واذا شافتني مو مهتمه تصير تكيل لي الشتائم من نموذج ( عجوزه ـ عجزتي )

أنا مو مهتمه زي ما تفكر ,, بس شيء وما صار ,, يعني وش بسوي بقعد ابكي على الاطلال ؟!
والا بحصر كل حياتي حول هذا الشيء اللي ما صار !

انا مشغوله في دراستي لاني اكمل دراسات عليا بس حقيقي مؤخرا تعبت نفسيتي جدا ,, حتى قدام الناس تكرر ذات الكلام ,, صرت استحي اطلع ,, تفشلت من نفسي :d

من بعض المواقف البغيضه ,, انه ولاني ذواقه جدا ههههه صدقوا او لا تصدقون ومن سخرية الحظ انه كل العرايس من قرايبنا يشاورني في جهازهم وملابسهم وقصات شعرهم

واحيانا اختار فستانين فرحهم واخرهم طبعا اختي اللي اصغر مني ,, انا اسوي هذا الشيء وانا سعيده لانه هوايتي التذوق والاختيار ,, هي احبطتني وسبتني وتقول لمتى وانتي تزوجين البنات يا جدتهم :(

حقيقي لاول مره اتضايق بالشكل هذا ,, واشعر بالشعور المهين هذا كله ,,,

بالله عندكم حلول لنوعية التعامل معاها وكيف ممكن اقنعها بوضعي ؟

وبالمره ابغى ارسل مسج لبعض النساء الله يهديهم ,, ارجوكم لا تسألون الام بنتك تزوجت او لا ,, وليه ما تزوجت ,,
لانكم بكذا تفتحون لها باب تسترسل في الموضوع وتهينون البنت نفسها وتكره وجودكم جدا وتصبحون كائن ثقيل في الزياره :d

وشكرا ,,,

رد : صباح جميــل : )
 

أخذت جوله على مواضيع المنتدى والمشكلات بشكل خاص ,,

وحقيقة اكتشفت ان ماعندي مشكلة مقارنة بمعظم من يعانون ,, الحمدلله ,, و فرج الله همومكم عاجلا غير أجل ,,
وشكرا ,,


* مقدر أتواجد دائما في مكان مثقل بالدموع والاكتئاب والمشاكل ,,,,,

رد : صباح جميــل : )
 

رد : صباح جميــل : )
 

يالبى قلبك يافريسا مدري فريسيا اسم جديد ههههه بس حلو وصورة الورده تفتح النفس ههه

شوفي عزيزتي أهم شي قناااااعتك أنتي وأنتي ماشاء الله عليك من كلامك أنك راضيه وعارفه أن السعاده ماتنحصر بزوج لأن موكل متزوج سعيد ومبسوط وبالنهايه هي أقدار وماعلينا الا نسلم لها...

وأذا على أمك ياحبيتي هم تفكيرهم كذا ..بقولك مثلآ موقف اليوم الصباح مع أمي يعني طازا ههههههههههه

المهم قبل كم يوم هي قاعده اتابع برنامج شيخ بالتلفزيون وأتصلت وحده وفسر حالتها أنها مربوطه عن الزواج..

عاد ماسمعت الاحسها الله يطولي بعمرها وهي تناديني يافلانه يافلانه رحت لما قالت: يابنيتي أخاف أنك مربوطه عن الزواج..وعرفت أنها سامعه ذا الشي بالبرنامج ..لاأخفيك أني تضايقت شوي حتى سكت عن الموضوع وماتكلمت معها فيه...

بس اليوم فتحت معها السالفه..وقالت لي أنا يمه أقولك كذا شفقانه أنك تزوجين..قلت يمه وأنا كذا مرتاحه بس أنتم لاتوسوسونبي..
وبعدين وش هالخرابيط مربوطه ومامربوطه الأقدار عند ربي قالت..بس ليه كل ماجا خاطب مايتم قلت والله بلاهم من المترديه والنطيحه هههههه يعني ماجاني صاحي والأهم مالله كتب أحسها أقتنعت مع أني عارفه أنها بترجع تلمحلي مره ثانيه هههههههه
معليش طولت بالسالفه هههههه

يعني الي حبيت أوصله لك أنهم كذا يشوفون سعادة البنت بالزواج..وهم يبون لنا السعاده بس الله يصلحهن يخونهن التعبير هههههههه

وأهم شي ياحبيتي اصبري عليها وأحتسبي الأجر..

حبيتك وحبيت أسلوبك المرح ...الله يسعدك ويسعد وخياتنا الآنسات ويكتب لنا مافيه خير يارب......

رد : صباح جميــل : )
 

رد : صباح جميــل : )
 

رد : صباح جميــل : )
 

نفسي أعرف ليش الام ما تفكر انه بنتها بتتأثر من كلامها !!
انا امي دايما تعايرني بطلاقي اي اختلاف بسيط بيننا على طول تحطمني
يعني مثلا ترددت في شراء فستان معين تتنرفز وتزعل وتقول انتي فاشله وماتحملتي تشيلي بيت ولا زوج ولا وووووو
يعني ايش دخل ذا في ذا !!
الله يهدي امهاتنا ولا يجعلني اقسى على اولادي بهذا الشكل

رد : صباح جميــل : )
 

التواضع حلو ،،هذه مشكلتك

رد : صباح جميــل : )
 

حبيبتى ااانا صار لى موقف كرهنى فى الزواج راح احكيه لك

رد : صباح جميــل : )