|
اتفقنا على الطلاق
بسم الله الرحمن الرحيم
اما بعد اتوقع البعض يعرف قصتي ويمكن الاغلب ما يعرفها ساسردها بإختصار انا شاب في اول الثلاثينات متزوج من 10 سنوات ولدي اطفال الحمد لله القصه باختصار والله العظيم اني بقول الصدق عشان انا محتاج اجابه صادقه بدون تحيز ولا انفعال ولا تخمين ابي كل واحد ووحده يحط نفسه مكاني ويجاوب اجابه صادقه و بضمير والله العظيم اني ماني راعي سفر مع شباب ولا جلسات وحفلات ولخبطه يعني بالمختصر جنب الحيطه ما عدا من يوم ليوم اتجمع مع اصحابي في القهوه او البحر بس وما اروح الا لمن اتاكد انها بتتجمع مع احد ولا عزيمه وما اتركها لحالها قدر المستطاع حنون وطيب بشاهادتها وشاهدة كل الناس الي يعرفوني والحمد لله من عيوبي اني كنت عصبي وقدرت اتغلب على نفسي الحمد لله هي طيبه جدا جدا مع اهلي عصبيه جدا في البيت محترمه وخلوقه الموضوع قبل فتره من كم شهر حصلت بيني وبينها عواصف وشد وجذب وبصراحه ماكنت ادري ايش السبب بالمختصر ضقت منها بالحيل وفاض بي الكيل ووصل الموضوع لاهلي وتدخلت الوالده وهدت الامور وفعز مشاكلنا كانت تقول الي يصير بينا فحريقه اهم شي ابوي لايدري تراه راعي سكر يعني هذا الي همها وحياتنا طززز وكان كلامها يحز بخاطري . المهم في فتره 3 شهور غابت عن البيت وراحت عند اهلها عشان اختباراتها وانا في منطقه بعيد عن اهلي واهلها بحكم اني لوحدي والله كان يضيق فيني الوقت خاصه اخر الليل وكنت اتصل ابي اتكلم معاها واسولف والله والله والله كانت تصرفني بحكم ان عندهم مشكله مستمره وهي جالسه تحلها والمشكله هذي تخص عمها وهو عنده عيال كبار ورجال لكن هي الطرزان وتوعديني بعد ساعه ادق عليك واكبر سيفون وانا زي الغبي ارجع اتصل ودي اتكلم ودي اسمع صوت انثوي وهي زوجتي انا اولى من عمها. المهم كل يوم يضيق فيني الحال اكثر وكنت اصبر الي ما يجي يوم اجازتي وانزل لها وانا مشتاق والله اول ما اوصل وتقب مشكله بدون سبب وصياح ونتلفظ على بعضنا الفاظ ماكنت يوم اتخيل اني اقولها واطلع من البيت وانا شياطين العالم كلها قدامي ورجعت كلمتني و اعتذرت واخذتها مطعم وسويتلها حفله في المطعم واتصالحنا صحينا ثاني يوم وبسأل مجرد سؤال وين غترتي والا الدنيا تقوم ماتقعد وكيف اتجرا واسال عن غترتي طبعا هنا قلتلها الي مايرتاح ببيته يرتاح بره بيته وسافرت ثاني واحنا متزاعلين والله ما اتصلت تطمن هل انا وصلت ولا لا وهنااك صارلي حادث بسيط الحمد لله اصيب عندي الفخذ بشعر والله ما كانت تطمن علي ولا سالت عن الاشعه وش صار فيها بالله بعد هذا كله ايش تتوقعون مني وانا اشوف اصحابي راعيين سفر وحفلات خاصه وفله وزوجاتهم يعبدوهم ابليس دخل وقالي ليش ماتفلها زي غيرك فلحظة ضعف مني تعرفت عن طريق النت على وحده وكلمتها سكاي بي 3 مرات بالضبط خلال اسبوعين والله كان الكلام عادي جدا مجرد سوالف طبعا المنحوس منحوس قامت بجولاتها التفتيشيه وانا نايم وطبت في الاسكاي وصارت قصه في الحقيقه انا لمت نفسي وبكيت على الي سويته وكانت اكبر غلطه اني بكيت قدامها واتعذرلها وقالتلي ليش سويت كذا قلتلها اسباب كثيره الين ما هي الي قالت انا السبب الي ضيعتك مني وخليت غيري ياخذك مني وعشت هذاك الشهر ملك والله عيشه ماقد عشتها وانا عريس لكن كنت فنفسي خايف لا تكون ردة فعل مؤقته