|
الى الاخ البليغ والاخوات نوره وسيدة الموقف اتمنى المساعده منكم
السلام عليكم ورحمة الله وبركاته
بصراحه مالي بالمقدمات بس حابه اشكركم مقدما الموضوع يخص صديقه لي اتصلت بي تطلبني المشوره ونصحتها بكم ورفضة قالت انت اكتبي لهم المهم صديقتي عندها مشكله مع اختها الوحيده المشكله كالتالي تقول اختها حاليا بالجامعه تدرس من لما كانت بثانوي تعرفت على واحد عن طريق النت واتطور الموضوع وياها واهلها اكتشفوا الموضوع وعاقبوها وظربوها وحرموها ووووو ومن هالقبيل المهم بعد مده نسوا الموضوع او خل انقول تناسوه ومرت السنين وعلى اساس الموضوع انتهى ووعدت ابوها انه خلاص ومرت 3سنوات واعتبروها طيش مراهقه ولكن المصيبه والكارثه انه صديقتي كانت شاكه بالفتره الاخيره واتاكدت واكشفتها انه رجعت مع نفس الولد تقول قطعته سنه وبعدها رجعت وكل هالمده ضاحكه على اهلها الي فهمته من صديقتي انه الولد يحبها ومنتظرها تخلص جامعه ويجي يخطبها طبعا صديقتي اول ماعرفت اخذت منها التلفون واللاب المطلوب مني ومنكم نلقى لها حل واشلون تقول لابوها وامها لانه خايفه عليها والله ابوها طيب لابعد درجه وعاش عمره كله على السمعه الطيبه وابوي دايما يحمد باخلاقه والتزامه صديقتي تقول اخاف لايصير له شي قلت لها قولي لاخوانها قالت مستحيل اخوانها تقول انا حابه ادخل ابوها هو ولي امرها وهو لازم يعرف على قولتها مستحيل اغش ابوي بصراحه انا ماعرفت اعطيها حل احس الموضوع معقد والمصيبه انه اختها مصره انه مافي غلط بالموضوع على فكره لها صوره معاه بمكان عام بمول معروف عندنا ادري كلامي ملخبط بس اتمنى تساعدوني ولكم جزيل الشكر صديقتي راح تشوف ردودكم عسى تلقى حل |
رد : الى الاخ البليغ والاخوات نوره وسيدة الموقف اتمنى المساعده منكم
اخواني الله يرضى عليكم ولا واحد رد
الموضوع صعب والبنت حتشوف ابوها يوم الخميس شو تقوله |
رد : الى الاخ البليغ والاخوات نوره وسيدة الموقف اتمنى المساعده منكم
:* |
رد : الى الاخ البليغ والاخوات نوره وسيدة الموقف اتمنى المساعده منكم
اقتباس:
بس المشكله انه من جنسيه ثانيه وهم صعب يعطوا بنت مو من قرايبهم كيف لو جنسيه ثانيه على قولتها وعلى فكره حسب مافهمت من صديقتي انه الولد ماعنده مانع يتقدم طبعا اختها قالت لها عموما اشكر لك اهتمامك وردك ربي يجعلها بموازين حسناتك |
رد : الى الاخ البليغ والاخوات نوره وسيدة الموقف اتمنى المساعده منكم
السلام عليكم ..
