|
زوجي متغير
السلام عليكم
ابي استشيركم في مشكلة عندي انا لي 6 شهور متزوجة وحالياً حامل من حملت وزوجي طيب معي مع اني وحامي شين وكرهته ولاابي قربه والحين يوم خف الوحم واحساسه اختفى زوجي تغير مدري ليه سالته يقول انتي السبب قلت له اسفه ان كان جاء شي مني ضايقك وتأسف هو بعد وحمدلله مشت امورنا وانا من النوع انسى ولااشيل وهو بعد ع قوله نفتح صفحه جديدة لكن اللي اشوفه متغير مهو زوجي اللي اعرفه اشوف نفسي مافيني شي تجننت مغير ابكي لحالي وهذي المشكلة يمكن تلاحظون شي مالاحظته مع العلم اني مسوية عمليه ربط الارحام لخطر الاجهاض وممنوعة المعاشرة الزوجية قلت لكم هالسبب يمكن يطلع من كذا |
رد : زوجي متغير
اتوقع بسبب عدم المعاشره الجنسيه مافيه رجال بيصبر 9 شهور حتى لو كان بسبب قوي مثل ربط الارحام ولو صبر بيكون متضايق ونفسيته زفت
وربنا يقومك بالسلامه وترجع حياتكم طبيعيه |
رد : زوجي متغير
حبيبتي ركزي الان بحملك ربي يتممه على خير هذا اهم شي
وعامليه عادي و لا تركزي.. احتمال يكون عنده مشاكل بشغله ليش حكمتي انه انتي السبب بيكون متضايق من شي برا بشغله او من اصحابه .. اهتمي بنفسك و صحتك و جنينك و ربي يقومك بالسلامة يارب ... همسة .. الاطباء منعوك من المعاشرة .. لكن لا تمنعي زوجك من الاستمتاع بك بطرق اخرى.. من الصعب على الرجل ان يصبر كل تلك المدة ربي يحميك و جنينك و يقر عينك بشوفته سليم و معافى |
رد : زوجي متغير
الله يجزاكم خير ع الردود
اتمنى تدعون لي بصلاح حالي معه لاني كلمته قبل شوي يقول بستخير في حالنا لاني قلت له كلة جرحته امس واعتذرت منها مع العلم الفارق العمري بيننا كبير بس ماانحس بفرق ماشاءالله واتصرف معه بعفوية يقولي جرحتيني فيها انجرحت اكثر منه لان هذا حالي من يومي صغيرة يفهموني غلط ولاعمري قصدت شي ولاشلت ع احد شسوي برجال يستخير عشان جرحته بكلمة؟ ويهون كل شي عليه عشان سبب كذا الله المستعان بس |
رد : زوجي متغير
مثل ما قالو الاعضاء قبلي
وركزي ركزي ركزي على الهمسه اللي خطتها لك نوره وليش زعلانه لانك حامل طبعا وانتِ بهالفتره حساسه جدا شيء طبيعي حبيبتي يقال المرأه فتره الحمل يصبح عقلها مثل عقل الجنين اللذي في احشائها من غضب وسرعه انفعال ودموع على ابسط الامور وتجرح حتى من كلمة عابره وتشعر ان المفروض يقدرها الجميع ان شاء الله بعد الولاده نفسيتك تكون احسن وتشوفي انك كنتي تقومي بأفعال غريبه ولن يتضح لك هالامر الا بعد الولاده ليش حكمتي على استخارته ان امر سيء وذلك زاضح من ردك الاخير حبيبتي توكلي على الله حق تكاله واحمدي الله ان زوجك يستخير اذا لن يضيعكِ الله عزيزتي لا تخافي وتذكري ان امر المؤمن كله خير هذه الفتره اهتمي بصحتك وتغذيتك وشاركي زوجك هواياته لا تكوني بعيدة عنه عاطفيا وجسديا وكرري ان الامر هان ولم يزل الا القليل واشبعيه بالكلام المعسول والمسجات والمفاجآآآت حاولي ولا تقولي انا حامل انا ............ لكِ الاجر ان شاء الله زوري مفضلة المتزوجين فيها ما يرشدك لاشياء جميله اذا لم تحصني زوجكِ من سيفعل لا استطيع الافصاح اكثر ويارب تولدي بالسلامه وترد اموركم احسن من قبل |
رد : زوجي متغير
اقتباس:
|
رد : زوجي متغير
اختي الفاضلة اعلمي ان الحياة الزوجية اذا اصبحت ملامحها جادة اكثر من اللازم وغلب عليها الطابع الرسمي فلم يعد للمشاعر فيها مكان فإنها تتحول الى علاقة عابرة كالصداقة التي قد تنتهي في لحظة فزوجك بحاجة الى مشاعر في هذه الفترة تحتوي مشاكله المعنوية وتروي جفاف احاسيسه العاطفية التي بدأت تظمأ بسبب قلة المعاشرة والدليل قوله انتي السبب فربما هذا ماكان يقصده فحاولي تعويضه عما فقده بشيئ مماثل او مقارب له حتى لايشعر بحرمانه من كل شيء فقليل دائم خير من كثير منقطع ::::نسأل الله ان يعينك ويحسن عاقبة امرك
|
رد : زوجي متغير
اقتباس:
ايوا يا أمي السبب من كذا :) هو طيب وانتي طيبة وهو يسامح وانتي تسامحي ومع ذلك نفسيته تعبانه ويمكن حتى هو ما هو بعارف السبب . فقال لك أستخير بحالنا . اقتباس:
واعذريني على تعليقي اللي بقوله :) بس أنا ما أعرفك ولا اعرف عمرك ولا خبرتك فهل فهمتي قصد حبيبتنا نوره ؟؟ اذا مو واضح لك تماما أو ما تعرفي الطريقة اللي توصلي لزوجك هالمعلومة فلا تخجلي من السؤال وبتلاقي الجواب باذن الله |
| الساعة الآن 08:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©