والي كنت خايف منه صار بدا ينقلب البيت الى جحيم يا اما اوافق على كل طلباتها ولا البيت يقلب نكد تبي تشيش مشيتها تبي تنزل السوق لحالها رفضت قامت الدنيا ما قعدت انت شاك فيني تحسب الناس مثلك خونه انا اصلا ما عاد اثق فيك كيف تعيش مع وحده مو واثقه فيك طلقنييييي. طبعا كنت دايما اوقفها لمن تقول طلقني وافكر في الاولاد الين ماتعودت منها كلمة طلقني بس اللحين بعد ماشفت تماديها وتجرأها وطلباتها الي مايقبلها رجال انا قررت اني بنفصل منها وارسلتلها رساله اني قررت الانفصال جس نبض يمكن تهدي شوي ولا الاجابه القاتله (ياخي من اول قلتلك تريحني واريحك)طبعا اليوم انا قررت لكن الاولاد غصه بحلقي افكر فيهم طول الوقت يا جماعه دلوني كيف اتصرف اطلق ولا اخليها ولا ايش اسوي |
رد : اتفقنا على الطلاق
اخي الكريم
انسى موضوع الطلاق حاليا زوجتك محتاجة شخص شديد وليس شخص طيب مثلك جربت تطنشها ..؟؟ انا من كلامك حسيت انك انت اللي تلاحقها وهي بعيدة عنك حاليا جرب ماتدق عليها انت ابدا خلها تتصل عليك ولاتبين لها انك ملهوف ترا بعض الحريم لاشافوا الرجال يراكض وراهم تسيطر وتبدا تتحكم ويوم انت ارسلت لها انك بتطلق وش بتتوقع منها اكيد راح تقول كذا لانها عارفه انك مابتسويها وقاعد تهددها لو هي شايفة الرساله جدية مارسلت لك كذا والدليل انها يوم شافت السكايبي عاملتك شهر كويس لانها حست بتفقدك فإنت ليش تلاحقها وتحسسها انك بدونها ماتقدر تعيش انت خلك واثق من حالك وطنشها وشوف ايش تعمل اذا مالاحظت انها تغيرت الشرع حلل لك 4 وقولها مابطلقك بس بتزوج اللي تدلعني وتهتم فيني وقتها بتخاف وان ماخافت ترا تقدر تتزوج وحدة قريبة بعمرك وفاهمة لك ولاحتياجاتك ،، والله يوفقك |
رد : اتفقنا على الطلاق
كلامك صح انا طيب بزياده
|
رد : اتفقنا على الطلاق
الطيبة ليس عيب انما نعمة فقدها الكثير من لنااس
ولهذا بعض الناس لاتحتاج الى الطيبة في التعامل ولهذا قوي قلبك وشد على نفسك |
رد : اتفقنا على الطلاق
:18: كذا
ههه |
رد : اتفقنا على الطلاق
على فكره والله طيبتي مو من خوف بس والله اتقاء الشر والمشاكل
|
رد : اتفقنا على الطلاق
زوجتك من نوع النساء التي تريد دائما أن تجري وراء الرجل.... يعني أن ترى فيك الامان والاهتمام يجعل هذه النوعية من النساء تطغى وتتجبر... وخير دليل حالها بعد خيانتك لها.... لذى وجب تطنيشها لفترة ومن بعدها إن لم تأتي لك راغبة... طلقها من باب التخويف... كي تعلم أنك قادر على فراقها.... عندها فقط سينصلح حالها... وإن لم ينصلح...لك الخيار إما الصبر أو الإنفصال نهائيا... أسأل الله أن يعينك على ما إبتلاك.... |
رد : اتفقنا على الطلاق
|
رد : اتفقنا على الطلاق
وش فيه المنتدى اليوم شكله حد معطيه عين وش قصة الطلاق اليوم أول أبو خليفه ولحين أنت |
رد : اتفقنا على الطلاق
تشيش كيف تمشيها ??
الله يهديها فيه امور ماتنفع الطيبه فلابد تكون حازم فيها وخصوصا اذا كانت تخص الدين ادري طلعت عن الموضوع فقط للتذكير اما بالنسبه انك طلقها اولا تعوذ من الشيطان وكلمها بهدوء وتحاور معها مو تتهاوش معها وضع لك حدود لا تتجاوزها وهي كذلك واجعل الطلاق اخر الحلوول فلا تفرح الشيطان عليكم يسر ربي اموركم |
| الساعة الآن 11:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©