معليش يا حلوممة عارفة الظروف مايصير اشكي هنا وهناك :) شوفي حبيبتي اتفق مغ سيدة الموقف.. البنت متعلقة بالشاب و مهما حاولتو ماراح يقدروا عليها قبل 3 سنوات (ولسه العلاقة ماكانت قوية ) انضربت و صار لها الي صار وفوق هذا رجعت له فاكيف الان و بعد ماعشعش حبه في قلبها ؟؟ كلام الدين ماراح ينفع معها (لانها تحبه .. بعكس لو كانت بس واخذة الموضوع شات و فرفشة ووناسة)... لذا من الافضل انه يتقدم لها اذا رضا و تقدم .. خلاص تصير خطبة لغاية ماتكمل دراستها واذا مارضا يتقدم ساعتها هي تعرف انه كذاب و لحالها بتسيبه تقولي هم من جنسية ثانية .. برايي قولي لصاحبتك .. تعزم ابوها لبيتها (يكون بعيد عن البنت ) و بينه و بينها تكلمه و تفهمه الموضوع .. وتحاول تقنعه انه الضرب والحبس ماراح يفيد و ا لافضل الولد يتقدم وتكون علاقتهم في النور لمصلحتها و لمصلحته واحتمال كبير اذا صارت خطبة و صار تواصل اكثر بينهم تحت نظر الاهل بتعرف كثير عن شخصيته الحقيقة و ساعتها بتقرر هل تكمل معه ام تفسخ .. صراحة من امس افكرر فيها .. مالقيت حل غير انه يتقدم لها وصاحبتك تحاول تكلم ابوها والحل الثاني هو انه يمنعها من الدراسة و يشيل الانترنت واالتلفون ويزوجها بغير رضاها لانسان ثاني بس ساعتها بيكون ظلم البنت و ظلم زوجها . اذا الشاب فعلا شاريها خلاص يتقدم لها افضل و تتحمل هي نتيجة اختيارها |
رد : الى الاخ البليغ والاخوات نوره وسيدة الموقف اتمنى المساعده منكم
وعليكم السلام والرحمه
نورتي يانورتي هههههههه اتمنى انك بخير واشكرك على اهتمامك وردك وعاذرتك حبيبتي ولا يهمك نجي للموضوع كلمت صديقتي اليوم وفريتلها ردك انت وسيدة الموقف الله يجزاكم خير هي مو مقتنعه بالموضوع وتقول انه ابوها مستحيل يرضى بالموضوع وباجر راح تقابله واتحاول تشجع على قولتها واتقوله بس هي خايفه عليه من الصدمه حاولت اقنعها بالموضوع وبرايكم قالت صعبه هو من جنسيه ثانيه محد بيرضى ولما شافتني مصره باقناعها قالت لي ترضين واحد من جنسيه ثانيه يخطب اختك بصراحه ماقدرت اقول اي نعم والله ما ادري احس الموضوع مشربك قالت لي اشكركم وانتظرها تقول لبوها واوافيكم بالجديد بارك الله بك عزيزتي |
رد : الى الاخ البليغ والاخوات نوره وسيدة الموقف اتمنى المساعده منكم
السلام عليكم اخواني
اليكم اخر التطورات صديقتي كلمت ابوها وانصدم وصار الي صار المهم واجه بنته وكلمها ولقاها مصره وما معتبره الموضوع غلط طبعا هو رافض الموضوع بتاتا من كل النواحي بعد تفكير وبعد ماقلت صديفتي لبوها عن افكاركم قرر انه يكلم الولد ويطلب منه يجيب ابوه ويتقدموا وراح يطلب من الولد يخطبها ويتزوج ويفتح لها بيت بالمعقول طبعا الولد طلع راتبه زهيد بشكل يدوب معيش نفسه ويدرس يعني مو قد المسوليه الاب يقول انه متاكد الولد ماراح يجي لانه قاعد يلعب وبعدين حتى لو جا راح يتركها لانه ماهوا قادر على تحمل المسؤوليه المصيبه بالموضوع انه البنت رافضه هالفكره واتقول انه حطوله شروط تعجيزيه كلمتني صديقتي واتقول والله مو عارفين هل ابوها سوا الصح او لا الاب يقول لما تشوفه حيرفض راح تتركه ولو بالتدريج كلمتني وقالت اكتب لكم جديدها وطلبت منكم تعطوها حل ثاني مني ومن صديقتي جزيل الشكر اخي البليغ اتمنى ترد على الموضوع وماتتركه لانه حابه اسمع وجهة نظر الرجال بالموضوع بارك الله بكم جميعا |
| الساعة الآن 03:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©