مشاكل ما بعد الطلاق إلى متى !!!
 

السلام عليكم

5 شهور من الزواج كانت كفاية لإتخاذي قرار الطلاق بعد المشاكل اليومية التي كانت بسبب وبغير سبب .. مع ذلك اخذت بمشورتكم من خلال هذا المنتدى وكل الأعضاء شجعوني على الطلاق بعد ذكر بعض تفاصيل حياتي .. اخذت قراري بقناعة تامة وتم الطلاق بعد الإتفاق مع اهلها على عزمي على الطلاق.

المشكلة هي ان بعد الطلاق بدأت مسلسلات الشكاوي في المحكمة على أمور تافهة مثل مطالبتي بالصور وطقم الذهب وغيرها من الأمور التي لاتنتهي. مع العلم انها عارفه اني لا أملك اي شي يخصها وانها اخذت كل حاجاتها إليي تخصها وحتى إليي تخصني لكن مدري تبي توصل إلى ايش.

واضح انها تبي تنتقم او تخرب حياتي خصوصاً ان انا تزوجت بعد مرور سنه من طلاقي منها لكن المشكلة الحالية ان موضوع طلاقي مر عليه سنتين والمحاكم مستمره .. اوقات اقول في حريم تروح المحكمة سنوات المحكمة عشان تتطلق .. لكن هذي سنتين على طلاقها ايش تبي توصل له في النهايه وإلى متى راح تستمر على هذي الحالة ؟

رد : مشاكل ما بعد الطلاق إلى متى !!!
 

السلام عليكم ورحمة الله تعالى وبركاته

أرفع عليها دعوة كذب وإدعاء باطل وطالبها برد إعتبار مادي لايغل عن 50 ألف ريال ، لأنه لايوجد عندها دليل مادي على تهمها.

وبالنسبة للمشاكل فهن هكذا بعض النساء من يقع في ميدان حلوقهن وذمتهن لايخرج إلا بجثة هامدة.

كبر راسك وتعالى عن هالأمور وأقلب الطاولة عليها وجيب حقك حتى لو شفتلك محامي شاطر.

موفق.

رد : مشاكل ما بعد الطلاق إلى متى !!!
 

أشكرك أخي في الله متفائل

مشكلتي طيب زياده عن اللزوم وابغي انهي الموضوع بدون ما تكبر المشكله .. عشان كذا ما افكر في موضوع القضايا .. لكن في نفس الوقت خلاص زهقت ابغي الموضوع ينتهي وانسى .. كفاية ما جاني من زود التفكير صار عندي ضغط وبدأت آخذ حبوب الضغط وانا بهذا السن.

كنت اقول مع الأيام راح تتفرغ إلى حياتها وتتركني في حالي .. لكن يوم بعد يوم تزيد مشاكلها ,, وعارف ان موضوع المحكمة مو في صالحها عشان حتى لو بيجيها نصيب بتواجدها في المحاكم بهذا الإسلوب راح تقطع نصيبها

والله ماني عارف شسوي!!

رد : مشاكل ما بعد الطلاق إلى متى !!!
 

لاتتعب ولا شي
الموضوع جداً بسيط .. أقلب الطاولة عليها ، وهي لما تحس انها خسرانة بترجاك عشان تسحب القضية.

وخذ طال عمرك رد إعتبار 50 ألف ومتى ماخذيتة طلع زكاتة وروح سافر لأحد الدول اللي فيها طبيعة وعبر عن شعورك.

لاتصير ضعيف.

رد : مشاكل ما بعد الطلاق إلى متى !!!
 

يوووووووه فتحت على جروح وتذكرت غبائي اللي ماخذت حقي من طليقي اخذ الاب توب وفيه صور وذهب وباقي اغراض تخصني رفض يجبينهن لي نهائي ليت رفعت عليه المحاكم وطلعتها بلقانون لكن الله سبحانه راح ياخذ حقي بأذن الله ومتفاءله
اخي طرح المشكله ليه ماتتفهم مع ولى امرها وتهددهم انك راح تقلب عليهم في المحاكم اذا ماوقفوا الشكاوىى والله يكفيك شرها ويفتح لك الخير

رد : مشاكل ما بعد الطلاق إلى متى !!!
 

يااخي ان كان لك حق بتاخذه
لكن سياسة الثأر للنفس والانتقام التي ماانزل الله بها من سلطان لاتفيد
اهم شئ لاتظلمها وعطيها كل حقوقها لان الظلم ظلمات يوم القيامة
وان كان مالها حقوق فالحق حيبان ليش تزعل نفسك وتفكر

رد : مشاكل ما بعد الطلاق إلى متى !!!
 

رد : مشاكل ما بعد الطلاق إلى متى !!!
 

مشكورين اخواني

انا احاول قدر الأمكان اتجنب اي شي يذكرني فيها وعملت توكيل لخويي محامي يحظر كل قضايا المحكمة .. لكن إليي يكدر ان كل ما يخلص موضوع مفربك وأطلع منها يطلع موضوع مفربك أكبر منه مثل موضوع الصور عقدني .. انا ما عندي صور تخصها والمحكمة تطلبهم وطليقتي تحلف على القرآن ان كل الصور عندي.

اشلون تحللون الحاله إليي عندها ؟؟؟

وتتوقعون الحاله هذي راح تستمر كثير .. صار لي سنتين تقريباً ؟؟؟

تجاهلي حقها وعدم حضوري المحكمة يحلل المشكلة او يخليها تركب راسها أكثر ؟؟؟

رد : مشاكل ما بعد الطلاق إلى متى !!!
 

مادري ليش مااصدق ان فيه رجال مظلوم..